إهدا الى اهل الطائف

[برقا وي باشه]

ربعي الغا لين اهل دار المصايف
** * الرجال اللي مذهب ومله

مكرمين الضيف وان جا الضيف ضايف
*** ينثرون السمن ويديهم تزله

هيلهم بدلا لهم والبن كايف
*** مايحسبون الحياه المضمحله

ضيفهم يقلون اله مانته بطايف
* * * غير من بعد المفطح عقب د له

عندهم عادات مافيها طرايف
*** قد رهم لضيف واجب قد ر حله

روح صيف وطلع الضلع المنايف
*** كان ماتعرف طريقك معك أدله

مايقف رجالهم ميقاف خايف
*** مايد ور للمعاذ ر والتعله

مجدهم تاريخهم ماهو بزايف
**** يشهد التاريخ بثبات وادله

هم قبايلنا هل سيوفٍ رهايف
*** والوجيه انوارها نورالاهله

عاجزه عن وصفهم كل الوصايف
*** وصفهم فوق النجوم المستقله

من الهداء لترعه بعد دار العرايف
*** جعلها با لغيث من غيمه تهله

عبد الله مطلق الزايدي

[مرزوق حمدان العتيبي]

ربعي الغا لين اهل دار المصايف
** * الرجال اللي على مذهب ومله

مكرمين الضيف وان جا الضيف ضايف
*** ينثرون السمن ويديهم تزله

الله الله
صح لسانك يالزايدي
كفو فيك وفي ربعك وربعنا ..
تقبل شكر ي و تقديري لك على ابداعك ..

[برقا وي باشه]

الاخ العزيز مرزوق العتيبي

خالص الشكروالتقدير ما اشرت اليه سقط سهواً خطا مطبعي

ثانياً صح بدنك وسلم راسك وربعنا يستاهلون اكثر

وما عليك زود يا بن العم ... ومرحبا تراحيب المطر


تقبل خالص تحياتي

اخوك عبد الله الزايدي

[صقر برقا]

برقاوي باشه


والله ما ني بداري
وش أقول ::
بقصيدة مثل هذي

جمييييييييييييييييلة
للغااااااااااااااااية

صح لسانك يا لبرقاوي

قصيده في منتهي
الروعة والابداع

ولا ينقصها
سوي النطق
بها !!!


برقاوي باشه

هذا العشق الأبدي
وهذا الحب للأ منتهى
أنا أقصد هنا حب الوطن
ومنه حب المدينة



قصيده
جزلــه يالجزل

أحسنت فأبدعت
قلت ... فأجدت

مكرمين الضيف وان جا الضيف ضايف
......................... ينثرون السمن ويديهم تزله

لو مافي قصيدتك سوى
هذا البيت لكفى أن نقول
عليها راااااائعة


هل الطائف يستاهلون
القصيد وهم هله
كيف لا ؟

وسوق عكاظ
شاهد لهم منذ
العصر الجاهلي
والآن الشعر
في الصيف مزهر
بالطائف

ونعم فيهم وفيك



فدمت لمن تحب
ودمت لمن يحبك


أخوك
صقر برقا

[فيصل المسعودي]

صح لسانك برقاوي باشه الزايدي ويستاهلون اهل الطايف تحياتي لك واحترامي .

[((الدلبحي))]

صح السانك

قصيده جزله من راس جزل

لاهنت

تحيااااااااااااااااااتي

[برقا وي باشه]

الاخ العزيز صقر برقا.... مرحبا تراحيب المطر

حضورك الرائع وكلماتك الجميله محل الاعتزاز والفخر

وما ثنائك على الطائف واهله الا دليلاً على اصالة معدنك

شاكر ومقدر لشخصك الكريم

تحياتي مهداه باقه من الوردالطائفي

اخوك عبد الله الزايدي

[برقا وي باشه]

الاخ العزيز فيصل المسعودي

علم اخي اننا في منتدى الهيلا نفخر كثيراً بوجودك معنا انت والا خ الحارثي

والزهراني وغيركم وكل ابنا مملكتنا الحبيبه فمكانتكم عندنا عا ليه غاليه

مرحبا مليون يافيصل كيف وانت ابن القبيله التارخيه الاصيله

اطلاعك زادني شرفاً وعزه

تقبل تحيات اخوك عبد الله باقه من الورد الطائف

[برقا وي باشه]

الاخ العزيز الدلبحي

تشرفة باطلاعك والجزل راسك ÷÷÷÷÷÷ه كماان هذه الكلمه اصابتني

في مقتل واليتني اعرف شيئاً عن ربعنا الدلابحه امزح معك

تقبل خالص تحياتي

اخوك عبد الله الزايدي

[صقر طفيح]

ونعم بالطائف وأهلها

أهل كرم ونخوة وعلوم رجال

يستاهلون الصيت الطيب والذكر الزين

مشكور يالزايدي

على هالقصيدة

صح لسانك وصح بدنك

أرى جديدك يالنشمي

أخووووووووووووك
صقر طفيح

[برقا وي باشه]

الاخ العزيز صقر طفيح ما عليك زود يالنشمي

ويستا هلون ربعنا أ كثر وكثراهل الكرم والحميه جميع قبائل الطائف ثقيف

وهوازن خندف وشبا به

يقو ل شاعر طفيح

نفاعي ليا جاتنا من قباله
******* ***** طفيحي ليا جا خرزها في جنوبها

تقبل خالص تحياتي

[** البرقاوي**]

باشه برقاوي


قصيدة رااااااائعه

وصح لساتك

ولا قصرت واهل الطائف يستاهلوووووون

النجم النعتلي

[السويلم]

الأخ برقاوي باشه

صح لسانك

ولك تحياااااتي

[خلف بن مرزوق]

بن زايد

صح لسااانك ولاهنت

جزالة من راعيها

تقبل

تحياااااااتي

[برقا وي باشه]

الاخ العزيز النجم المعتلي


حضورك الرائع والمميز

صح بدنك يالغالي وانت كذلك تستا هل كل الطيب والا حترام

تقبل فائق تحياتي

[مطرح البعارين]

الله يعطيك العااافيه
والنعم بأهل الطائف

الى اللقاء/ مطرح البعارين

[برقا وي باشه]

الاخ العزيز السويلم

مليون هلا وتحايا اهل الطائف مرحبا تراحيب المطر

اسعدني اطلاعك وتشرفت بحضورك وكلماتك الجميله محل تقديري

تقبل تحياتي

باقه من الورد الطائفي

[برقا وي باشه]

الاخ العزيز خلف بن مرزوق

صح بدنك ولا هان غاليك والشر مايجيك

اسعدني حضورك والجزاله كلماتك المميزه

تقبل تحياتي

[برقا وي باشه]

الاخ العزيز مطرح البعارين
هههههههههههه .... هههههههههههه حسبي الله عليك فجعتني بغيت اطيح والله سلم ما كل بعير يطيح

اسعد الله اوقاتك بكل خير

تشرفت باطلاعك وحضورك وكلماتك الجميله ازدانت بها هذه الصفحه

تقبل خالص تحياتي