قصيدة مدرس علوم طفشان

[الحربي ابو مالك]

علوم طفشان..

--------------------------------------------------------------------------------




طق الفيوز وصار بالقلب هوجـاس

والمخ يرسل موجه العرض والطـول

والجهد منى ضاع تكفـون يانـاس

نقرا ونكتب والمدى صـار مجهـول

والجاذبيـه مالهـا عنـدي قيـاس

واصبحت في كوكب عن الناس معزول

وتشابكن اسـلاك قلبـي بلـولاس

وفكري تمرجع صار به خيط بنـدول

عيشة شقى كله مساطـر وكـراس

مناهج وتعريـف ووضـح بمدلـول

غمضت بالمجهر تقل عين عسـاس

او عيـن صيـاد تنكـر لـه الجـول

طحلب حمر ولا طحالب فيوكـاس

بين الشرايح شـارد الفكـر مذهـول

حتى الشجر شفت انا اشكال واجناس

وضاعت علومي بين حرمل وعاقـول

ومعادلات تخلف العقـل والـراس

الكـن والكيـن و مـلـح وفيـنـول

صب الكلور وحط كبريت ونحـاس

واحذر تزيد نسبـه الحجـم والمـول

يالله ترحـم طالـبٍ دوم محتـاس

يالي جعلـت الـرزق للعبـد مكفـول






م
ن
ق
و
ل
هـ

تحياتي
اخوكم ابو مالك

[فيصل المسعودي]

الله يعينه ولا ينلام مشكور ياخوي الحربي وصح لسانك ولسانه .

[((الدلبحي))]

تسلم يمناك

الله يعين اللي يدرسون وصح السانك

تحيااااااااااااااااااتي

[@المورقي@]

لاهنت ويعطيك العافية
والظاهر هذي أكثر شعور وأحاسيس المدرسين

تحياتي