المساعد الشخصي الرقمي

مشاهدة النسخة كاملة : ردي على قصيدة بن حويل العصيمي


أبونايف الروقي
23-Feb-2012, 09:17 PM
السلام عليكم ورحمة الله
مساكم / صبحكم الله بالخير وطابت جميع أوقاتكم
هذه القصيدة مردودي على قصيدة للشاعر حويل بن محمد بن حويل العصيمي / وأعتذر في عدم إيراد قصيدته حيث لاتحضرني في الوقت الحالي



يامرحبا عداد مايخضر العود=واعداد ماتبرق وزلزل رعدها

وعداد ما ذعذع وما نسنس النود=واعداد من شاف النجوم وشهدها

بخطٍ من ارجال الحمية هل الجود=حويل نسقها وفكره نقدها

على المعاني له مصادير وورود=غادٍ لزبن الطايلات وسندها

ياشوق من قرنه على المتن مرجود=بنت الرجال اللي تنقض جعدها

الطيب ورث ولا على طيبكم زود=بهاك اليال فعولكم من جحدها

وقت القدايم يوم طارد ومطرود=الحثري أذكر في بيوت(ن) سردها

انتم هل الطالات في اللين والكود =ليا شبت الهيجاء وطول نكدها

اليا اشتبك دخانها تالي الذود=وم الحوير عذرت في ولدها

ثم عودت مابين حاوي ومردود=ودلت تهل الملح الأشهب بردها

اما انهزم واللا ورا الوجه مردود=عدوكم لجالكم معتمدها

واللا عليه الضبعه تروح وتعود=فعولكم حتى السباع تحمدها

وقت(ن) مضى ما تختلط بيض مع سود=مختلفة الألوان والله فردها

وانتم وحنا طيبنا فوقه اشهود =وموثقه عندي وعندك سندها

واليوم أمان وعز وسهود ومهود=الله يعز اللي مثبت عمدها

وياحويل لك مني تحيه بمردود=على هجوس تشعر اللي نشدها

ويفدونك الرديان وقليل الفود=ضعاف النفوس اللي تلوي عقدها

وصلاة ربي خالقي خير معبود=عداد من صلى الفروض وسجدها

على نبي(ن) وضح الدين بركود=هد الكنيسة والصنم ماعبدها

وسلامة الجميع

عايض جزاء العصيمي
24-Feb-2012, 12:29 AM
صح لسانك يابونايف لاهنت


على هالقصيده الجزله


تحياتي لك

محمد الذيابـــي
24-Feb-2012, 12:31 AM
..


صح لسااااااااانكـ


وصح لسااان ابن حويل



ولا هنت....

قيس العازمي
24-Feb-2012, 02:17 AM
صح لسانك ياذيبان



وياليت تجيب لنا قصيدة ابن حويل




تحياتي

أبونايف الروقي
24-Feb-2012, 03:27 PM
صح بدنك ياعايض والله لايهينك شرفت المتصفح

خليل هليل الشيباني
24-Feb-2012, 04:37 PM
وانت سالم وغانم

صح السانكـــ واعتلى شانك

ونعم بالمادح والممدوح

أبونايف الروقي
25-Feb-2012, 09:46 AM
صح بدنك مشرفنا القدير . نور المتصفح . تحياتي

مفرح ذيب العطاوي
25-Feb-2012, 10:23 AM
صح السانك يابو نايف

أبونايف الروقي
26-Feb-2012, 10:17 AM
صحة السنة الجميع 0 ودمتم