المساعد الشخصي الرقمي

مشاهدة النسخة كاملة : ضيف الله العضياني لاهنت

مجول بن جلال المقاطي
22-Feb-2012, 09:52 PM
استلم ياضيف الله






تعال يالشاعر اللي معدنك من ذهب = اخذ العلوم الثمينه واعطني ردها

في كسرة البيت يامكثر هروج العرب = واللي بناها شوي ويرجع يهدها
محمد بن سمار الحنان
22-Feb-2012, 09:56 PM
صح الساااااااااااااااااانك
عايض جزاء العصيمي
22-Feb-2012, 10:21 PM
صح لسانك يامجول

وصح لسان ضيف الله مقدما
مجول بن جلال المقاطي
22-Feb-2012, 10:28 PM
صح الساااااااااااااااااانك

صح لسانك لاهنت على حضورك
مجول بن جلال المقاطي
22-Feb-2012, 10:29 PM
صح لسانك يامجول

وصح لسان ضيف الله مقدما





صح لسانك ياعايض
لاهنت على الحضور
ضيف الله العضياني
22-Feb-2012, 10:37 PM
على جرام الذهب في السوق زاد الطلب=عسى دراهمك نقد ولانقص عدها
الله لايرحم حجب تبكي عجوزه حجب=يمكن من الضيم يجرح دمعها خدها
مجول بن جلال المقاطي
22-Feb-2012, 10:58 PM
ابعيرك اللي قبل مده يشيل الصعب = االيوم فاقرب قريب عيونه يلدها
يالا العجب وش جرا لشعيل يالا العجب= يمكن منه تاقف الدنيا على يدها
ثامر الثبيتي
22-Feb-2012, 11:05 PM
ياسلام يامبدعين
صحت السنتكم ياابطال
متابع للبداع
ضيف الله العضياني
22-Feb-2012, 11:32 PM
لو راعي الذود ذوده ما دهكها الجرب=بعيرنا عن صحاح الذود ماحدها
ماعاد فيها عجب مادام شفت السبب=قلوبنا مانبيح مع الغضب سدها
مجول بن جلال المقاطي
22-Feb-2012, 11:58 PM
قام يعثا فامهاته خلفها والجنب = وعلى المراحين قام يصوك ويردها
من طاوع النفس بطوال النشايب نشب = لو راسه يزوم من قو السطر والدهى
ضيف الله العضياني
23-Feb-2012, 12:31 AM
حد الهمل لين صارن مثل حذف الخشب=اصيل من بطن اصيله معربٍ جدها
من لايروم العلا ماله ومال التعب=العاليه ماتبا الا واحدٍ قدها
ضيف الله العضياني
23-Feb-2012, 12:34 AM
الختام عندك يامجول

صح لسانك ولاهنت
مجول بن جلال المقاطي
23-Feb-2012, 12:48 AM
وش فيك تسرع وتاكل في طريقك مطب = احرفتها عنك مابغا انوشك بحدها

بعض العرب دونها تصيبه ام الركب = ويضيع ويروح مابين ارخها شدها