عـجّـاب الـدغـيلـبي .... روح المدرسه !!

[زياد المزرمي]

مســاء الخــيـر يابو سـعـد

مــحـراف إن سـمح وقـتـك :)



دق الجرس والطالب الممتاز راح المدرسه !! = ما قال انا توّي صغير ... ( الله يكافينا البلا )
يا معمّر القذافي اللي ما نفعته الغطرسه !!= نهايته لاتقول غير ... ( الله يكافينا البلا )

[حمدان العضياني]

الله يابوصالح سبك وحبك كالعاده

صح لسانك والصف صفك وننتظرالشاعرالمجرم عجاب الدغيلبي

وانا اضمن لهذا الطاروق النجاح والتميز

[قيس العازمي]

صح لسانك يالمزرمي


وصح لسان عجاب مقدماً



متابع

[زياد المزرمي]

الله يابوصالح سبك وحبك كالعاده

صح لسانك والصف صفك وننتظرالشاعرالمجرم عجاب الدغيلبي

وانا اضمن لهذا الطاروق النجاح والتميز


هلا وغلا يالله حي علم العضيان:)

صح بدنك

والصف يزهابك ياسنايدي

والله يخارجنا من هالقذافي:)

[زياد المزرمي]

صح لسانك يالمزرمي


وصح لسان عجاب مقدماً



متابع



صح بدنك ياقيــس

ومشكــور على المرور الرائــع :)

[عجاب الدغيلبي]

هلا يابو صالح واستلم لاهنت


زياد طالب مجتهد واللي نقرر يدرسه
يسمع قرارات المدير ( الله يكافينا البلاء)
حنا ذبحنا الطاغية لو كان جهده كرّسه
من فعل شيباني مغير ( الله يكافينا البلاء)

[عجاب الدغيلبي]

هلا يابو صالح واستلم لاهنت

زياد طالب مجتهد واللي نقرر يدرسه
يسمع قرارات المدير ( الله يكافينا البلاء)
حنا ذبحنا الطاغية لو كان جهده كرّسه
من فعل شيباني مغير ( الله يكافينا البلاء)

[عجاب الدغيلبي]

زياد طالب مجتهد واللي نقرر يدرسه
يسمع قرارات المدير ( الله يكافينا البلاء)
حنا ذبحنا الطاغية لو كان جهده كرّسه
من فعل شيباني مغير ( الله يكافينا البلاء)

[عجاب الدغيلبي]

مرحبا بجميع من شرفنا بتواجده

والمعذره الارسال الليلة في أسو الحالات يمنعني من تخصيص الترحيب لكل شخص بمفرده
لكن صحت أبدانكم جميعاً

[حمدان العضياني]

الله يكافينا البلا

الله يكافينا البلا

الله يكافينا البلا

الله يكافينا البلا

الله يكافينا البلا

الليل الليل

[خليل هليل الشيباني]

ياسلام ياسلام

الشاعر زياد المزرمـــي صح السانــك شاعر مافيك حيله!!!

الشاعر المبدع عجــاب الـــــدغـــيـــلـــبــي صح السانكــ شاعر غني عــــن التعريــف

[زياد المزرمي]

انت شكلك تمــوّه ههههههع



أنت الذي في داخل المقصف ليا دن جرسه = ما يشملك بند الوزير ... ( الله يكافينا البلا )
لا تقولها وأنته على شان القرابه تحرسه = ما هو ولا حالك بخير ... ( الله يكفينا البلا )

[ثامر الثبيتي]

زياد المزرمي وعجاب الدغيلبي

شعراء كبار نتابعهم دائم بشغف لاستفاده من خبراتهم وشعرهم

صحت السنتكم بقوه

وانت يازياد عليك عتب كبير طنشت موضوعي الي طلبتك فيه بس الله يسامحك

[زياد المزرمي]

صح بدنك يا خليل

والابدااع يكمن في مرروك يالغالي


مشكور على المتابعه

[قيس العازمي]

لاهو ولا حالك بخير




الليل ياعجاب




متابع

[زياد المزرمي]

ثامر الثبيتي

صح بدنك يالغالي ,, والله يكبّر مقدارك

بالنسبه للموضوع والله ماهو تجاهل يابعد قلبي لكن حصلت خلل فالابيات

اتمنى ان كان قصرت المعذره :)

[عجاب الدغيلبي]

لازلت مستخدم وتعمل تحت حكم مؤسسة
اعمل بذمه يالأجير (الله يكافينا البلاء)


تكذّب الواقع ودرب الصدق كله تعكسه
ماهي غريبة من مطير ( الله يكافينا البلاء )

[سنجار المري]

صح لاسنه متااااابع لابداع


وانا منصف زياد من دون قاصر في عحاب

الله الله عليك


لا تقولها وأنتـه علـى شـان القرابـه تحرسـه (=)ما هو ولا حالك بخير ... ( الله يكفينا البلا )

[ثامر الثبيتي]

ثامر الثبيتي

صح بدنك يالغالي ,, والله يكبّر مقدارك

بالنسبه للموضوع والله ماهو تجاهل يابعد قلبي لكن حصلت خلل فالابيات

اتمنى ان كان قصرت المعذره :)





الخلل من كل شاعر وارد انا وخوك حتى تركي 2000 لخبط في الموال حق حبيب طنا طنا

لكن مفروض انك علمتني بالخلل حتى استفيد انتم شعاركبار مفروض تعلمونا وانتم الله يهديكم تكبرون علينا

[حمدان العضياني]

كفو كفو ياسنجارومشكورعلى الانضمام للصف وزياد الليليه ماحدقده صفه من نجد ليا الجنوب وباقي اهل الشمال والحجاز من هو الذيب ياشباب اللي ينضم لهذا الصف العامرويمثل موقفه


لاوالله راح عجاب واحلتاه يابوسعد

[حمدان العضياني]

أنت الذي في داخل المقصف ليـا دن جرسـه ما يشملك بند الوزير ... ( الله يكافينا البلا )



هههههههههههههههههههههههههههههههههههههههه

اجل صدق الرجال اللي البارح يابوسعد


ياسلام ياسلام

[عجاب الدغيلبي]

ثامر الثبيتي الرجاء عدم الشوشرة حنا مشغولين في محاورة ٍ قايمة
ومواضيعك هاذي بإمكانك تخصص لها موضوع مستقل

[سنجار المري]

ماعليك زود يا كابين الشعر وعجاب الليله يربع الاعشره و مافيه حيله لاكن زياد قد المهمه ويعجبك

[ثامر الثبيتي]

ثامر الثبيتي الرجاء عدم الشوشرة حنا مشغولين في محاورة ٍ قايمة
ومواضيعك هاذي بإمكانك تخصص لها موضوع مستقل




ابشر ياستادي العزيز طال عمرك
شاعر كبير ياعجاب احترمك واقدرك وكذلك الشاعر القدير زياد

اليل والصف معك ياعجاب سرو اليل

[حمدان العضياني]

ثامر الثبيتي الرجاء عدم الشوشرة حنا مشغولين في محاورة ٍ قايمة
ومواضيعك هاذي بإمكانك تخصص لها موضوع مستقل



هههههههههههههههههههههههههههههههههههههههههههههههههه ههههه

علامك يابوسعد العن ابليس هههههههههههههههههههههه

[حمدان العضياني]

استاذ ن يالربع شوي وراجع الطاروق ماينتفوت ولاكن ياسنجار شف شغلك لين ارجع طال عمرك

[خليل هليل الشيباني]

الليل الليل

والصف صفـــك ياعجاب

[سنجار المري]

لا طول طال عمرك تراني في انتظارك والله يستر عجاب معصب

[سنجار المري]

كفوا كفوا ياولد مشيب ويستاهل عجاب

[زياد المزرمي]

اللي يفصله الزمن حسب المقاسات إلبسه = ما نته مخيّر فالمصير .... ( الله يكافينا البلا )
نقلط على الماقف ولا نعرف دروب البربسه = مانتم بالاول يالاخير ... ( الله يكافينا البلا )

[سنجار المري]

بيت عن مية بيت الله وكبر عليك يازياد


اللي يفصله الزمن حسب المقاسات إلبسه = ما نته مخيّر فالمصير .... ( الله يكافينا البلا )

[زياد المزرمي]

كفو كفو ياسنجارومشكورعلى الانضمام للصف وزياد الليليه ماحدقده صفه من نجد ليا الجنوب وباقي اهل الشمال والحجاز من هو الذيب ياشباب اللي ينضم لهذا الصف العامرويمثل موقفه


لاوالله راح عجاب واحلتاه يابوسعد

هههههههه

لا خلا ولا عدم يا حمدان

<< طرا علي اغزي وحرر سوريا :) :)

لاهنتو يالذيابه ولي الشرف

[زياد المزرمي]

أنت الذي في داخل المقصف ليـا دن جرسـه ما يشملك بند الوزير ... ( الله يكافينا البلا )



هههههههههههههههههههههههههههههههههههههههه

اجل صدق الرجال اللي البارح يابوسعد


ياسلام ياسلام


علمني وشهو قايل هههههههه

ترا معاي طرف علم:cool:

[زياد المزرمي]

ماعليك زود يا كابين الشعر وعجاب الليله يربع الاعشره و مافيه حيله لاكن زياد قد المهمه ويعجبك

هلابك ياسنجار

لاخلا وعدم ياصبي يام

والصف يزهابك:)

ومنورنا بوجودك

[عجاب الدغيلبي]

ياطيرنا لازلت تحت التجربة والقرنسة
يكودك الصيد الوفير ( الله يكافينا البلاء)
البربسة والدحلسة والدحوسة والدنفسة
تخرج من لسان الحقير ( الله يكافينا البلاء )

[خليل هليل الشيباني]

البربسه والدحلسه والدحوسه والدنفسه

تخرج من لسان الحقير(الله يكافينا البلا)

الله الله ياعجاب

[زياد المزرمي]

عبير من عامين يا مال السعادة معرسه = ياللي تبا تخطب عبير ... ( الله يكافينا البلا )
لسانك اللي قالها والعلم حذرا تنكسه = ياطير ابن برمان طير ... ( الله يكافينا البلا )

[سنجار المري]

الله الله وكبر عليك بيتين في الصميم


عبير من عامين يا مال السعادة معرسه = ياللي تبا تخطب عبير ... ( الله يكافينا البلا )


لسانك اللي قالها والعلم حذرا تنكسه = ياطير ابن برمان طير ... ( الله يكافينا البلا )

[زياد المزرمي]

منــورنــا ياسنــجار بالمــتابـعه يالمــري

الله يخارجنا من طاغية هذا المنتدى عجاب القذافي :) :)

,,

[عجاب الدغيلبي]

ياطالبي خلك مع ألوان الرسم والهندسة
بدري على العلم الكبير (الله يكافينا البلاء)

راجع بيوتك والعتيبي كرّم الله مجلسه
دون الفخر مايستخير ( الله يكافينا البلاء )

[زياد المزرمي]

كلٍ بفنه وأنت في يمناك شلت المكنسه = إنسان ما عنده ضمير .... ( الله يكافينا البلا )
السيف حده يا طويل العمر حذرا تلحسه = يمكن يعذبك الشطير ... ( الله يكافينا البلا )

[ثامر الثبيتي]

ياسلام عليكم ياعمالقه
محراف يسجل بماء الذهب
اشهد ب الله انكم مكسب للمنتدى ايها العمالقه
صحت الالسن والقلوب والابدان

[زياد المزرمي]

الله يسلمك يا ثامـر

الابــدااع مرورك يالغالي ووجودك:)

[عجاب الدغيلبي]

أكنسبها مثلك ومقصودي لأجل كتم انفسه
معك الكرامة ماتصير ( الله يكافينا البلاء )


يوم إن نفسك من علامات المراجل مفلسة
مراجلي بحر ٍ غزير ( الله يكافينا البلاء)

[زياد المزرمي]

ترا الثقة بيبانها ما تنفتح بالوسوسه = من يفتح عيون الضرير ... ( الله يكافينا البلا )
حنا ترانا ما نمن بطيبنا اللي نغرسه = وانته نظر عينك قصير ... ( الله يكافينا البلا )



صح اللسانك يابو سعد

وشرفتنا بالقاء الحرّاق ههههه

تصبح على خير

[عجاب الدغيلبي]

ايه اركد ومن بعد هاذي لا تشيل الغطرسة
أعطيتك الدرس الخطير ( الله يكافينا البلاء )

الله يعز الحكم وبلاد السعود مقدسة
صارت لكم عون ونصير (الله يكافينا البلاء)

الله لايهينك يابو صالح على هالطاروق الناري
صح لسانك وتصبح على خير

[محمد الذيابـــي]

...



صحة الالسن جميع...


.....

[محمد بن سمار الحنان]

طاروق متواضع

صحت السنتكم

[سفير الانسانيه]

صح الله السنتكم

ماقصرتو بيض الله وجوهكم

[مقعد الدغيلبي]

..زياد.

حنا ترانـا مـا نمـن بطيبنـا اللـي نغرسـه
وانته نظر عينك قصير ... ( الله يكافينا البلا )

عجــــــاب

الله يعز الحكم وبلاد السعود مقدسة
صارت لكم عون ونصير (الله يكافينا البلاء)


ههههههههههههههههههههه
مافيكم حيله يالاثنين مبدعين

وطاروق يستحق المتابعه

لكم كل ود وتقدير

[زياد المزرمي]

محمد الذيابي

,,

صح بدنك يالغالي

،،

ومشكور على المرور