بدر الحويمضي وحمدان العصيمي(مطب شعري)

[أحمد المويعزي]

السلام عليكم..
مساء الخير..

في مدينة الرياض قبل ثلاثة اسابيع..



بدر الحويمضي:
أمجاد حرب ومنابر صدق الأخبار=اسم"ن"على هامة سهيل اليماني
حمدان في جنته صبر"ن"على النار=أبدفن الخوف في بطن الأماني

حمدان العصيمي:
ياحرب ياللي لكم بالمجد تذكار=الله يساعد على تال الزماني
الليل يالشاعر اللي كنك سوار=بينك وبينه شبه غير المعاني

بدر الحويمضي:
الظاهر انك من الايام محتار=وانا على الصدق ساعدني لساني
ما شاء الله عليك علومك كبار=مدري متى تعتبر مستور ثاني

حمدان العصيمي:
حصلت شعار تتقدى بشعار=وشبك تطوى سوات الخيزراني
ماودي ابدي على خافية الاسرار=الله من العز والهيبه عطاني

:بدر الحويمضي:
انا ادري انك تروح يمين ويسار=كلك مشاريع ياخط حلباني
الظاهر انك عليك شوية غبار=من ما تقولون حتى النوم جاني

حمدان العصيمي:
سوالفك مالها بالهرج مسعار=أضحك واجاملك وانا في مكاني
أشغلتم الناس ياعطبين الأفكار=في كل حفله من أشكالك نعاني

بدر الحويمضي:
خلك مثل سوريا وأصير بشار=والعاقبه في عفيف وبالمحاني


http://www.youtube.com/watch?v=GRBNEFTTUzI

[محمد الذيابـــي]

..


لا هنت على النقل الرااائع...


......

[خليل هليل الشيباني]

„„

نقل رائع

„„

[عبدالملك القاضي]

انا سمعت أن الشعراء المدعوون بشكل رسمي هم
حمدان العصيمي...عبدالعزيز العازمي... علي الحصني.... معتق العياضي
وأن هناك شعراء متطفلين من ضمنهم الحويمضي الذي اول مره اسمع عنه
وابيات حمدان العصيمي تؤكد ذلك

اشغلتم الناس ياعطبين الافكار..... في كل حفله من اشكالك نعاني

والف شكر على النقل يالمويعزي

[الحافي 1]

سوالفك مالها بالهرج مسعار=أضحك واجاملك وانا في مكاني
أشغلتم الناس ياعطبين الأفكار=في كل حفله من أشكالك نعاني

حمدان شاعر وعاهياه على الزقم

[عزارم]

شكرا لك ياطيب

[ذعير العالي]

صحت السنتهم

[عايض جزاء العصيمي]

لاهنت على النقل الطيب