الكنــــه لـ مساعد الرشيدي

[محمد الذيابـــي]

الكـــــــــنه



عـــذب السجايا وعوده باول الكنه =متى تـــزين الســـوالف وآخذ علومه
وآســامحه عن خطاة الجرح والونه =واعــــاتبة لـــو يصد شوي وآلـــومه
واذكــــره بـــاول المسفار حتى أنه =اليــــا تــــذكر زمان أول نسى نومه
يـوم أنه أقبل خدين الروح يوم أنه =واقبلــــت أراعيه والقومه هي القومه
من يومـــها واحشا ما عاد له خنه =إلا لصــــوته وميعـــــاده وملـــزومه
عفري هنف للضلوع وجا لهن حنه =واستانست له فيـاض القلب ورجومه
لبــــا جبينة ليا ارتج الغـــطا كنه =بـــرق يصب الـــرفيف بكبد ديمومه
ما أقـول شفته وشفت البيض يتلنه =أقـــول شفته وشفت الشمس منجومه
ما اقــول كن الجديل الليل لا كنه =ليــــل خــرعه الظلام وضيع نجومه
يا قبــــلة الله هكا العنـــقود ليمنه =قــــام يتهجا شــذى عطره ويشمومه
فيــه انتهى النور لا والله بدى منه =فجـــر نعــــس بالوريد ونام بهدومه
ورد تـفرعن حــــماره قلت أبا كنه =اليـــــا متــى والحنايا منه مفطــومه
فز وتطـــــرق رطــيبه قلت ما عنه =بـــالم وشيـــحه وريحانه وقيــصومه
صـــد وتلعــــثم هديله في برد سنه =يــــا قوم ذا النور يوم انكت يا قومه
الله عــــطانيه والله يعــطي الجنه =واليـــا استــجد الهوى كل ومقسومه


شعر/ مساعد الرشيدي

[برق شمالي]

فيـه انتهـى النـور لا والله بـدى مـنـه
فجـر نـعـس بالـوريـد ونــام بهـدومـه
ورد تفرعـن حـمـاره قـلـت أبــا كـنـه
الـيـا مـتـى والحنـايـا مـنـه مفطـومـه

..


صح لسان قايلها .... وسلمت يمينك أنت ياناقلها شكرا لك

[محمد الذيابـــي]

لا هنت يالغالي..

[عزارم]

صح لسانه ياطيب

[محمد الذيابـــي]

لا هنت ياعزارم.