يالآد عاصم كلبوكم كفو ،،،

[عبدالاله المقاطي]

سلام ردية لها بابٍ مثل باب السلام = واللي ما عزمه عزم ( ابو تمام ) ما يدخل معه

يالآد عاصم كلبوكم كفو تسرون الجهام = بالليلة اللي ما يشوف "إبها الرجل كبر اصبعه

[محـ العتيبي ـمد]

يامرحبا ترحيب وافي يارفيعين المقام=واللي نزل بحر المعاني يالمقاطي يشرعه

مابه عليكم زايده وانتم مقابيس الظلام=واللي ينازلكم لابد انه يلاقي مصرعه

[عبدالاله المقاطي]

دام البقا ياللي ترحب وانت لي غاية مرام = يوم ان غيــرك مخفيين وجيههم بالأقنعه

انا اجزم انك رجل ما تجهل مداخيل الكلام = لكنها مع سكة العجلين مرت مسرعه

[محمد الذيابـــي]

..


صحة الالسن جميع..



...

[عبدالاله المقاطي]

صح بدنك ولنا الشرف بمرورك يالغالي..

[مجول بن جلال المقاطي]

صحت الالسن
متابع للابداع

[محـ العتيبي ـمد]

انا معك ياصاحبي في حرب والا في سلام=مير اصلح النيات يارجال والشك اقطعه

مانلتفت فالي يعذرب فالسيوف وفالسهام=ديس المنيحه من يصره بعد بكره يرضعه

[عبدالاله المقاطي]

الأوله تصل اللحم والثانية تصل العظام = والسم الأصفر ما يوثر غير في اللي يبلعه

لاكن لا تترك منافذ تحرج الربع الحشام = وتحط عمرك في المكان العسر من بعد السعه





غط الأبيات وبيّض الله وجهك تشرفت بمجاراتك...

[ذعير العالي]

صحت السنتكم

[عبدالاله المقاطي]

صح بدنك يا مجول ولا عدمنا هالإطلالة البهيه...

[عبدالاله المقاطي]

صح بدنك يا ذعير ولا تحرمنا مرورك..

[محـ العتيبي ـمد]

الاوله والثانيه مشيتها حسب النظام=واللي يشق الثوب مايلبسه لوما يرقعه

اللي يلوم الناس في زلاتها بكره يلام=واللي زرعها بر بكره يحصد اللي يزرعه



وجهك ابيض

واستر ماواجهت

[محـ العتيبي ـمد]

الشكر والتقدير للجميع على مشاركاتهم

[عبدالاله المقاطي]

بيض الله وجهك ووجيه المتابعين وتصبحون على خير......