مجاراة راعي الذود

[ابن سلوم الهيلوم]

سلام عليكم
اليوم اقدم للكم
قصيده للشاعر

عاضه عوض الهيلوم
التي يشكو فيها من
الوقت وعدم نزول المطر
ويطلب من الله ان يغيث
البلاد والعباد

ومجاراتي لها

راع المواشي باح صبره وسده0000والوقت جاير ماعرفنا نواياه

نفذ علينا الحكم والحبل شده00000ونطلب من المولى عن الناس يجلاه

هاضت هجوس العود والوقت ضده000والنقد راح وما جمعنا صرفناه

مانحصي ارقامه وحنا نعده0000ونرجي العوض من خالق الكون ورضاه

نطلب ولي العرش من جود مده000اللي ليا اعطانا جزيله عطاياه

نون من المنشا والازيب تحده 0000ليا ومره الله يخيل بمنشاه

يسقي خبوتن مسنيه مجرهده000ويسقي الجبال وكل وادي درج ماه

رجعن يعم وكل من جا يعده00000تباشروا به بعد بعض المعاناه

هاذا هوا بالي وشفه ووده0000وباذن الله ان عشنا بذودي رعاناه

وليا ثبت في مرتعه مانصده0000نسعد بمسراحه ونفرح بمضواه

وابدع بيوتن وافيه مستجده0000وابدي رجومن عالياتن مسماه

وتم الجواب بوقفته عند حده0000وليا بذرنا الزرع بكره حصدناه

والى المجاراه المتواضعه

ياهاجسي هجرست والعود بده0000اللي بدع في الوقت قافه وغناه

اسمع لراع الذود قافن يعده0000 0 يناجي به الخلاق ويبث شكواه

يطلب من المولى بفضله يمده0000عقب انقطاع القطر عن ذوده اعياه

والله كفيلن بالفرج عقب شده0000جل وتعالى ما خسر من ترجاه

وحبيت افك حبال طيري واهده0000وامن على مايطلب العود ودعاه

عسى ثقيل المزن من غرب جده0000يزحف سحابه شرق والنود تقفاه

وتمطر ودادينه على الخبت مده0000وكل بدوين في مشاحيه يلقاه

يفرح به اللي قاسي الوقت كده0000الشايب اللي قدر الذود واغلاه

سيله عرمرم كل طعسن يهده0000واكبر شعيب يهد في البحر بملاه

سيلن يقال بلهجة البدو رده0000ثاني سبوع حساب تشبع مطاياه

حد اليمن لجبال حايل يرده0000ونبت السهل مع قاعة الضلع واعلاه

وريح النبات يعطر الجو نده0000تسرح معه نوقات خالي وترعاه

[الحرف الذهبي]

الله يسمع منك يا بن سلوم ويرد على البلاد والعباد
مبدع كعادتك
بيض الله وجه ابو عبدالله على ها القصيدة المعبرة عن معاناة اهل الحلال
وبيض الله وجهك على المجاراة الرئعة

[ابن سلوم الهيلوم]

صح بدنك اصالة عن نفسي

ونيابتة عن ابو عبدالله شكرا

لمرورك الجزل

[فيصل مطر]

صح لسانك
ولسانه
وانامتابع لك وابياتك ماعليها كلام الله يعطيك العافيه واعتقد منت بجديد على الشعر
استغرب المقدمه عن القصايد وادري ان فيه ناس كثير يقولون كذالك ولاكنهم ليسو شعراء لكي نستغرب مايقولون وانت شاعر,ولايخفاك ان القصيده ماسميت قصيده الالقصد الشاعرفيها,,الي يبحث القاري والمستمع عنه وايذاقيل القصد قبل القصيده وش عاداقراها,اواسمعها,أله معادالي فيهالزوم الاكان اشوف صفصف القافيه صح ام لا والتي احترق فلمها سلفا
صح لسانك مجددا
تقبل
مروري

[ابن سلوم الهيلوم]

صح بدنك يافيصل المقدمه كانت عن قصيدة راعي الذود ومعناها واضح ماهو غامض حتى اقول
كشفته قبل القصيده وبعض الشعرا قصايدهم يعرف معناها من ثالث او رابع بيت واذا كانت المتابعه
لمعرفة المعنى فقط ليش القاري يقرا النص كامل بالعكس اخوي فيصل وجهة نضرك احترمها ولكن
التمعن في مفردات القصيده وطريقة تركيب الشاعر اكيد يستمتع به المتلقي اكثر من معرفة المعنى
على كل حال شرفتني بمرورك يابو مطر
وشكرا جزيلا لك

[الغضنفر]

الله يصبحك يابن سلوم بكل خير وبيض الله وجهك ياالنشمى وصح لسسسانك ولسان العود

[قـنـاص الـقـوافي]

صح لسانك يابن سلوم ولاهنت
بيض الله وجهك ووجه من جاريت وصح لسانه
تحيتي وتقديري

[محمد الذيابـــي]

صح لسانك يابن سلوم ولاهنت

بيض الله وجهك ووجه من جاريت وصح لسانه

تحيتي وتقديري..

[تركي ابوسباحه العصيمي]

صوت وصدى من أروع مايكون
لك جلّ أحترامي ..

[عايض جزاء العصيمي]

صح لسانك
و

صح لسانه

لاهنتوا قصائد جزله

تحياتي

[ابن سلوم الهيلوم]

الله يصبحك يالغضنفر بالنور والسرور وصح بدنك لاهنت

[ابن سلوم الهيلوم]

قناص القوافي صح بدنك ووجهك ابيض شكرا لمرورك

[ابن سلوم الهيلوم]

صح بدنك اخوي محمد تشرفت بمرورك شكرا لك

[ابن سلوم الهيلوم]

تركي صح بدنك يعطيك العافيه

[ابن سلوم الهيلوم]

صح بدنك ياعايض شكرا لمرورك تحياتي لك

[ربيع الرشيدي]

مجاراة وافية من شاعر وافي
صح لسانك ولسان صاحبك
وبالتوفيق

[ابن سلوم الهيلوم]

صح بدنك ياربيع شكرا لمرورك الجزل