الرااقي
02-Feb-2012, 05:10 PM
الله يجيب الخير وتعم الارياف=حتى الدياريعمها كلها الريف
ونو المطر ضافن على كل الاطراف=جايل لبرقه يوم يبرق رفاريف
عشرين يوم وابل النو هتاف=حتى العبال تخلي الشرب وتعيف
ليا جا على الصمان مزنه له ارداف=واسقاه من غر المزون المراديف
من قو سيله يجرف الارض جراف=لان المسايل تقذف السيل تقذيف
والعشب نبته له تناويع ووصاف=ضيع بشكاله جميع التواصيف
يكسي نباته كل وادي ومشراف=والعشب تلعبه هبوب الهفاهيف
متخالفن نبته له اشكال واصناف=من طول نبته صايرله نفانيف
تلقى بهاالجيان قد عشبها زاف=ضافن على كل السهل والمشاريف
وصفه يحير بالنظر كل من شاف=من زين نبته طالعله زعانيف
يازين ريح العشب والجو هفهاف=ريح النفل ينعش نفوسن ملاهيف
فيه ام صالح بالهوا تلعب القاف=تلعب وتشهر بالربيع الغطاريف
نسوق فيه القود زينات الاشعاف=اللي على صوت الموده مواليف
من السطر فيها عن المشي خفحاف=على الرحول يصير فيها خفاخيف
تقول يشاعهن عن المشي شعاف=تاطى السهل بيدينها والحناتيف
يامحلى مرباعها ترعى الاطناف=نبته جديد ولاحصل به حفاحيف
عقب الهزل تلقى الشحم فوقها ناف=حتى الشحم يبني عليهن مراجيف
معها الجيوب وكل سقسن بالولاف=وخيام ملفوفه على السقس تلفيف
ومجالس تمشي على الارض وقاف=تسحب على روسن بكل التصانيف
وبيت الشعر يبنى على نهج الاسلاف=دايم يرحب بالمسايير والضيف
يحجب يساره ويمنه ضل ورفاف=فيه الدلال المكرمات المهاديف
من كثر مايحمن على النار نحاف=دايم على جال المناره مهاييف
راعيهن اللي ماحسب كثر الاكلاف=قرمن عليهن مايحسب التكاليف
فنجالهن يجلى عمس كل شفاف=لشفه العمسان هوغاية الكيف
وتالي العشي صوت حداهم لنياف=وسوى العشا قرمن حكيم التصاريف
وتجمعو من كل الاطراف هداف=في مجلسن تزين فيه السواليف
ربعن بقول الصدق والحق نصاف=ماهب من حطو الخفاف الزواهيف
وصار العشا يمشي على الكل طواف=وجلساتهم دايم مزوح وعجاريف
شهرين والثالث طلع فيه حفحاف=جاه اليباس وقام يومي به الهيف
وقامت تصافق بدل الرتع بعياف=والجو جاين فيه عج وعواصيف
وعلى هواها صبح والطير ماشاف=مشوا ولاخلو وراهم تحاسيف
يبون نجد اللي له القلب ميلاف=يازين مرباعه وزين المصاييف
واليا مشت راحة مع البيدهراف=يدينها للبيد مثل المغاريف
ايدينها للبعد جاذب وغراف=يعسفن البعد بالمشي تعسيف
ونهار سابع ريعو حشوها خلاف=في جفرة الصاقب على زموة الصيف
نبت النصي فيها غداله تغرياف=سامك وترعاه البكار المشاعيف
ونبت الزهر غادلها لبس ولحاف=هذا هواها من وسيع المحاريف
واختامهامسكن على كل عراف=يضفي على كل الرجال العواريف
واعداد من يسعى على البيت واطاف=صلو على اللي عرف الحق تعريف
ونو المطر ضافن على كل الاطراف=جايل لبرقه يوم يبرق رفاريف
عشرين يوم وابل النو هتاف=حتى العبال تخلي الشرب وتعيف
ليا جا على الصمان مزنه له ارداف=واسقاه من غر المزون المراديف
من قو سيله يجرف الارض جراف=لان المسايل تقذف السيل تقذيف
والعشب نبته له تناويع ووصاف=ضيع بشكاله جميع التواصيف
يكسي نباته كل وادي ومشراف=والعشب تلعبه هبوب الهفاهيف
متخالفن نبته له اشكال واصناف=من طول نبته صايرله نفانيف
تلقى بهاالجيان قد عشبها زاف=ضافن على كل السهل والمشاريف
وصفه يحير بالنظر كل من شاف=من زين نبته طالعله زعانيف
يازين ريح العشب والجو هفهاف=ريح النفل ينعش نفوسن ملاهيف
فيه ام صالح بالهوا تلعب القاف=تلعب وتشهر بالربيع الغطاريف
نسوق فيه القود زينات الاشعاف=اللي على صوت الموده مواليف
من السطر فيها عن المشي خفحاف=على الرحول يصير فيها خفاخيف
تقول يشاعهن عن المشي شعاف=تاطى السهل بيدينها والحناتيف
يامحلى مرباعها ترعى الاطناف=نبته جديد ولاحصل به حفاحيف
عقب الهزل تلقى الشحم فوقها ناف=حتى الشحم يبني عليهن مراجيف
معها الجيوب وكل سقسن بالولاف=وخيام ملفوفه على السقس تلفيف
ومجالس تمشي على الارض وقاف=تسحب على روسن بكل التصانيف
وبيت الشعر يبنى على نهج الاسلاف=دايم يرحب بالمسايير والضيف
يحجب يساره ويمنه ضل ورفاف=فيه الدلال المكرمات المهاديف
من كثر مايحمن على النار نحاف=دايم على جال المناره مهاييف
راعيهن اللي ماحسب كثر الاكلاف=قرمن عليهن مايحسب التكاليف
فنجالهن يجلى عمس كل شفاف=لشفه العمسان هوغاية الكيف
وتالي العشي صوت حداهم لنياف=وسوى العشا قرمن حكيم التصاريف
وتجمعو من كل الاطراف هداف=في مجلسن تزين فيه السواليف
ربعن بقول الصدق والحق نصاف=ماهب من حطو الخفاف الزواهيف
وصار العشا يمشي على الكل طواف=وجلساتهم دايم مزوح وعجاريف
شهرين والثالث طلع فيه حفحاف=جاه اليباس وقام يومي به الهيف
وقامت تصافق بدل الرتع بعياف=والجو جاين فيه عج وعواصيف
وعلى هواها صبح والطير ماشاف=مشوا ولاخلو وراهم تحاسيف
يبون نجد اللي له القلب ميلاف=يازين مرباعه وزين المصاييف
واليا مشت راحة مع البيدهراف=يدينها للبيد مثل المغاريف
ايدينها للبعد جاذب وغراف=يعسفن البعد بالمشي تعسيف
ونهار سابع ريعو حشوها خلاف=في جفرة الصاقب على زموة الصيف
نبت النصي فيها غداله تغرياف=سامك وترعاه البكار المشاعيف
ونبت الزهر غادلها لبس ولحاف=هذا هواها من وسيع المحاريف
واختامهامسكن على كل عراف=يضفي على كل الرجال العواريف
واعداد من يسعى على البيت واطاف=صلو على اللي عرف الحق تعريف