اليكم مختارات مما قاله فرسان عتيبه القداماء

[الباحث عن الحقيقه]

إليكم مختارات و مقتطفات مما قاله فرسان وشعراء عتيبه القداماء الأفاضل

* لي لابتن تشلع مع السن سنا ان كان بالغارات والا الطوابير (تركي بن حميد)

*باقي الرجال افحول نسوان ورعاه ضباط مال وحافظين السروحي (ذعار بن مشاري بن ربيعان)

*من لا يدوس الراي من قبل ماديس عليه داسوه العيال القرومي (تركي بن حميد)

*انا عتيبي عريب الجد والخالي قوما تدوس الافاعي مع عقاربها (بديوي الوقدان)

*كم فارسن من راس رمحي تدحرج مدح راسه حط في الحزم جافور (تركي بن حميد)

*يالايمي جعل الفهر يطلبونه والا الجحادر مبعدين المراميس (شليويح العطاوي)

*شايلن حمله مع حمل العموم ولو تعقل عضاءه بالحملين قام يالله اني طالبك في كل يوم تفهق اجله من ورى تسعين عام (فراج التويجر)

*تضرب بالاربع كل ابوهن صف المهره اللي بالرسن مطواع ان قامت اطراف الجموع تصف في ماقف يوم العمار تباع (شليويح العطاوي)

*انا احمد الله يوم انا لابه ماهم بقطمان اليدين شواوي (شليويح العطاوي)

*يارب تنجيني وتنجي سابقي اللي تنجيني عن الاهاوي مضرب يداها في صليب الرقه تاخذ من ادنى الحزم كبر الشاوي (شليويح العطاوي)

*اهل العطف اهل المقام شيوخنا واهل الكرم والنزل المتساوي (شليويح العطاوي)

*ربعي عتابه من العارض الى الحره سقم المعادي أليا جا العلم مردودي (فيحان الرقاص)

*وانا زبون الحرد ابو ضيف الله لا قصف البرطم عن الشفاوي (شليويح العطاوي)

*ان كان مانرخي رقاب الاصايل ولا منازلنا غدت جاهليه (تركي بن حميد)

*ترى النبي وصى على الجار لو جار خذ الحذر ياعبيد عقب النذاره (تركي بن حميد)

*ياشيخ ما تامر عليهم بغاره كود الجروح اللي على القلب يبرن يقطع صبين ماينادي بثاره ليا اقبلن ذولي و ذوليك يقفن (ضيف الله العفار)

[العصيمي خالد]

موضوع ممتاز




الف شكر

[محمد الذيابـــي]

..


موضوع جميل .



مشكوووور..

[عزارم]

شكر لك ياطيب

[فيصل مطر]

بيض الله وجهك
موضوع متميز وكماهي عادتك التميز دايما يابوعساف
لاخلا ولاعدم
تحياتي

[الباحث عن الحقيقه]

شكرا مرور الاعضاء المحترمين شكرا جزيل

[الغضنفر]

قعلاً مختارت ممتازه الله بعطيك العافيه ع النقل يالباحث عن الحقبقه

[محمد معيض]

مختارات قيمه
لاهنت يالباحث