فوقة الفكر

[ابن سلوم الهيلوم]

فوقة الفكر استفزتني على نظم القوافي
------------واعتليت المرقب العالي وسجيت القريحه

اعليته بالخيال وهاجسي ماهوب صافي
------------والسنين بجورها وظروفها ماهي شحيحه

ذوقتني طعم علقمها بعد طعم العوافي
------------وكل ماجريت صيحه جاوبت صوتي بطيحه

الجفا والصد حطم معنويات السنافي
------------كم شجيع لوعة الفرقا تسبب في مطيحه

يانزيف الجرح سجل مع مدالجك اعترافي
------------ان دنياي اتعبت قلبي ولا هي مستريحه

ربع قرن من السنين وكلها شهب وعجافي
------------لين ظاق الصدر هم وظاقت الارض الفسيحه

انطوت بي مثل ما تطوى مسافات الفيافي
------------وتركتني مثقلن بالهم وايامي جريحه

مالقيت لمركبي مرسى على كل المرافي
------------وان لقيت ليا وحوش البحر تبغى تستبيحه

صمت صدري لو جرحني يضمده تغليف قافي
------------والقصايد لو بها نبرة فرح ماهير صريحه

بس تعبير بتحفظ للحقايق ماينافي
------------والوليف اللي جفاني ياعسى ربي يبيحه

[قيس العازمي]

صح لسانك



واعتلا شانك



ولاهنت

[شاعر الدرع العربي]

صح لسانك




اخي الهيلوم




تقبل مروري

[عايض جزاء العصيمي]

صح لسانك والله

قصيده جزله من شاعر جزل



تحياتي وتقديري لك

[محمد الذيابـــي]

,,


صح لسااانكـ


ولا هنت,,

[فيصل مطر]

صح لسانك
ولاهنت ايه كذا يمكن اما الي امس شعرتها مختلفه وتقول مضيعه ولايفها
تقبل
مروري

[ابن سلوم الهيلوم]

اخواني

شاعر الدرع

عايض جزا

محمد الذيابي

قيس العازمي

فيصل مطر

شكرا لكم من كل قلبي

وصحت ابدانكم والمعذره

على التاخير باسباب بعض

الظروف