عيد الجعيد
25-Jan-2012, 10:09 AM
بسم الله الرحمن الرحيم
السلام عليكم و رحمة الله و بركاته
صباح / مساء
الخير
أبيات متواضعة آمل أن ترتقي لذائقتكم الشعرية
يا وجد حالي يالرجال المداغيـش=ما عقبها الا اللي كبارٍ شوشها
حلوين الالسن و الضماير مغاشيـش=سود النوايا علمت عن غششها
أوادمٍ تال الزمن جالها ريش=و فضايح الأيام داخل بقشها
أشياء تسد النفس من دون تفتيش=يشيب راس ابو عشر لو فتشها
يا قلبي اسر الليل و اغبش مغابيش=و اخذ الدروب البينه و اخترشها
خلك عن الهزله بعيد المناويش=ون ناشتك بعض المخاليق نشها
لا تقبل الذله و لا تقبل الطيش=و المرجلة بين الرياجيل حشها
اقلط على الجزله و كب العراميش=الها مخاليقٍ تجي و تعرشها
و خل السراب اللي يغر المعاطيش=تلهث وراه و لا يروّي عطشها
و ليا حصل في بعض الاحوال تشويش=ترى الحياه حساب يومين عشها
و لا تنشد الاحلام تفسيرها ويش=اخير من بعض السوالف طنشها
من يفهم الدنيا و ميلاتها ليش=دروسها باقصى ضميره نقشها
كم ليلةٍ تعجب عيون الخفافيش=و يموت من سم العقارب حنشها
و تفجع غداريها قلوب الدراويش=و يصطابها اللي قبل تبطش بطشها
لكن يا قلبي عط الهم تطنيش=دنياك تصنع للاوادم نعشها
العافيه و الستر مع لقمة العيش=تسوى ملايين البشر مع دبشها
و جمع الكنوز و لذة العمر حتيش=ألذ منها طاعة الرب و أشهى
و سلااامتكم ،،
السلام عليكم و رحمة الله و بركاته
صباح / مساء
الخير
أبيات متواضعة آمل أن ترتقي لذائقتكم الشعرية
يا وجد حالي يالرجال المداغيـش=ما عقبها الا اللي كبارٍ شوشها
حلوين الالسن و الضماير مغاشيـش=سود النوايا علمت عن غششها
أوادمٍ تال الزمن جالها ريش=و فضايح الأيام داخل بقشها
أشياء تسد النفس من دون تفتيش=يشيب راس ابو عشر لو فتشها
يا قلبي اسر الليل و اغبش مغابيش=و اخذ الدروب البينه و اخترشها
خلك عن الهزله بعيد المناويش=ون ناشتك بعض المخاليق نشها
لا تقبل الذله و لا تقبل الطيش=و المرجلة بين الرياجيل حشها
اقلط على الجزله و كب العراميش=الها مخاليقٍ تجي و تعرشها
و خل السراب اللي يغر المعاطيش=تلهث وراه و لا يروّي عطشها
و ليا حصل في بعض الاحوال تشويش=ترى الحياه حساب يومين عشها
و لا تنشد الاحلام تفسيرها ويش=اخير من بعض السوالف طنشها
من يفهم الدنيا و ميلاتها ليش=دروسها باقصى ضميره نقشها
كم ليلةٍ تعجب عيون الخفافيش=و يموت من سم العقارب حنشها
و تفجع غداريها قلوب الدراويش=و يصطابها اللي قبل تبطش بطشها
لكن يا قلبي عط الهم تطنيش=دنياك تصنع للاوادم نعشها
العافيه و الستر مع لقمة العيش=تسوى ملايين البشر مع دبشها
و جمع الكنوز و لذة العمر حتيش=ألذ منها طاعة الرب و أشهى
و سلااامتكم ،،