الأهلة الثلاثة ...... عباد العوني

[عجاب الدغيلبي]

فالليلة اللي يوم اميّزها ماهي مثل الليال=مجموع أهلتها ثلاثة مير خافت نورها
يا مرحبا والسالفة ماهيب من نسج الخيال=الأمر واقع والمشاعر صادقة فـشعورها

[عباد العوني]

ان كان ماتنظر بعينك للكبار من الجبال=حذرا تحدّر في طريقك ياضرير صخورها
دام البقا والسالفه ماجا لها عندي مجال=واللي كتبته في الصحيفه واضحات سطورها

[عجاب الدغيلبي]

كم من جبال حالها يوصف كما الجرف الهيال=ماهيب ماكر للحرار اللي يشرّف دورها
يبدو لي إنك فالطريق لحال والعالم لحال=لكن طريقك مايوردك النعيم وحورها

[خالد السويداني القحطاني]

الله الله الله الله
صحت الالسن والقلوب
ابداع ابداع
معنى ومبنى
وان كان ماخاب ضني
اني بغني انا وياك ياعجاب
عقب ماتنتهون

[عجاب الدغيلبي]

الله الله الله الله
صحت الالسن والقلوب
ابداع ابداع
معنى ومبنى
وان كان ماخاب ضني
اني بغني انا وياك ياعجاب
عقب ماتنتهون

صح بدنك يابن مضيم

والله لا يهينك على مرورك

أما بالنسبة للعب معك والله إنه أسعد اللحظات عندي

لكن في ليلةٍ ثانية لأن الليل سرا وحنا على وشك النوم

لكن الجايات أكثر الله يطول عمرك

[عباد العوني]

احرص على روحك قبل تقرب ويدنيها الزوال=واليا نصحوك اهل المشوره لاتخالف شورها
مازلت الأقدام مادمنا على الدرب العدال=واخيولنا ياصاحبي ماعرضتك نحورها


المعذره ياعجاب والله ان الربع اشغلوني هنا لكن بيننا لقا قريب اما هنا ولا هناك

[عجاب الدغيلبي]

الله الله
صح لسانك ياعباد

والله لايهينك ويبيض وجهك

والجايات أكثر

وتصبح على خير

[ثامر الثبيتي]

عجاب الدغيلبي

و

عباد العوني



معنى ومبنى وتركيب جزل للابيات

هنيئا لمنتدى الهيلا بهؤلاء الشعراء

صحت السنتكم ايها العمالقه

ولاتحرموننا من ابداعاتكم

[حمدان العضياني]

عجاب وعباد اسماء متقاربه فالنطق والابداع الله لايهينكم ويبيض وجيهكم وصحة السنتكم ولازيدعلى ماقال الاخ اثامرالثبيتي