الارزاق واجد عند جلاب الارزاقي

[فيصل مطر]

السلام عليكم
اخواني أعضاء وزوار منتدى الهيلا عتيبه الشامخ بوجودكم آمل انتحوز على رظاكم


اناجيت ل التجنيد أدور رقوم جنود=واسلم على افراد الحرس واطلب اللحاقي
مبا البندق الي باخلن عني ابها العود=والا رزاق واجد عند جلاب الارزاقي
على بندقه عيا وعيا بكل القود= يبا الي تغدي ولايبا الي مهب غادي
مهب باخل الشايب لاكن البخت مقرود=كريم السبال ومقري الظيف جوادي
اقوله وانا مالي على شايبي منقود=ولاجيت افرح حاسدينه وحسادي
ولياء صار ما ل الرجل من عضم زنده فود=يبا يشب ويشيب وهو بالردى باقي


مع تحيات اخوكم
(فيصل مطر)

[غالب الذيابي]

:
:
:
:



صح لسانك ،، قصيدة فيها ابتكار للفكرة ولو انك لم تسيرها على قافية واحدة,..

[سهيل 1]

ما شاء الله

قصيدة جيدة

في موضوعها

وبنائها

نفس ملاحظة أخي غالب !

[خليل هليل الشيباني]

صح السانكــ يابو مطر
تقبل مروريـــــ
تحياتيــــــ وتقديريــــــــ لكـــــ

[سعد بن مطلق المقاطي]

صح لساااااااااااااااااانكـ

[محمد الذيابـــي]

,,


صح لساانكـ يابن سمير,,

[عايض جزاء العصيمي]

ابو مطر

لايساورني ادنى شك بشاعريتك ( الا ان القافيه تغيرت عندك فالقصيده)مع انك انت اكبر من ان

تضيع القافيه

قد يكون الموضوع مجرد خلط بين قصيدتين عندك على نفس القافيه الله اعلم

اخي العزيز هذا ليس نقد فانت اكبر من ذالك وانما مجرد لفت انتباه

عموما
صح لسانك يابو مطر

تقبل مروري مع تحياتي وتقديري لشخصك الكريم

[قـنـاص الـقـوافي]

ياسلام ياسلام

صح لسانك يافيصل

اقـولـه وانــا مـالـي عـلـى شايـبـي مـنـقـود...ولاجــيــت افــــرح حـاسـديـنـه وحــســـادي
ولياء صار ما ل الرجل من عضم زنده فود...يـبـا يـشـب ويشـيـب وهــو بـالـردى بـاقــي


ابدعت عز الله وانا اوافق الربع في رأيهم ولكنها لم تأثر بشكل كبير على القصيده فهي رائعه, واخر بيت في الحقيقه عن قصيده

[قاسي العتيبي]

صح لسانك يابو مطر أضم صوتي لصوت غالب الذيابي في مشكلة القافية

شكلك تسمع لقديم مصلح بن عياد وأثر عليك

[شاعر الدرع العربي]

صح لسانك اخي فيصل مطر
ودي احذو حذوهم في توضيح الخروج
عن القافيه فا تقول لي تدخل في
شؤون الغير حسب مداخلتك لي
في احد قصائدي فأنني التزم الصمت
قصيده رائعه وتفي بمقصودك
عزيزي تقبل مروري استاذي

[أبن حشيان]

الشاعر الكبير / فيصل مطر


يعلم الله اني لايداورني شك في مقدرتك الشعريه


وانك بحراً من الشعر الجزل ولايفوتك مثل هذا الموضوع

ولايمكن ان يصدر عنك ؟؟؟ ثلاثه ابيات من سته تختلف قافيت العجز ؟ لااء بعد ورا بعض

انا لاصدق هذا بتاتاً لك في هذ ا الحركه شي مريب بس وش ؟؟؟؟؟؟؟؟؟ وانا لاقول للجماعه الي ردوعليك تمهلو

والمفروض شاعر بهذا المستوى ماهو في حاجه ان تلفت انتباهه لغلط ،،،،،،،،،،،،،،


معذرتاً فالموضوع غير ذالك ولايجب الرد على شاعر مثل فيصل مطر بان عندك غلط فهذا ليس


بغلط اسمحولي كلكم ولاهو غبا ولاكن تعجلتم بردودكم عليه وانا راح اشوف ردت فعل


اخينا فيصل مطر ورا ح يطلع السبب ،،،،،،،،،،،، اخي فيصل مطر الله يهديك بس

لاتلعب باعصابي وارجو توضيح مقصودك واهدافك وتقبل مداخلتي ولاتعتبرها رد

[محمد الذيابـــي]

قصيدتك جميله جداً ولكن الاسلوب الذي كتبت فيه القصيدة غريب


هل هذة الطريقه جديدة


نرجو الرد على التساؤلات ومنك نستفيد,,,,

[فيصل مطر]

السلام عليكم
اخواني أعضاء وزوار منتدى الهيلا عتيبه الشامخ بوجودكم آمل انتحوز على رظاكم


اناجيت ل التجنيد أدور رقوم جنود=واسلم على افراد الحرس واطلب اللحاقي
مبا البندق الي باخلن عني ابها العود=والا رزاق واجد عند جلاب الارزاقي
على بندقه عيا وعيا بكل القود= يبا الي تغدي ولايبا الي مهب غادي
مهب باخل الشايب لاكن البخت مقرود=كريم السبال ومقري الظيف جوادي
اقوله وانا مالي على شايبي منقود=ولاجيت افرح حاسدينه وحسادي
ولياء صار ما ل الرجل من عضم زنده فود=يبا يشب ويشيب وهو بالردى باقي


مع تحيات اخوكم
(فيصل مطر)

السلام عليكم
اخواني الافاضل لاشك ان مافيه فالدنيا غلط يصير محكم بهاذي الطريقه والكلام عن هاذا يطول شرحه
ولاكن باختصارشديد هوما يسمى اصتياد الصح بالخطى واكيد كل شاعرله معنى وهدف يدركه حسب شطارته ومهارته في هاذا المضمار واحيان يكون له هدف لايمكن يدركه الاعند مايوهم غيره انه غلط هنا يضهر له المستخفي فمثلا اناعندي اكثرمن خمسين قصيده بعض الشعراء لم يقولي صح لسانك وأكيد فيه الي مهب معجب وقليلاجداوفيه الغافل وفيه الحاسدوانا بدي اصتاد حاسدي ولايمكن اصتاده الاعند ما أوهمه اني غلطت سوف ياتي اول واحد ليقول صح لسانك وهوكاذب قالها للتشهير بخطاي وفعلا وقع من وقع وللاسف ولايمديه التراجع فيمابعد ولارايح اقبل منه اي عذر؟ والقاري الجيد يلاحض ان القافيه ليس فيها غلط اصلا ولاكن الطرح غريب وقديخفي وراه مالم يكن في الحسبان وامامن ناحية القافيه تنوعة بأحكام وانتهة كذالك وطارة الطيوربارزاقهاوبعدردابن حشيان احترق الفلم وسبقه عايض ابن جزاء واشكرالشعراء الاشاوس والذين قدلايملون عيون كثيرولاكنهم الاخطربكثير
وتحياتي للجميع

[فيصل مطر]

:
:
:
:



صح لسانك ،، قصيدة فيها ابتكار للفكرة ولو انك لم تسيرها على قافية واحدة,..

صح بدنك
وعية تسير.تبي الخطى ماتبي الصح ياغالب
مشكور

[فيصل مطر]

ما شاء الله

قصيدة جيدة

في موضوعها

وبنائها

نفس ملاحظة أخي غالب !

مشكور وماعندك مشكله

[فيصل مطر]

صح السانكــ يابو مطر
تقبل مروريـــــ
تحياتيــــــ وتقديريــــــــ لكـــــ

صح بدنك يابو هليل وشكرا لمرورك ومجاملتك للملاحضه لاهنت
تحياتي

[فيصل مطر]

صح لساااااااااااااااااانكـ

صح بدنك يابو مطلق وشكرا لمرورك ومجاملتك للملاحضه لاهنت
تحياتي

[فيصل مطر]

,,


صح لساانكـ يابن سمير,,

صح بدنك وشكرا للمرور والمجامله يابوعساف لاهنت
تحياتي

[فيصل مطر]

ابو مطر

لايساورني ادنى شك بشاعريتك ( الا ان القافيه تغيرت عندك فالقصيده)مع انك انت اكبر من ان

تضيع القافيه

قد يكون الموضوع مجرد خلط بين قصيدتين عندك على نفس القافيه الله اعلم

اخي العزيز هذا ليس نقد فانت اكبر من ذالك وانما مجرد لفت انتباه

عموما
صح لسانك يابو مطر

تقبل مروري مع تحياتي وتقديري لشخصك الكريم

لايساورني ادنى شك من انك شوشت على ناس كانو قاب قوسين اوادنى من الوقوع بهم في المصيده سامحك الله والا هين أختلاف القافيه خطن تقراه الظبعه يابوجزاء وانت خابر ماني مضيعها ولوضيعتها يمديني اعدلها أو اطلب تعديلها,,,,وصح بدنك يابوجزاء وشكرا لمرورك الاكثرمن رايع,,,,والنقدالهادف مطلوب ونقدك هادف وبري جدا ومن مايسعدني دايماهوان اجد من ينقد النقدالهادف لمصلحة الشعروالادب فقط لاغيروانت من هاولا وانا اشكرك بعنف وادري انك ماودك تنتقدني ولاكن غيرتك على الادب غطت على تقديرك لي وهاذا هوالمطلوب جعلك تسلم ولاعدمتك يابوجزاء
تحياتي

[فيصل مطر]

ياسلام ياسلام

صح لسانك يافيصل

اقـولـه وانــا مـالـي عـلـى شايـبـي مـنـقـود...ولاجــيــت افــــرح حـاسـديـنـه وحــســـادي
ولياء صار ما ل الرجل من عضم زنده فود...يـبـا يـشـب ويشـيـب وهــو بـالـردى بـاقــي


ابدعت عز الله وانا اوافق الربع في رأيهم ولكنها لم تأثر بشكل كبير على القصيده فهي رائعه, واخر بيت في الحقيقه عن قصيده

ههههههه لم تثربشكل كبيرهاااااااه
صح بدنك الصوينع وشكرا لمرورك العطر ومجملتك العطره
محل تقديري واحترامي الله لايهينك
تحياتي

[فيصل مطر]

صح لسانك يابو مطر أضم صوتي لصوت غالب الذيابي في مشكلة القافية

شكلك تسمع لقديم مصلح بن عياد وأثر عليك

نحترم وجهة نضرك وضم صوتك للي يعجبك ودربك سمح

[خليل هليل الشيباني]

صح بدنك يابو هليل وشكرا لمرورك ومجاملتك للملاحضه لاهنت
تحياتي

يابو مطر انا لم اجاملكـــ وانما شاعر متل الشاعر فيصل مطر لم ينقد ابد
وانا شكيت ولاكن قلت خل المعنى المقصود يمشي

[شاعر الدرع العربي]

يمكن تقصد اشخاص في نفسك
لاكن تعقيبي على ردك اخي فيصل مطر على الشعراء
اولاً انا والله ماعرفك ولاتعرفني
لاكن اين تغدي من المثل القائل(صديقك من صدقك) والجميع بالمنتدى اصدقاء اوفياء انشاء الله
واغلب اعضاء المنتدى ليس لهم معرفه شخصيه ببعض والشعر ليس مقياس لرجولة الرجل لكي يحمس
الرجال الاقل منه مستواى لمنافسته بالمرجله والحسد والحقد لضعفاءالرجال او بمعنى اصح المرضى ونحن اعضاء
ومشرفين اخوان ولاله داعي من وجهة نضري الاصتياد في المي العكر وبالنسبه للقصايد
يرد عليها او مايرد عليها فانني اتمنى ان ارد على اي قصيده تطرح بالمنتدى ولايهمني
رد عليه من عدمه وغيري كذالك حسب معرفتي بالرجال الاوفياء والقصيده
بأكملها لا اويد طرحها سواى كانت وحده او ثنتين او كبوة حصان لكل حصان كبوه
عزيزي آمل ان لاتزعل علي وتاخذ مني موقف ونحن اخوان جميعاً في منتدى له
مكانه عاليه لدى الجميع من القبيله او غيرها من ضيوف منتدانا الغالين انا حبيت
اوضح وجهة نضري ومره ثانيه الشعر مجرد كلام لايقدم ولايؤخر ولايزعل ولايرضي
انتقاده عزيزي فيصل تعقيبي لتوضيح المسأله للقاري ليس إلا
تقبل ردي بصدر رحب عزيزي الفاضل
تقديري لك استاذي

[فيصل مطر]

صح لسانك اخي فيصل مطر
ودي احذو حذوهم في توضيح الخروج
عن القافيه فا تقول لي تدخل في
شؤون الغير حسب مداخلتك لي
في احد قصائدي فأنني التزم الصمت
قصيده رائعه وتفي بمقصودك
عزيزي تقبل مروري استاذي

صح بدنك
واناحترم مرورك واحترم كلامك واحترم صمتك واحترم مداخلتك وكلك على بعضك محترم
وشكلك معطن موضوع مداخلتي لك اكبر من حجمه ولعله طب على الجرح وانت ماتبي كذا
وصح بدنك وشكرا لمرورك العطرومجاملتك العطره
محل تقديري واحترامي
تحياتي

[فيصل مطر]

يابو مطر انا لم اجاملكـــ وانما شاعر متل الشاعر فيصل مطر لم ينقد ابد
وانا شكيت ولاكن قلت خل المعنى المقصود يمشي

عموما اناشكرك انك لاغديت مع من غدى ولاشوش على المعنى كماتفضلت بقولك خل المعنى المقصود يمشي وانامتأكد منذالك وآنك لم تروح عن بالك اختلاف قافيه واضحه بهاذا الشكل ولاكن الشاعر يلاحض الامر المقصود لاريب فيه
ولاعندي شك انك مثل ماتفضلت وغيرك الشعراء كثير مشو الموضوع على كذا واناعارف انهم سوو مثل ماسويت انت بالضبط وهم شعراء فاهمين مثلك وشرواك ولاكن قالوخل الموضوع في مجراه حتى يبين
تحياتي

[شاعر الدرع العربي]

اشكرك حتى ترضى على نضرتك الثاقبه
واقول لك اخي فيصل مطر الانسان ينضر لغيره بعين طبعه
ومداخلتي مجرد مزح معك اذكرك بمداخلتك للأمانه
واتوقع والله واعلم ان قصيدتي التي
سويت مداخله عليها ياعزيزي الفاضل
انها جتك( كيه على الفك) بمثلنا العامي
نحن ليس مثقفين مثلك استأذي
اعتبر الموضوع انتهى من طرفي
تحياتي

[فيصل مطر]

الشاعر الكبير / فيصل مطر


يعلم الله اني لايداورني شك في مقدرتك الشعريه


وانك بحراً من الشعر الجزل ولايفوتك مثل هذا الموضوع

ولايمكن ان يصدر عنك ؟؟؟ ثلاثه ابيات من سته تختلف قافيت العجز ؟ لااء بعد ورا بعض

انا لاصدق هذا بتاتاً لك في هذ ا الحركه شي مريب بس وش ؟؟؟؟؟؟؟؟؟ وانا لاقول للجماعه الي ردوعليك تمهلو

والمفروض شاعر بهذا المستوى ماهو في حاجه ان تلفت انتباهه لغلط ،،،،،،،،،،،،،،


معذرتاً فالموضوع غير ذالك ولايجب الرد على شاعر مثل فيصل مطر بان عندك غلط فهذا ليس


بغلط اسمحولي كلكم ولاهو غبا ولاكن تعجلتم بردودكم عليه وانا راح اشوف ردت فعل


اخينا فيصل مطر ورا ح يطلع السبب ،،،،،،،،،،،، اخي فيصل مطر الله يهديك بس

لاتلعب باعصابي وارجو توضيح مقصودك واهدافك وتقبل مداخلتي ولاتعتبرها رد

اخي الشاعرالقدير/ابن حشيان
الله يرحم والديك والله اني ادري انك انت ومثلك ماريح يطوف عليه مني شي الايذاكان لايعرفني ولاكن بغيتك تقول صح لسانك وبس واناعرف انك تدري بوجود شياماولاكن انت احرقت الفلم الله يهديك والدليل على ذالك الناس توقف عن الردود تحتري الكشف عن حقيقة الامر حتى اني انتضرت يومين بعدذالك
عموما صح بدنك وكثرالله من امثالك وشكرا لمرورك العطرلاهنت
تحياتي

[فيصل مطر]

اشكرك حتى ترضى على نضرتك الثاقبه
واقول لك اخي فيصل مطر الانسان ينضر لغيره بعين طبعه
ومداخلتي مجرد مزح معك اذكرك بمداخلتك للأمانه
واتوقع والله واعلم ان قصيدتي التي
سويت مداخله عليها ياعزيزي الفاضل
انها جتك( كيه على الفك) بمثلنا العامي
نحن ليس مثقفين مثلك استأذي
اعتبر الموضوع انتهى من طرفي
تحياتي

والله اني لاملك لك الاالشكر حسب ادراكي لبعض مقلت واعتبر كلش منتهي الاالطيب ماينتهي بين الرجال وحياك الله
تحياتي

[عناد الشيباني]

صح الساااااانك يافيصل

وشهادتي فيك مجروووحه

..

[فيصل مطر]

صح الساااااانك يافيصل

وشهادتي فيك مجروووحه

..

صح بدنك
ولايصح المنضوم الابالمرسوم ومثلك عارف
تحياتي