بدر الحويمضي وصاطي الضباطي.. الله يجيب العيد حتى انا نشوف العايدين

[أحمد المويعزي]

السلام عليكم..

صباح | مساء الخير..

بدر الحويمضي الحربي وصاطي الضباطي المطيري


بدر الحويمضي:
يامرحبا ترحيب مثل الطيب عند الطيبين=بحلال حرب اللي يعلم عن كرمها نارها
العلم فيه علوم ياسبحان رب العالمين=وانا يعلمني عن احداث الليال اسرارها

صاطي الضباطي:
الك البقا ياللي ترحب واخذلك علم"ن"يقين=ولاتروح يمينها ولاتروح يسارها
يابدر لا منا حضرنا نخزي بليس اللعين=ينبيك عن وقفاتنا يابو سعيد اخبارها

بدر الحويمضي:
اللي يروح يسار مايحسب من اصحاب اليمين=والدعوه اللي ماتجيب الخير لاتختارها
لولا الدموع اللي تعلم عنك يالقلب الحزين=ماشفت ناس"ن"بديار غير ديارها

صاطي الضباطي:

هذا الكلام اللي تقوله صح في عسر"ن"ةلين=مال الكسور الا يابدر حويمضي جبارها
اليا وقفنا الموقف المشهود نبقى حاضرين=مايختلف ميقافنا في سرها وجهارها

بدر الحويمضي:
الله يدلك للهدايه يالضباطي قول آمين=انته منظم ثورة"ن"واضح عليك آثارها
هذا السنه فيها علامة سوء من سود السنين=مافيه حيه غير جرتها تروع جارها

صاطي الضباطي:
احلم يابدر الله يحقق كل حلم الحالمين=والبندقيه ياعميلي لايهس عيارها
هذا السنه خير وبراكات تعم المسلمين=ولا عيال الغار لايمكن نقرب غارها

بدر الحويمضي:
انته على درب اربعه سرعتك ميه وربعين=وانا هدمت ركونها العشره على من زارها
الله يجيب العيد حتى انا نشوف العايدين=ومطير تشعر بالامان ليا لقت شعارها

صاطي الضباطي:
انته حفظت البيت بدري في كتاب الحافظين=لاتقوم اهل الجيش ثم تضيع وسط غبارها
http://www.youtube.com/watch?v=4cF3_zKSKcw

[ذعير العالي]

صحت السنتهم

والله لايهينك علي النقل الرائع ياأحمد

[المر العذب]

المحاوره وهي مكتوبه كما نزلها صاحب الموضوع
كان واضح فيه اخطاء وكسر في ابيوت الشاعر ساطي الضباطي
واذا استمعت لها فديو واضح ان بيوت الشاعر ساطي سليمه ولايوجد بها ضعف او كسر
صراحه انا اول امره اسمع للشاعر بدر الحويمضي وواضح انه شاعر جيد واعجبني .

[أحمد المويعزي]

"إن بعض الظن إثم"

جل من لا يخطىء أخي العزيز..


بيت بدر:
لولا الدموع اللي تعلم عنك يالقلب الحزين=ماشفت ناس"ن" نازله بديار غير ديارها

ناقص كلمة نازله


و

هذا الكلام اللي تقوله صح في عسر"ن"ةلين=مال الكسور الا يابدر حويمضي جبارها

عسر"ن" ولين


فقط لاغير..

وأنا لاحظت من بدري لكن لم أستطيع تعديل الموضوع..

[سعيدان العتيبي]

طاروق رائع

والحويمضي شاعر جيد لو انه في بداياته

[محمد الذيابـــي]

,,


لا هنت يالغالي,,,