وينك يابن سرحان

[مشعل جويبر الجعيد]

وينك يابن سرحان


سلامي سلام احلى من الزاد من عقب الصيام=ويفرح به اللي يطرق القافيه و فنونها
على راس بن سرحان شفنا من البارح غمام=سحابٍ ترازم رعدها في عروض مزونها

[فايز بن سرحان الثبيتي]

مرحبا يابو سلمان وابرك الساعات "





هلا مرحبا ترحيب بالطن ماهو بالجرام = يخلي محلات الذهب ينعكس قانونها !!
غيوم ٍتجي وتروح فوق الهبايب كل عام = على جرة ايتام ٍ وراهم عجوز بشونها !!

[مشعل جويبر الجعيد]

مرحبا يابو سلمان وابرك الساعات "





هلا مرحبا ترحيب بالطن ماهو بالجرام = يخلي محلات الذهب ينعكس قانونها !!
غيوم ٍتجي وتروح فوق الهبايب كل عام = على جرة ايتامٍ وراهم عجوز بشونها !!




يدوم البقا والطيب من بيننا ذروة سنام=على جرة الجدان ما ننقصر من دونها
لكن الجماعه يلحقونك مشاريه وملام=تجنب عن اللي سلطة القوم في حاجونها

[فايز بن سرحان الثبيتي]

حقوق الرجال اتصان بالفعل ماهو بالكلام = وانا اشوم عن بعض الدعاوي وعن مضمونها !!
اعدي على راس الطويله وادق الها سلام = ولا همني فالناس \ ليلى ولا مجنونها !!

[خليل هليل الشيباني]

صحة الالسن

[مشعل جويبر الجعيد]

تقوله لكن الصف ياصاحبي فيه انقسام=رجال تبادلك الوفا ليش يوم تخونها
ليا كان يالماموم ماتتبع نهج الامام=صلاتك يجي فيها خلل في جميع ركونها

[فايز بن سرحان الثبيتي]

انا مادفع الرشوه ولا اكل من المال الحرام = حقيقه عسى خبول الرياجيل مايوحونها !!!
هوى النفس والشيطان تدفعك نحو الانتقام = وتقفي بشرهه كحلها مايسد عيونها !!

[فايز بن سرحان الثبيتي]

خليل الشيباني


حياك الله وصح بدنك "

[مشعل جويبر الجعيد]

اصدق كلامك مير اشوفك تجي عكس النظام=تبا تمرةٍ من نخلةٍ يابسٍ عرجونها
مسالم واسالم واكره الحرب واحب السلام=لكن انت تسرق زبدة البدو من ماعونها

[عبد الرزاق بن سعود النفيعي]

مشعل الجعيد


فايز بن سرحان



صحت الالسن والقلوب


الى الامام يابو ريان

لا يهمك الايتااااااااااام والعجوز اللي تعكز على شونها

تبقا علم والعود في عين الحسود

[محمد الذيابـــي]

,,

صحة الألسن والقلوب,,

[عايض مثقاب الزراقي]

صحت الالسن والقلوب

طاروق كايف

[علي الثبيتي]

لله دركم على هالطاروق الرائع والفتل والنقض

صح السنتكم

مشعل متى نشوفك انت وابو ريان في ساحة الميدان تقارعون كبار الشعراء

[فهد الشهيب الثبيتي]

الله الله الله

طاروق خمس نجوم

شعار وربنا وربكم الله

صح لسانك يابو سلمان وصح لسانك يابو ريان

اشبعتو الذائقه

[ثامر الثبيتي]

فايف ستار



مشعل وفايز ابدعتو صحت السنكم

[مشعل جويبر الجعيد]

اشكركم جميعا غلى مروركم كلا باسمه

[قيس العازمي]

صحت اللسنتكم


وانا اشهد انه من افضل الطواريق اللي قريتها


شعراء ولله دركم وفالكم التوفيق

[فايز بن سرحان الثبيتي]

ابو سلمان المعذره على التأخير واستلم لاعدمتك "




تشوف العرب بعيون طبعك \ ماهذا ياغلام !!؟ = وباب الثقه فالنفس يبقى بحسب ظنونها !!
تبا تتهمني وانت موضوع تحت الاتهام = وانا من رجال عنك قامت تسوق ضعونها !!

[فايز بن سرحان الثبيتي]

الغالين :

عبدالرزاق النفيعي \ محمد الذيابي \ العود ابو فهد \ فهد الشهيب \ ثامر الثبيتي \ قيس العازمي "


عساني ماعدم تواصلكم وكلي فخر باطلاعكم وحضوركم





صحت ابدانكم "

[سعود العصيمي]

على راس بن سرحان شفنا من البارح غمام
سحابٍ ترازم رعدها في عـروض مزونهـا




هلا مرحبا ترحيب بالطن ماهو بالجـرام
يخلي محلات الذهب ينعكس قانونهـا !!
غيوم ٍتجي وتروح فوق الهبايب كل عام
على جرة ايتام ٍ وراهم عجوز بشونها !!





النفيعي


وابو ريان

صحت الالسنه والقلوووب

[مرزوق الوذيناني]

طـــــــــــاروق كبير بحجم شعـــــراءه الكبار


وصح الستكم

[فايز بن سرحان الثبيتي]

هلا يابو طايل صح بدنك وعاااااااش من شافك يالهرش

[فايز بن سرحان الثبيتي]

مرزوق الوذيناني "


ارحب ارحب وتحية خااااصة لك طال عمرك "