ياجماعه جاكم الصاروخ !!!

[فهيد الايدا المورقي]

اقرب شاعر



ياجماعه جاكم الصاروخ=اطلقوه اللي بطهراني

الدفاع اللي بصلبوخ=مايرده لياجاني

[سعد الرويس العتيبي]

الله اكبرعلى المفوخ=نافخه كل شيطاني
عندنا قوة المطنوخ=باتريوت المريكاني

[فهيد الايدا المورقي]

العلاقه لوحها مشروخ=من سنين خميني الفاني

فرخة وسط البلد بفروخ=سمها في جوف لحياني

[سعد الرويس العتيبي]

العلم ياصاحبي مطبوخ=بين ابو فلان وفلاني

ياعسى راسك ماهو مصبوخ=المرض فى البطن ووذاني

[فهيد الايدا المورقي]

عيب والله يزبنون الكوخ=واجه الحراب بسناني


من قبايل يلبسون الجوخ=والحرايب وقتها حاني

[سعد الرويس العتيبي]

السعودي ماقفه بشموخ=فزعت المضهود من اداني

ياهل الطالات مامن نوخ=كل عودن فيه دخاني

[فهيد الايدا المورقي]

عندنا ماهو بلاقي خوخ=كود ضلع ن وسط ودياني


الدعاوي سترها مفصوخ=اجتمع شيعي ونصراني

[فهيد الايدا المورقي]

سعد الرويس صح لسانك على المحاوره الجميله


تحيتي

[سعد الرويس العتيبي]

من تمنى حربنا بيدوخ=لو في راسه حميداني

عرقكم ياهل الفتن مملوخ=مالكم فى الطيب ميداني

[سعد الرويس العتيبي]

سعد الرويس صح لسانك على المحاوره الجميله


تحيتي





صح بدنك والله يبيض وجهك على الطاروق

تصبح على خير

[محمد الذيابـــي]

,,


صحة الالسن جميع,,

[محمد ناصر الأكلبي]

قاف ممتع

صحت الألسن

والنصر من عند الله وحده جل وعلا



لاهنتوا ياشعارنا

.............

[فهيد الايدا المورقي]

محمد الذيابي صح بدنك


تحيتي

[سعد الرويس العتيبي]

صحت ابدانكم جميعا

[فهيد الايدا المورقي]

محمد الاكلبي صح بدنك


تحيتي