فنجال وعلوم رجال ...

[الطاحوس]

مسااااااااء الخير


هذي قصيده بسيطه من قصايدي


واتمنى انها تعجبكم



سبحان من يخلق من النفـس نفسيـن

وسبحان من يجعل بالشبه عشرة امثـال

ارسـل ابياتـي للـي يـدق الهواويـن

يجي له السامـع ولـو كـان عالجـال

دق حبك بعـد حمسـه علـى صحيـن

لين العرق يطلـع مـن الحـب همـال

بريـه شقـرا ماجـات مـن الصـيـن

جابوها مـن اليمـن كريميـن الاسبـال

بهـر .. ولقـم ... وزلهـا للوفيـيـن

وحط الربـع منهـا علـى كـل فنجـال

لالامجت كيفك وصـار خاطـرك زيـن

هـات الربابـه وجرهـا لال يــا لال

بوجود ( أبو مطلق ) صاير الربح ربحين

واحد بشوفـه وربحـي الثانـي ينقـال

لامني ارسلـت شعـري لنـاس غاليـن

زاد الوفـا عنـدي فـي كـل الاحـوال

وختامها ياللي تخلـق النفـس نفسيـن

تصلـي علـى محمـد مـادار هـمـال

[مرزوق حمدان العتيبي]

صح لسانك
معاني قيّمه والله لايهينك.
ولكن اتمنى لواعتنيت
بالوزن لكانت قصيدتك اجمل.

[الطاحوس]

صح بدنك يا مرزوق

ومشكور على مرورك


اما بالنسبه للوزن

تخبر ماني شاعر شاعر

لكن احاول

وهذي محاوله بس

ولا انا مالي بالبحور والاوزان

[ابن مجيول]

صح لسانك


أخوي الغالي الطاحوس

و القصيدة وافيه

وأ ن شاء الله

أن شوف أونسمع منك كل شي جديد

تقبل مني خالص الاحترام والتقدير

اخوك ابن مجيول

[الطاحوس]

صح بدنك يبن مجيول

واوعدك يبن العم بكل جديد عن قريب ان شاء الله