فايز بن سرحان الثبيتي وعجاب الدغيلبي في طاروق ساخن

[طارق الثعلي]

يسرني تقديم طاروق ساخن بين الشاعر / فايز بن سرحان الثبيتي و الشاعر / عجاب الدغيلبي والذي حدث قبل شهرين تقريباً في منتديات مجالس البجادية :

عجاب الدغيلبي :

مرحبا ترحيبة ترفع شعارات البطولة=شامخة بالعز لايمكن تراجع عن هدفها
الثبيتي مسلم وامن وصار الخوف حوله=مزهبه مأخوذ والبندق خطفها من خطفها

فايز سرحان الثبيتي :

البقا يامتعب الميدان في عرضه وطوله =المراجل ماتبا واحد يجنب عن طرفها
والوجيه اللي من سلوم الرياجيل مغسوله=عانها غرتك ياعجاااااب \ لو غيرك عرفها

عجاب الدغيلبي :

قبل لا تبدأ التجارة ويش عندك من سيولة=فيه شيكاتٍ صفر مير المصارف تكتشفها
أحسب إن الناس تابت من مراهقة الطفولة=لين شفت الحالة اللي صاحب الخبرة وصفها

فايز سرحان الثبيتي :

الفقير اليا لقى الدولار يمناه مغلوله=عملة تصعب علاه ولا هقيت انه صرفها
مادريت ان اليتيم امه من العام مهبوله=لين شفته يوم قفت عنه بالجزمه حذفها

عجاب الدغيلبي :

قدّم الخدمة وأنا بسلمك حق العمولة=وأمدحك وأقول كفوٍ للأمور اللي وقفها
لاتخالف ما ومربه ربك وقاله رسوله=ثم تبعدك الرجال أهل المروة عن شرفها

فايز سرحان الثبيتي:

كان هذي حيلة اللي نص ربعه صفقوله=كل مانحداه عن درب المعاصي يقترفها
سلعة ٍ فالسوق والتجار يوم تدور حوله=مابقى دلالها عنده يمين الا حلفها !!

عجاب الدغيلبي :

خذ وخل من العبر دامك تطاوع بالسهولة=وأنت أظن الكايدة مالك تواجد في كنفها
ذاك سوق ٍ عن مثل شرواك مايرفض قبوله=وأنت راضي به لو إن النفس ملعون ٍ جدفها

[حمدان العضياني]

طاروق تابعناه كثيرولم نمل منه الى الان لمايحتمل من معنى هادف وسبك وحبك صحة السنة شعراؤه



طارق الثعلي سلمت

[ذعير العالي]

صحت السنتهم

والله يعطيك العافيه ياطارق

[قاسي العتيبي]

عز الله طاروق ساخن

أثر المعركة اللي قبل ليلتين ماجت من فراغ جاي قبلها كلام قوي قبل شهرين

مشكور ياطارق على الإدراج

[محمد الذيابـــي]

صحة السنتهم جميعا



لا هنت يالغالي,,

[ابو فايح]

طاروق قوي وساخن


صحت السنة الشاعرين


وسلمت يا طارق