ترى الشعار مانشفو ريقي

[مشاري الشيباني]

سلام الله على الشعار تسليمٍ بدون حدود=ابلعب واتهرج واتسلاّ بالطواريقي
مدام انّ الثقه فـ/النفس موجودة ،، وانا موجود=انا ماهمني .. واهل الشعر مانشفو ريقي

[ضيف الله العضياني]

هلا يامرحبا جيتك وجابك يومك الموعود=ترى كيفك من السم استلم كاسه من ابريقي
انا كنت احسب انك مت من ضاري واكلك الدود=بعد غرقت فوقك ليلة الاثنين تغريقي

[مشاري الشيباني]

انا اسلّم على الشعار ،، منت بضمنهم معدود=لوانّك ضمنهم شفناك في روس الشواهيقي
تبا موتي علشان انت من فعلٍ مضى ملهود=يابو وجهٍ غدا اسود ،، لو تحط من المساحيقي

[عبدالمجيد الثعلي]

مشاري الشيباني و ضيف الله العضياني


صحت ألسنتكم وعلى القوة


والصف صف ابن عاضي

[ضيف الله العضياني]

تحت ظل الحماده طير وانزل فوق راس العود=لك الله ماتحلق في السما لو شفت تحليقي
بياضك مانفعك مع العرب وانته فعولك سود=وعنتر فعله ابيض ما حسب للون الافريقي

[مشاري الشيباني]

عبد المجيد الثعلي

صح بدنك

لاهنت على الحضور

[ضيف الله العضياني]

مرحبا يابن ثعلي مرحبا

[ناصر الشلاحي]

صحت اللسنتكم
متابع لكم

[ضيف الله العضياني]

مرحبا ياناصر مرحبا

[عبدالله جبارالعتيبي]

مشاري الشيباني
@
ضيف الله العضياني


صحت ألسنتكم

[ضيف الله العضياني]

صح بدنك ياعبد الله

[عايض جزاء العصيمي]

مشاري الشيباني


و



ضيف الله العضيان


بيض الله وجيهكم جميعا

[ضيف الله العضياني]

وجهك ابيض ياعايض

وصح بدنك

[مشاري الشيباني]

انا خبرك ورعٍ ماتعرف العيب والمنقود=وحنّا مانعدك فالرياجيل المطاليقي
بياض الوجه كاسيني وفعلي فالعرب مشهود=نهار انّك تخون العهد وتبوق المواثيقي

[ضيف الله العضياني]

صح لسانك يامشاري

تصبح على خير

[الكنق]

صح لسانك يامشاري مبدع بلا حدود


وصح لسان العضياني وليته كمل الطاروق حتى نعرف من اي العضيان هههههههههههه

[عبدالمجيد الثعلي]

الدعوه محاوره يالربع ماتأصل هالمواصيل
والمحاوره ماتعني شيء !! تالع بقاز . وتطفي بماء

ولاهنتوا على كل حال