المساعد الشخصي الرقمي

مشاهدة النسخة كاملة : محاورة مصلح بن عياد وهلال السيالي قديمه...


بدر الشلوي
26-Dec-2011, 09:39 PM
محاورة مصلح بن عياد الشلوي وهلال السيالي عام1416هـ


هلال السيالي=
الهاجري والحارثي متخاشرين=والكل منهم جريته قصيتها
أنته يابن عياد لك حسبة سنين=تشب نار تقول ما شبيتها
مصلح بن عياد=
الهاجري والحارثي ظلعٍ زبين=أوحيتها وآلا بعد ما أوحيتها
وشبك تجينا من يسار ومن يمين=ياللي صلاة الفجر ما صليتها
هلال السيالي=
بعد أعترفت أصبر عليّه ساعتين=وتجيك بقعاء بعد ما ناديتها
ياللي تصلي كل ليله ركعتين=وضيت رجل ورجل ما وضيتها
مصلح بن عياد=
يا ثلب ياللي قمت تجرع بالحنين=سلّم على الديره ليا مريتها
أنذرتكم قدام الأولى مرتين=والثالثه ضدتك ما ضديتها
هلال السيالي=
يا حارثي بيني وبينك قصتين=فاتت عليك تموت ما أرتديتها
أحن وأهدر وأطلع الظلع الزبين=تعرف وقع رجلي ليا مديتها
مصلح بن عياد=
الله لا يفرح علينا الشامتين=وش ذا السواه اللي معي سويتها
بكره تجيك أم الرعد وأم الدنين=تظهر مجانين العرب من بيتها
هلال السيالي=
الهاجري عمك يطالع لك بعين=وراك ما كحلتها وأعميتها
فتّش جنوبك يا رضي الوالدين=يا ليتها ما فتّشت يا ليتها
مصلح بن عياد=
الطيب يزرع في قلوب الطيبين=وأهل البشوت أضحكتها وأبكيتها
يا ظلع ياللي رحت أدق من الطحين=ما تجرح العالم ولا داويتها
هلال السيالي=
ما ودنا نبحث سدود المستحين=والطيبه فالجيب وأحتتيتها
خابرك مسلم من خيار المسلمين=بين الحقايق والغلط وفّيتها

العفريت
26-Dec-2011, 10:22 PM
ياسلام ويا سلام

بيض الله وجهك على هذه المحاورة

الله يرحم هلال السيالي

ويطول عمر مصلح بن عياد

تحياتي

عايض جزاء العصيمي
26-Dec-2011, 11:31 PM
صح لسان بن عياد
وصح لسان هلال السيالي

رحمه الله

ومشكور على النقل

تقبل مروري

بدر الشلوي
26-Dec-2011, 11:36 PM
شكرآآآ لكم على المرور والمتابعه

تحياتي لكم

سهيل 1
26-Dec-2011, 11:56 PM
بيض الله وجهك ..

محاورة رائعة ..

رحم الله هلال السيالي

وأطال عمر ابن عياد ..

محمد الذيابـــي
27-Dec-2011, 02:14 AM
,,

صحة السنتهم جميعاً,,


لا هنت يابدر الله يعطيكـ العافيه,,,

بدر الشلوي
27-Dec-2011, 12:48 PM
شكرااا لكم على المتابعه

تحياتي لكم

منصف في زمن الظلم
27-Dec-2011, 06:54 PM
السيالي الله يرحمه داهيه
ومصلح شاعر ما يحتاج

بدر الشلوي
29-Dec-2011, 01:20 PM
شكرآآآ لكم على المتابعه

تحياتي