طلب من اخواني الشعار

[عبدالله الـعتيبي]

السلام عليكم ورحمة الله وبركاته

عندي طلب صغير وآمل ان آلآقي التقبيل

فيه شخص يقرب لي تعين مدرس ولله الحمد

فخطر على بالي فكرهـ واحتاج ابيات شعريه

وسوف اذكر المصدر وأذكر اسم الشاعر

والابيات مانبيها تتعدى ثلاث او اربع

بالتوفيق

[عبدالله جبارالعتيبي]

مبروك تعيينك من القلب مبروك=عقبال ماتاخذ بدل سكن عقبال
ولاعلى كرس الوزاره يحطوك=وتنسى الحصص والشرح وتريح البال
هذا كلام القلب مني ونا خوك=مبروك ثم مبروك ياطيب الحال

أعذرنا على القصور

[عبدالله الـعتيبي]

الله يبيض وجهك وانا اخوك

عقـبـال مـاتـاخـذ بـــدل سـكــن عـقـبـال<<اشوف بدل السكن ماله داعي لان مااعتقد يعطونه بتات

هــذا كــلام القـلـب مـنــي ونـــا خـــوك<<الخطا مني ماوضحك هو خالي

وأعيد واقولك بيض الله وجهك والله يفتحلك حياتك

[عبدالله جبارالعتيبي]

وجهك أبيض

والمدرسين تترا مالهم هرجه الأيام ذي غير بدل السكن

عشان كذا حطيته

أسال مجرب

ولو تبي نغيره على خشمي ياسمي

[فيصل مطر]

عبدالله هذا ليس مكان لموضوعك عافاك الله


(هذا منتدى قصايد الشعراء الاعضاء بمنتدى الهيلا عتيبه)

ليس مكان لذالك

فضلا عن كون الموضوع غير منطقي اصلا ويعتبر جرم بحق الشعراء وبحق الادب بوجه عام

فلاتصدع به جهرا اقل شي


شكرا

[عبدالله جبارالعتيبي]

أخوي فيصل مطر

أتفق معك على أن هذا ليس مكان الطلب


لاكن (جرم بحق الأدب) لاأتفق معك الرجال قال يبغى يرسلها لصديق ويذكر أسم صاحب الأبيات

ولا أرى فيها أي شي


تقبل تحيتي
ياصديقي أبن مطر

[عبدالله الـعتيبي]

الله يهديك يافيصل بس

وانا ماعرفت وين احطها قلت نحطها هنا

ابن جبار في تعديل شي ولا امشي حالي على الابيات اللي قلتها

يعطيك العافيه ماقصرت

[فيصل مطر]

أخوي فيصل مطر

أتفق معك على أن هذا ليس مكان الطلب


لاكن (جرم بحق الأدب) لاأتفق معك الرجال قال يبغى يرسلها لصديق ويذكر أسم صاحب الأبيات

ولا أرى فيها أي شي


تقبل تحيتي
ياصديقي أبن مطر

حياك الله ياصديقي ابن جبار تصادقك الغناه انشالله
اخي الفاضل لاشك ان هاذاوجه من وجوه العبث في الادب والتقليل من شانه واهله
ولم تجد المخرج له من هاذا الامن حيث انه لم يكن فيه سرقه وهاذاليس مبرر لجانبه السلبي
ولاكن على ايات حال نحن نعلم تمام المعلوميه ان الاخ عبدالله لايقصد الاالصح
---
لونك ياعبدالله شاعرمن زمان وقدعانيت من هاذا عرفت اظرار اخرى منها انك يجيك من يعزعليك ويريدمنك قصيده على قدحك المعروف عنك شخصيا,لسواد عيونه ون لم تفعل خسرت صديق ون فعلت دخلت دايرة انك شاعرهزيل ولاتبرا بك الذمه الادبيه فضلاعن كونك ان فعلت خسرت كثيرمعنويابينك وبين نفسك انشدمجرب وعموما,,اختلاف الراي لايفسدللودقضيه
انتهى
وتقبل تحياتي

[عبدالله الـعتيبي]

يافيصل انا أعتذر
وبعض كلامك فهمته وبعضه لا ههههه لاني احس كلامك داخل في بعض

عموما انا ماعلي من اللي يسرق وهو ماشي انت اخذ الكلام من لسان رجال

عموما عبدالله ماقصر وبيض الله وجيهكم

بالتوفيق

[عايض جزاء العصيمي]

ياجماعه الموضوع بسيط ولا تعطونه اكثر مما يستحق
تحياتي لكم جميعا