### وين السيف الاملح###

[علي فلاح العضياني]

استلم يالسيف الا ملح

مرحبا ترحيب غالي ومن زايد غلاه=مانقوله غير لاطلق شنب يستاهله

يابو تركي تحسب ان الزمن دايم حياه= اعرف ان الموت ياصلك ولا تاصله

[السيف الاملح]

خلــــــــــوها

البقا والطيب مثلك مايستغرب علاه= قول صادق ياعميلي ماهيب امجامله

منك وامثالك لك الله مادورلي نجاه= والاجل مااحدٍ يجيبه ولااحدٍ يجله

[سيــف المعانـي]

يا سلاااام


الله الله


متااااابع

[ماجد الهذلي]

يا سلام يالفالح ويالسيف الأملح

متااابعين

البدايه القويه

[علي فلاح العضياني]

شفت لي موقف خطير ويشد الانتباه =البحر جا فيه زلزال واغرق ساحله

لاتقوله وانت ذلحين جاهز للذكاه =والقديمي فوق حلقك حديده قاتله

[السيف الاملح]

سيف المعاني حياك الله ويامرحبا فيك وتسلم

الاخ ماجد لاهنت على المرور

الفالح استلم

البحر ماهمه الي غرف من حيد ماه =لاتحملنا ذنوب العباد الجاهله

لو ماني خايف ازعلك واسبب وحاه =والله انك تاتشوف النجوم القايله

[الــوآفــي]

الله الله

سيف وفالح :)

اكيـــــد بتكون رائعه محاورتهم

واكيـــــد انا متابعين

[المسرّي]

روائع

واصلوا وانا متابع

[علي فلاح العضياني]

سيف المعاني ذيبان ماجد المسري
لاهنتو على المرور

دايم اسمع لي مثل معتبر نصه هذاه= (الضرايا ماتعرقل طريق القافله )

تدري ان الحر يرهي ليا حصل عشاه= ماتنجيك الحيل ياالشجيع الهايله

[السيف الاملح]

الله الله

استلم يالفالح ولاهان من مر على المحاوره

وشتبا بالهامل الي يدوخنا رغاه= لا تنوخ للحمل غار حرً شايله

عندنا للحر مسباق لن مالله هداه = يحسن المنطوق ولا يجيب الفايله

[الفراهيدي]

الله الله


متااااابع

[علي فلاح العضياني]

الاخ السيف الاملح المحاوره معك لها ذوق وطعم خاص
وختام المحاوره عندك لعدم تفرغي

الايام القدمه لضروفي الخاصه
ولنا عودا قريب انشاء الله

انت جبت الهامل النا ونا والله مباه= كل عام مضوين لك مطيه هامله

احمد الله عايش بين عز وبين جاه= من رجالن طبعهم يكسبون الطايله

[السيف الاملح]

الفالح لاهنت ومشكور على الاطراء
وهذا من طيب اصلك وترجع بالسلامه

واستلم

ارفع احجاجك لنجم الجدي باعلا سماه= وشتبا بقصير الناع يوم اتزامله

انت وشبك دايم اتزعل امدير القناه= عين فيه اوعينك الثانيه لمراسله

[السيف الاملح]

الشكر موصول لمن تابعنا

اخوكم السيف الاملح

[ماجد الهذلي]

بيض الله وجهك يالفالح

وبيض الله وجهك يا السيف الأملح

محاوره ممتازه وترجع بالسلامه يالفالح

[مرزوق حمدان العتيبي]

....
الفــــالح مشكور يابو فلاح على ابداعك وترجع لنا بالسلامه.
السيف الاملح ايها الشاعر العملاق مشكور على تميزك
الف شكرا لكم جميعاا على محاورتكم القيّمه.
اخوكم....