قالوا حبيبك سالي ن مع حبيبه .. تنتظر النقد

[رائد العصيمي]

السلام عليكم

ابيات .. اقتبست من ابيات شاعرة قديمة ..

ف طلع معي هذا النص يارب يحوز على رضاكم

تقييمكم له ونقدكم اساس النجاح

يقول :

(ياعين هلي صافي الدمع هليه
واليا انتهى صافيه هاتي سريبة)
بيت ن ذكرته يوم عيّنت طاريه
قالوا حبيبك سالي ن مع حبيبه
غيّر غرامي والوعد والمشاريه
واقفى وانا عيني لزولة رقيبة
مايسمع ضلوعي بحبه تناديه
مايسمع الي ظهّر الوقت شيبه
روّح وجرحه مالقى من يداويه
جرحه مكن فالصدر منهو طبيبه
مدري علامه كيف وشلون مع ليه؟
وشلون تاتي منه والله غريبة
وشلون يتركني وقلبي يناديه
وانا الذي صنته وقلبي قليبه
يحذف به من الهم واشيل واغليه
اشيل همه والسعادة نصيبة
اساعده بيديّ واحن وادعيه
واجفف دموعه وأواسي نحيبه
واليوم عني راح واقفت مساعية
والوصل مابيني وبينه طليبه
مبسوط ربي يسعده في لياليه
هذا الصحيب الي غدر في صحيبه
والعذر مابه عذر لاشك يحميه
والروح من صدته جدآ كئيبة
والقلب جاء له فالهوى مايكفيه
يدخل مصيبة طالع ن من مصيبة
خلى الامل من بعد ماكان يرجيه
صابة مع الايام مليون خيبه

ياعين كفي صافي الدمع كفيه
الدمع غالي والعواذل قريبة

(اللي يبينا عيت النفس تبغيه
والي نبي عيا البخت لايجيبه)


وسلامتكم قابلة للنقد

اخوكم \ رائد

[محمد الذيابـــي]

,,

صح لساااانكـــ

يارايد شاعر جزل,,

[ف@د]

صح لسااانك يارايد
مبدع كالعاده،،،،

[عايض جزاء العصيمي]

صح لسانك
تقبل مروري
تحياتي

[فيصل مطر]

صح لسانك يارايد
رايع بس حاول من البدايه تكون لك طريقتك التي تميزك عن غيرك

وتبتكر الفكره وتبني عليها أفضل من اتباع ماسلف من جزل وهزل ,,احسن من نصحي لك
وصح لسانك مجددا تقبل
مروري