وريث الكرام
05-Dec-2011, 12:15 AM
نسبه
هو تني بن هضّال أبوعبيه المقاطي العتيبي
والعبيات فخذ من اللهازمة من روسان المقطة واشتهروا بالشجاعة وبالكرم وممن اشتهر منهم شاعرنا تني أبوعبيه وحنيف أبوعبيه وجلال بن غالي أبوعبيه
(وعزوته معشي سحم الظهور أخو جلا ) وزايد أبوعبيه ( اللي ذبح باحص السبيعي من شيوخ السوده من سبيع عندما غاروا عليه بيأخذون إبله وقال باحص احفظ يا بواردي فقال زايد كلمته المشهورة علي حفظانها والتكلان على الله وذبحه وفيه هضبة في عبلة المقطة الآن تسمى سمرا باحص ) وغيرهم .مولده1240-1245 تقريبا ً
كرمه
اشتهر تني أبوعبيه بشدة الكرم رغم القل وله في ذلك سوالف كثيره منها أنه جا ضيوف وسألوا عن بيته فقالهم اللي سألوه وش تبون به دوروا معزب غيره تراه ماياجد شي قالوا نبيه يطلع الجوع من كبودنا ولا لنا عنه مجناب فدلهم علي بيتهم وكان وده ما يجون تني ماويه له ووصلوا تني ورحب بهم وقلطهم وهو كل مايملكه ناقتين مضيرهن على حاشي واحد. وكانت أمه عندها فرق من الغنم فعرض عليها تني أنه يذبح منها ويعوضها من الكسب لاغزوا لكنها رفضت .فاستاذن تني من ضيوفه وقام وحلب الناقتين وقدم الحليب للضيوف ورجع وفي هالوقت ايقنت أمه أنه نوى يذبح الحاشي (ويسمى الحاشي في هالحاله ولد ضير ويكون سمين لانه يرضع ناقتين ) فحاولت أمه ترده لكنه كان مصمل على رايه ونحر الحاشي وعقب ما نحره فقدن النياق الحاشي وجفلن وهجن وقامن يدرهمن حول البيوت وايقنوا ربعه انه ذبح الحاشي وفعلا جاهم مرسوله يبلغهم بالعزيمه فحضروا ربعه واكرم تني ضيوفه وبعد ما راحوا الضيوف لامته والدته على سواته وقامت تشتمت عندها تمثل تني أبوعبيه رحمه الله بهالابيات اللي اشتهرت وصارت لسان حال الكرماء
يــا يــم خلي عــنــك كــثـر الشماتي= هـذي سوات من ارتكى للمواجيب
مـــا دام بــيــتي مــدهـل ٍ للـبـــداتي=بـحطها تخطي المواجيب وتصيب
افـــرح لــيــا جـوني هل الموجفاتي=وخــصّوا علي ونوخوا بالاطانيب
وبــفـــعل الــكــرمـات طـيلة حـياتي=مـــع ذبحنا للضان ما نذخر النيب
وتـــرا الــكـرم من طيبات الصفاتي=والبخل شوم ولوم وخصلة عذاريب
وكـــم واحـــد ٍ مــثلي وسوا سواتي=مـا مات من فقر ٍ ولا حل به عيب
مواقفه
كان تني حاضر مع ربعه في مواقفهم بحاله وشعره وقد فـُقد من شعره الكثير ونذكر من مواقفه :الثار للشيخ تركي بن حميدعندما قـُتل الشيخ تركي بن حميد غزا تني أبوعبيه مع المثارين على مطير تحت قيادة الشيخ عقاب بن شبنان وذبحوا هاك اليوم الشيخ مبلش بن جبرين شيخ العبادل من مطير ذبحه منير بن ثويمر المقاطي وأخذوا إبله وتسمى موجات وذبحوا الشاعر الملعبي وصوبوا فارس يقال له دلاك وقال تني هالأبيات :
يــا راكــبٍ مــن فــوق حمرا ً معناه=ترعى الزهر لين اشمخن الاباهير
ملفاك أخـــو شـرعا زبون المخلاه=سلم عليه وفــسّــر العلم تـفـــسير
مـــوجــات أخـذناها ومبلش ذبحناه=والملعبي ســتــر البني الــغــنادير
ودلاك قـــفّــا وأشــقــر الــدم يبراه=أقــفــا ودم الــجـوف غادٍ شخاتير
قــامت تقمزّ بـــــه جـــــواداً سبلتاه=مــقوي فرايدها حليب المصاغير
ذبّـــاح أخـــو شــرعا لك الله وليناه=خلّي عــــشــــا لمعــكفات الدناقير
الـــيــوم يـــــا عينا عشيرك خذيناه=هوكيف حالك عقب ريـف الخطاطير
فردت عليه عينا زوجة مبلش بن جبرين وقالت :
شـــوفي بعــيني يـــوم سيفه بيمناه=يــــحـــدكم حـــد الـجـــمل للمعاشير
خـــمسة عشر رجال تشبعهم الشاه=وأنــتــم زمــيـتوا كبر أبانات والنيرفرس ابن حميد وتني وابن هادي
الهدباء وهي فرس الشيخ سلطان بن بجاد بن هندي بن حميد ، وهي فرس أصيل ونادرة ومشهورة كسبوها الخنافر من قحطان والذي كسبها هو / ابن كميهان .. من آل سبعان من الخنافر من قحطان .ولما لهذه الفرس من مكانة عند الحمدة طلبوا من مجدل بن فتنان من آل روق من قحطان أنه سعى في ردها من الخنافر مع العلم أن بن فتنان ليس له مثار (أي مطالبة) في فرس الحمدة لأنه ليس جار للحمدة عندما أخذت الفرس . حاول مجدل لكنه عجز وبعد فترة مرض ومات وحكمو العوارف أنه ما يحق للمقطة المطالبة بالفرس وصلت الامور بين عتيبه وقحطان إلى طريق مسدود راح تني أبوعبيه إلى أحد الرعيان وعطاه ريال فرنسي وقال تقول هالقصيدة لا اجتمعوا آل روق وقال تني :
يــــاراكـــــب حــمـراً من الدارباتي=مــــامـــونةٍ مــن نابيات الحصيره
تلفي مـــحــمـد حـــامي الــجـاذياتي=ريــفٍ لــربعــه في الليال العسيره
يـــامــا ذبـــح مــن فاطرٍ غير شاتي=لا ركـّـبـت غـــبر الليال الضريره
رمـــــايــهم لا قـــل هـوش الرماتي=خــيـــال لا جـــا بـــالدبايل سعيره
يــــا ســـابقي باللون صفراً صهاتي=هـــديــبــهــا يـسـبـق سناة المغيره
الـــســابق اللي مثل وصف المهاتي=ومــن الــفــهـد فــيها حلايا وسيره
الـــذيـــل مـــركــوز بوسط القطاتي=والــســاق نــاعور على جال بيره
قـــصـيرةٍ لآلاد روق الـــعــــصاتي=قـــصـيـــرةٍ يـــا ويـها من قصيره
ثــــورت فــيـهــا مـــجدلٍ لين ماتي=وصارت لكـــم يا باقي الحي عيره
خـــشــيــرته في الزاد والحي فاتي=وأمـــه عـــدايلها عــــدايل مــنيره
مــــادام صــبـحا من قبال الحصاتي=الــهــا عليكم شـــامــةٍ مــسـتـديره
قــــل الـفــــرس بسلومكم كيف تاتي=والــخــنــفـري فيها هروجه كثيره
وصلت قحطان القصيدة وكادت تسبب قتال بين آل روق والخنافر حتى أن أحد
آل روق رمى عمامته في النار وقال أما شيلوا صبحا عن وجه الحصاة ولا ردوا فرس العتيبي . ولكن الشيخ محمد بن هادي تدخل وأخذ الفرس بعنانها وعوض الخنفري عنها بنياق وردها ورد ابن هادي على قصيدة تني أبوعبيه وقال :
يــاراكــبٍ مـن فوق عشر نضواتي=سـبق القطى اللي نابغٍ من مطيره
مـــربـــاعــها يــــم الحوم وسفواتي=في مــاقــع ٍ مــاهوب يقزي بعيره
ملفاك تـــني ٍ حــــامي الــجــاذيـاتي=قل الفرس فـــيــهــا دعاويٍ كـثيره
أديـــتــها بـــحـــبــالي الـــوارداتـي=يـوم ارتخت عنها الحبال القصيره
البيضان من حرب وأخذت إبل ابن هندي
أخذت بعض ابل الشيخ محمد ابن هندي ابن حميد وهي الجنبه حيل الابل وأخذها الشيخ ناهس الذويبي وكان محمد ابن هندي ومن معه من المقطه وعتيبه عندالشريف حسين في الحجاز ولم يحضروا حين ما اخذت الابل وكان من الصدف ان رجل من البيضان اسمه محسن قد حلب له الراعي قبل ان تؤخذ الابل وكانت العرب تسمي مثل هذا الملحه تقول ملحة الابل في بطنه وعند مارجع الشيخ محمد ابن هندي والمقطة اخبرهم الراعي انه حلب لاحد البيضان قبل ياخذونها فقال تني ابوعبيه بهذه القصيده اللي أثارت البيضان وخلوا الذويبي يردها :
يـا فاطري حبل الرجا ما قطعناه=مـا دام محسن قايمن في وجبها
الاد الابـيـض يالفهـود الغـذاه=قبيلة ٍ مـاقـط يوخـذ حسبهـا
لـيت الذويبي يوم جاها حضرناه=حتى تـشوف العين فيهم عجبها
والله لـيعـود كاثرات ً رزايـاه=وانه لـيعود مفلسـن ما كسبهـا كون غال
كون حصل بين عتيبه وقبايل عبيدة وذبحوا العتبان تسعين قحطاني من عبيدة وقال تني هالقصيدة يوصف ماحصل :
يـوم ٍ جرى في غال مثـل الوقيده في سوق يرخص بين بايـع وسـوام
كل ٍظـهـر جمعه يناطح ضديـده=ومن لا يوالي من هـل الخيل ينلام
بـأمرٍ مـن المولى عليهـم مريـده=وهمه منول في سعـادات واسـلام
لا عاد ذوقـوا حربنـا يا عبيـده=تسعين لحيه في نحى الجمـع ماقـام
يا ذيب عرجا ناد ذيـب الفريـده=دوك الـعشا من جمع سلطان وحزام
رحتوا نحايا مـا سويتـوا جديـده=ولا راح زيـدٍ بالسعه مثله العـام
يـا راكب اللي ما رعت بالحصيده=ترعى الحيا ما بين حسله والاكوام
لا صفرت تطرق حنكها مسيـده=من كل ما يلدي بها حث الاقـدام
تلف الامـام اللـي علومه وكيده=عبـدالله اللـي للمعاديـن لطـام
قله ترانا مـا نسينـا الوعـيـده=ولو كان حنا من ورى نقرة الشـامورد عليه ابن جليغم القحطاني قصيدة وقال :
يالله ياللـي حكمة الناس بـايـده=ياللي يعاون راعي الحـق لا قـام
اطـرح تني مـن عقب سبه عبيده=مــا خاف من ربه بكثر التوهام
يقول ما تــسوون صرف الجديده=وحنا هل الطالات من قبل الإسلام
وا ونتي كـنـه مـعـيده رديـده=عقب الطوى جاها سواميح وهيام
من عقب ما قـفـت ضعاين عبيده=قـفـوا وخلوها مـناعيرنا شام
وحنا لهم درع ٍ رصـيفٍ حـديده=يضفي على حد المناكب والأكوام
تـر عـيد والهمـرق عليكم فقيده=مـعه النواخس عندنا قبل ذا العام
شجاعة تني في عفريه وأخذة إبل العجمان
غزا ابن منيخر العجمي على المقطة فقاله الشيخ راكان بن حثلين لا تغزيهم والله ما خبرت اللي غزاهم ورجع سالم لكن ابن منيخر ماطاعه وصبحهم على غرة ودارت المعركة حول البيوت واستماتوا المقطة على راسهم الحمدة وافتكوا الابل وكسروا العجمان ورجع ابن منيخر مصوب شايلينه ربعه وذكره ابن حثلين بكلامه وكان تني أبوعبيه حاضر وثنا هاك اليوم وجاله فعل .
كذلك غزوا المقطة بقيادة الشيخ فيحان بن علوش بن حميد على العجمان وراح تني أبوعبيه وشداد الكريدا المقاطي سبر ولقوا الابل
معها ثلاثة فرسان فرجع شداد يعلم ربعه وبقا تني لحاله ثم هجم على الفرسان وذبحهم وعارض ربعه بالابل فعزله الشيخ فيحان منها 25 ناقةوفاته وأبناءهأرسل الشيخ محمد بن هندي ضيف الله العفار وتني أبوعبيه وصلال بن عقاب بن حميد وفد إلى ابن رشيد فوضعهم ابن رشيد في غرفة المجدر فأصابهم الجدري فأما ضيف الله وصلال ماتوا في الطريق وتني مات عند عياله في العبلة وذلك عام1307 تقريبا وعمره 62-67 تقريباً ًوله من الابناء :
1-هذال : من كبار الأخوان وما زال أحد أبناءه على قيد الحياة وله أحفاد
وكان هذال شاعر ومن قصائده قصيدة قالها في الشيخ سلطان بن بجاد بن حميد عندما سجنه الملك عبدالعزيز بعد السبلة :
يـا ونـةٍ ونـيتـها يـا بـنيان=مـاونها مثلي كسـير الجباره
على أمـيرٍ حامي الحـرد سلطان=حطوه في قصر ٍ طويل ٍ جداره
لـو المـدى فريق حرب ٍ ومطران=ليجي نهــارٍ مـا يبطّل غباره2- نايف : اشتهر بالشجاعة والكرم وله أحفاد
3-زيد : وقد توفي شابا انذبح وهو ابن عمه حنيف ذبحوهم الحنشل عقب ما كذبت بندقهم
4- شالح : توفي شابا 5- مناحي :توفي شابا
6 – قاعد : من كبار الأخوان واشتهر بالكرم وله مناخ مشهور في عروى تنوخ فيه مطاياي الضيوف ...
هو تني بن هضّال أبوعبيه المقاطي العتيبي
والعبيات فخذ من اللهازمة من روسان المقطة واشتهروا بالشجاعة وبالكرم وممن اشتهر منهم شاعرنا تني أبوعبيه وحنيف أبوعبيه وجلال بن غالي أبوعبيه
(وعزوته معشي سحم الظهور أخو جلا ) وزايد أبوعبيه ( اللي ذبح باحص السبيعي من شيوخ السوده من سبيع عندما غاروا عليه بيأخذون إبله وقال باحص احفظ يا بواردي فقال زايد كلمته المشهورة علي حفظانها والتكلان على الله وذبحه وفيه هضبة في عبلة المقطة الآن تسمى سمرا باحص ) وغيرهم .مولده1240-1245 تقريبا ً
كرمه
اشتهر تني أبوعبيه بشدة الكرم رغم القل وله في ذلك سوالف كثيره منها أنه جا ضيوف وسألوا عن بيته فقالهم اللي سألوه وش تبون به دوروا معزب غيره تراه ماياجد شي قالوا نبيه يطلع الجوع من كبودنا ولا لنا عنه مجناب فدلهم علي بيتهم وكان وده ما يجون تني ماويه له ووصلوا تني ورحب بهم وقلطهم وهو كل مايملكه ناقتين مضيرهن على حاشي واحد. وكانت أمه عندها فرق من الغنم فعرض عليها تني أنه يذبح منها ويعوضها من الكسب لاغزوا لكنها رفضت .فاستاذن تني من ضيوفه وقام وحلب الناقتين وقدم الحليب للضيوف ورجع وفي هالوقت ايقنت أمه أنه نوى يذبح الحاشي (ويسمى الحاشي في هالحاله ولد ضير ويكون سمين لانه يرضع ناقتين ) فحاولت أمه ترده لكنه كان مصمل على رايه ونحر الحاشي وعقب ما نحره فقدن النياق الحاشي وجفلن وهجن وقامن يدرهمن حول البيوت وايقنوا ربعه انه ذبح الحاشي وفعلا جاهم مرسوله يبلغهم بالعزيمه فحضروا ربعه واكرم تني ضيوفه وبعد ما راحوا الضيوف لامته والدته على سواته وقامت تشتمت عندها تمثل تني أبوعبيه رحمه الله بهالابيات اللي اشتهرت وصارت لسان حال الكرماء
يــا يــم خلي عــنــك كــثـر الشماتي= هـذي سوات من ارتكى للمواجيب
مـــا دام بــيــتي مــدهـل ٍ للـبـــداتي=بـحطها تخطي المواجيب وتصيب
افـــرح لــيــا جـوني هل الموجفاتي=وخــصّوا علي ونوخوا بالاطانيب
وبــفـــعل الــكــرمـات طـيلة حـياتي=مـــع ذبحنا للضان ما نذخر النيب
وتـــرا الــكـرم من طيبات الصفاتي=والبخل شوم ولوم وخصلة عذاريب
وكـــم واحـــد ٍ مــثلي وسوا سواتي=مـا مات من فقر ٍ ولا حل به عيب
مواقفه
كان تني حاضر مع ربعه في مواقفهم بحاله وشعره وقد فـُقد من شعره الكثير ونذكر من مواقفه :الثار للشيخ تركي بن حميدعندما قـُتل الشيخ تركي بن حميد غزا تني أبوعبيه مع المثارين على مطير تحت قيادة الشيخ عقاب بن شبنان وذبحوا هاك اليوم الشيخ مبلش بن جبرين شيخ العبادل من مطير ذبحه منير بن ثويمر المقاطي وأخذوا إبله وتسمى موجات وذبحوا الشاعر الملعبي وصوبوا فارس يقال له دلاك وقال تني هالأبيات :
يــا راكــبٍ مــن فــوق حمرا ً معناه=ترعى الزهر لين اشمخن الاباهير
ملفاك أخـــو شـرعا زبون المخلاه=سلم عليه وفــسّــر العلم تـفـــسير
مـــوجــات أخـذناها ومبلش ذبحناه=والملعبي ســتــر البني الــغــنادير
ودلاك قـــفّــا وأشــقــر الــدم يبراه=أقــفــا ودم الــجـوف غادٍ شخاتير
قــامت تقمزّ بـــــه جـــــواداً سبلتاه=مــقوي فرايدها حليب المصاغير
ذبّـــاح أخـــو شــرعا لك الله وليناه=خلّي عــــشــــا لمعــكفات الدناقير
الـــيــوم يـــــا عينا عشيرك خذيناه=هوكيف حالك عقب ريـف الخطاطير
فردت عليه عينا زوجة مبلش بن جبرين وقالت :
شـــوفي بعــيني يـــوم سيفه بيمناه=يــــحـــدكم حـــد الـجـــمل للمعاشير
خـــمسة عشر رجال تشبعهم الشاه=وأنــتــم زمــيـتوا كبر أبانات والنيرفرس ابن حميد وتني وابن هادي
الهدباء وهي فرس الشيخ سلطان بن بجاد بن هندي بن حميد ، وهي فرس أصيل ونادرة ومشهورة كسبوها الخنافر من قحطان والذي كسبها هو / ابن كميهان .. من آل سبعان من الخنافر من قحطان .ولما لهذه الفرس من مكانة عند الحمدة طلبوا من مجدل بن فتنان من آل روق من قحطان أنه سعى في ردها من الخنافر مع العلم أن بن فتنان ليس له مثار (أي مطالبة) في فرس الحمدة لأنه ليس جار للحمدة عندما أخذت الفرس . حاول مجدل لكنه عجز وبعد فترة مرض ومات وحكمو العوارف أنه ما يحق للمقطة المطالبة بالفرس وصلت الامور بين عتيبه وقحطان إلى طريق مسدود راح تني أبوعبيه إلى أحد الرعيان وعطاه ريال فرنسي وقال تقول هالقصيدة لا اجتمعوا آل روق وقال تني :
يــــاراكـــــب حــمـراً من الدارباتي=مــــامـــونةٍ مــن نابيات الحصيره
تلفي مـــحــمـد حـــامي الــجـاذياتي=ريــفٍ لــربعــه في الليال العسيره
يـــامــا ذبـــح مــن فاطرٍ غير شاتي=لا ركـّـبـت غـــبر الليال الضريره
رمـــــايــهم لا قـــل هـوش الرماتي=خــيـــال لا جـــا بـــالدبايل سعيره
يــــا ســـابقي باللون صفراً صهاتي=هـــديــبــهــا يـسـبـق سناة المغيره
الـــســابق اللي مثل وصف المهاتي=ومــن الــفــهـد فــيها حلايا وسيره
الـــذيـــل مـــركــوز بوسط القطاتي=والــســاق نــاعور على جال بيره
قـــصـيرةٍ لآلاد روق الـــعــــصاتي=قـــصـيـــرةٍ يـــا ويـها من قصيره
ثــــورت فــيـهــا مـــجدلٍ لين ماتي=وصارت لكـــم يا باقي الحي عيره
خـــشــيــرته في الزاد والحي فاتي=وأمـــه عـــدايلها عــــدايل مــنيره
مــــادام صــبـحا من قبال الحصاتي=الــهــا عليكم شـــامــةٍ مــسـتـديره
قــــل الـفــــرس بسلومكم كيف تاتي=والــخــنــفـري فيها هروجه كثيره
وصلت قحطان القصيدة وكادت تسبب قتال بين آل روق والخنافر حتى أن أحد
آل روق رمى عمامته في النار وقال أما شيلوا صبحا عن وجه الحصاة ولا ردوا فرس العتيبي . ولكن الشيخ محمد بن هادي تدخل وأخذ الفرس بعنانها وعوض الخنفري عنها بنياق وردها ورد ابن هادي على قصيدة تني أبوعبيه وقال :
يــاراكــبٍ مـن فوق عشر نضواتي=سـبق القطى اللي نابغٍ من مطيره
مـــربـــاعــها يــــم الحوم وسفواتي=في مــاقــع ٍ مــاهوب يقزي بعيره
ملفاك تـــني ٍ حــــامي الــجــاذيـاتي=قل الفرس فـــيــهــا دعاويٍ كـثيره
أديـــتــها بـــحـــبــالي الـــوارداتـي=يـوم ارتخت عنها الحبال القصيره
البيضان من حرب وأخذت إبل ابن هندي
أخذت بعض ابل الشيخ محمد ابن هندي ابن حميد وهي الجنبه حيل الابل وأخذها الشيخ ناهس الذويبي وكان محمد ابن هندي ومن معه من المقطه وعتيبه عندالشريف حسين في الحجاز ولم يحضروا حين ما اخذت الابل وكان من الصدف ان رجل من البيضان اسمه محسن قد حلب له الراعي قبل ان تؤخذ الابل وكانت العرب تسمي مثل هذا الملحه تقول ملحة الابل في بطنه وعند مارجع الشيخ محمد ابن هندي والمقطة اخبرهم الراعي انه حلب لاحد البيضان قبل ياخذونها فقال تني ابوعبيه بهذه القصيده اللي أثارت البيضان وخلوا الذويبي يردها :
يـا فاطري حبل الرجا ما قطعناه=مـا دام محسن قايمن في وجبها
الاد الابـيـض يالفهـود الغـذاه=قبيلة ٍ مـاقـط يوخـذ حسبهـا
لـيت الذويبي يوم جاها حضرناه=حتى تـشوف العين فيهم عجبها
والله لـيعـود كاثرات ً رزايـاه=وانه لـيعود مفلسـن ما كسبهـا كون غال
كون حصل بين عتيبه وقبايل عبيدة وذبحوا العتبان تسعين قحطاني من عبيدة وقال تني هالقصيدة يوصف ماحصل :
يـوم ٍ جرى في غال مثـل الوقيده في سوق يرخص بين بايـع وسـوام
كل ٍظـهـر جمعه يناطح ضديـده=ومن لا يوالي من هـل الخيل ينلام
بـأمرٍ مـن المولى عليهـم مريـده=وهمه منول في سعـادات واسـلام
لا عاد ذوقـوا حربنـا يا عبيـده=تسعين لحيه في نحى الجمـع ماقـام
يا ذيب عرجا ناد ذيـب الفريـده=دوك الـعشا من جمع سلطان وحزام
رحتوا نحايا مـا سويتـوا جديـده=ولا راح زيـدٍ بالسعه مثله العـام
يـا راكب اللي ما رعت بالحصيده=ترعى الحيا ما بين حسله والاكوام
لا صفرت تطرق حنكها مسيـده=من كل ما يلدي بها حث الاقـدام
تلف الامـام اللـي علومه وكيده=عبـدالله اللـي للمعاديـن لطـام
قله ترانا مـا نسينـا الوعـيـده=ولو كان حنا من ورى نقرة الشـامورد عليه ابن جليغم القحطاني قصيدة وقال :
يالله ياللـي حكمة الناس بـايـده=ياللي يعاون راعي الحـق لا قـام
اطـرح تني مـن عقب سبه عبيده=مــا خاف من ربه بكثر التوهام
يقول ما تــسوون صرف الجديده=وحنا هل الطالات من قبل الإسلام
وا ونتي كـنـه مـعـيده رديـده=عقب الطوى جاها سواميح وهيام
من عقب ما قـفـت ضعاين عبيده=قـفـوا وخلوها مـناعيرنا شام
وحنا لهم درع ٍ رصـيفٍ حـديده=يضفي على حد المناكب والأكوام
تـر عـيد والهمـرق عليكم فقيده=مـعه النواخس عندنا قبل ذا العام
شجاعة تني في عفريه وأخذة إبل العجمان
غزا ابن منيخر العجمي على المقطة فقاله الشيخ راكان بن حثلين لا تغزيهم والله ما خبرت اللي غزاهم ورجع سالم لكن ابن منيخر ماطاعه وصبحهم على غرة ودارت المعركة حول البيوت واستماتوا المقطة على راسهم الحمدة وافتكوا الابل وكسروا العجمان ورجع ابن منيخر مصوب شايلينه ربعه وذكره ابن حثلين بكلامه وكان تني أبوعبيه حاضر وثنا هاك اليوم وجاله فعل .
كذلك غزوا المقطة بقيادة الشيخ فيحان بن علوش بن حميد على العجمان وراح تني أبوعبيه وشداد الكريدا المقاطي سبر ولقوا الابل
معها ثلاثة فرسان فرجع شداد يعلم ربعه وبقا تني لحاله ثم هجم على الفرسان وذبحهم وعارض ربعه بالابل فعزله الشيخ فيحان منها 25 ناقةوفاته وأبناءهأرسل الشيخ محمد بن هندي ضيف الله العفار وتني أبوعبيه وصلال بن عقاب بن حميد وفد إلى ابن رشيد فوضعهم ابن رشيد في غرفة المجدر فأصابهم الجدري فأما ضيف الله وصلال ماتوا في الطريق وتني مات عند عياله في العبلة وذلك عام1307 تقريبا وعمره 62-67 تقريباً ًوله من الابناء :
1-هذال : من كبار الأخوان وما زال أحد أبناءه على قيد الحياة وله أحفاد
وكان هذال شاعر ومن قصائده قصيدة قالها في الشيخ سلطان بن بجاد بن حميد عندما سجنه الملك عبدالعزيز بعد السبلة :
يـا ونـةٍ ونـيتـها يـا بـنيان=مـاونها مثلي كسـير الجباره
على أمـيرٍ حامي الحـرد سلطان=حطوه في قصر ٍ طويل ٍ جداره
لـو المـدى فريق حرب ٍ ومطران=ليجي نهــارٍ مـا يبطّل غباره2- نايف : اشتهر بالشجاعة والكرم وله أحفاد
3-زيد : وقد توفي شابا انذبح وهو ابن عمه حنيف ذبحوهم الحنشل عقب ما كذبت بندقهم
4- شالح : توفي شابا 5- مناحي :توفي شابا
6 – قاعد : من كبار الأخوان واشتهر بالكرم وله مناخ مشهور في عروى تنوخ فيه مطاياي الضيوف ...