مرحبابك يابن ثعلي طويل الذراع

[ذعير العالي]

مرحبابك يابن ثعلي طويل الذراع............وانت من عزوتن ماينجحد صيتها

المعاني كثيره وانت رجلـن شجاع............لاتفــوتك يــابن ثعلــي لاغنيتها

[عبدالمجيد الثعلي]

البقى بــربعنا اللــي يشبعون السبــاع=يوم الأرّض غبرتها من عفاريتها
المعانـي تعكّس الطبـع و الإنطبـاع=كان دلوّك لجم البيـر دليتهـا

[ذعير العالي]

أعرف ان الوسيله للهجوم الدفاع............دامها جات من يمك وسويتها

لـــد عينك و فــرق فالثني والربــاع...........والحقيقه نباها منك لاابديتـها

[عبدالمجيد الثعلي]

هرجكم يرفع الضغط ويجيب الصـداع=بعدما أوحيتها ياليت ما أوحيتهـا
العرب وش بلاها مؤتمر وإجتمــاع=جيتها عندها رجه ورجيتهـا

[ماجد السميري]

ياسلام ياسلام


فتل ونقض ولا اروع


ذعير وعبدالمجيد


صحت السنكم ولاهنتم

[عبدالمجيد الثعلي]

ياسلام ياسلام


فتل ونقض ولا اروع


ذعير وعبدالمجيد


صحت السنكم ولاهنتم



ياهلا ويامرحبا ياماجـد

صح بدنك

والأروع من ذلك مرورك وتعليقك

[ذعير العالي]

يارفيع المقام ومنزلك فالرفـاع..............مــالي ايات مقصد وانته أعميتها

ودها ودها بالخير وهيه جياع.............لاولي صلطتن فالقسم سريتها

[ذعير العالي]

ماجد السميري صح بدنك
وبيض الله وجهك علي المرور الرئع

[عبدالمجيد الثعلي]

الإخو كان ماهو توم إخو فالرضـاع=كبرتّ بكبرها وأنت ما سميتـّـهـا
اللبن فالصميل إنخضّ زبده ومـاع=وبركة شجرة الزيتون في زيتهـا

[ذعير العالي]

كان ماطعت وقتك حكم ربك مطاع............والجزيله جزيله جات من بيتها

لونكلفك يـــارجــــال ريس قطــاع............جبتلك مشكله بكره ماحليتها

[عبدالمجيد الثعلي]

لله الحكم وحدّه من ثقه وإقتنــاع=لو تبا تشب من علبـّـه بكبريتهــا
راعي السينماء في سينماه الخــداع=حدها شاشة التلفــاز وأطفيتهــا

[ذعير العالي]

وين راحـو عيال العود قوم البتاع..........أنتبه يدك لاتقطع لامديتـها

لويطول المناقش لويطول النزاع..........جاك ليله كبيره ماتمنيتها

[عبدالمجيد الثعلي]

من ورى الحقّ كان إنّك مطالب ماضاع=القبيله لها قاضـي .. ماقاضيتها
فوق سطح البحر بابور فوقه شــراع=وإحذر تعاف عافية ٍ تعافيتهــا

[ذعير العالي]

من شراء فالغلاء فالرخص عود وباع.........وانته المشكله يومنت زكيتها

ماتضيع الــوداعه من يدين الــوداع.........والمهمه تباء تصغـــر ليا جيتها

[ذعير العالي]

تصبحو علي خير جميعن

[عبدالمجيد الثعلي]

هاتها وإخذها أردلك المد صاع=عين كحلتها أما عين ٍ أعميتهـا
إترك العلم لي وأترك لك الإستمـاع=وإصبر لساعة بعدين توقيتها

[عبدالمجيد الثعلي]

صح لسانك وبيّض الله وجهك ياذعير ماقصرت

[معجب العتيبي]

عبدالمجيد وذعير


صحة الالسن


شعراء مبدعين

[ذعير العالي]

معجب العتيبي
صح بدنك وبيض الله وجهك
والابداع مرورك العطر ...وشكراً

[محمد الذيابـــي]

صحة الالسن جميعاً,,,

[ذعير العالي]

صح بدنك يامحمد
والله لايهينك