قصيدة الشاعر /وصل العطياني في الشاعر /محمد ابن الذيب

[ابن مغير]

الدوادمي الشعبية : خاص


تفاعل الشاعر وصل العطياني مع قضية سجن الشاعر محمد بن الذيب حيث خص صحيفة الدوادمي الشعبية بهذه الابيات :

ياللي لزمت الذيب لا تسجن الذيب

الذيب من يرضى عليه المهونه

سمو عليه مفتلين الاشانيب

ويقدرون الاسم ويحشمونه

يبقى مكانه في طوال المراقيب

ذيباً على اسمه ذيب مايسجنونه

اقولها مالي وراها مطاليب

لكن قول الحق ماعاد دونه

[محمد الذيابـــي]

,,,

عساه مايظهر,,,,,

[مراسل الجعده]

الله لا يبتلينا ..

[خـال ـد]

اي والله عساه مايطلع

ولاهو كفو من يتعاطف معه

[صنيتان قرداحي]

وش مسوي ذيب دبي ؟

[ثابت الادله]

صح السان الشاعر وصل العطياني على الابيات المتميزه وتشكر يابن مغير على اتحافنا بها

يالربع اطلبوا الله فالعافيه ولايجب عليكم هالكلام

[الحااافي]

ليته ماتفاعل

بصراحه تحسب على وصل العطياني


ماله ومال ابن الذيب

[عزارم]

يقولون الذيب اللي هو الذيب سمع مايردد من بين الملا وهاضة قريحته وقال هذه الأبيات متبرياً من ابن خر الذيب

سموه خر الذيب ماقالوا الذيب =واللي يقول الذيب هو وين غادي
علم صحيح ولا يجي فيه تكذيب=قدمه أبيه ولقبوه الوكادي
ياذيب ياقانب بروس المراقيب=وش لون خرك ساجنينه و عادي
يقول خري ياملا عاقه العيب=يطلق أمور سامجه بالروادي
أنا بريٍّ من كثير التراديد=لا تحسبون الذيب خره ينادي

[صنيتان قرداحي]

والله مع احترامي للشاعر القدير وصل العطياني كذلك احترامي لبعض الاخوة اللي ردودهم فيها شي من التشفي لما حصل لابن الذيب

اقول فخار يكسر بعضه على قولة المصريين ابن الذيب لحاس كفوف ومنشفة بين ابن مكتوم وابن ثاني وش علينا منه والا منهم

[ابو ضيف الله]

الله يهديك يا وصل ليتك ما تفاعلت

[وافي ضاوي]

اضن ان وصل العطياني مايقول هذه الابيات

يمكن انها منسوبه الية ولا اكذب صاحب الموضوع

[مرزوق الجعيد]

الابيات ما تدل على تضامن مع ابن الذيب

تدل على التعاطف مع الذيب (الحيوان)نفسه واعتقد ان مالها علاقه ببن الذيب


وجهة نظر

[العمري اول]

ماهو الحيوان الاليف الذي يتسلق الجدران
ويقول مووووو (الذيب) صح

[ابن مغير]

لاهنتوا على المرو ر

[ابن مصلح]

,,

ليتك سلمت تفاعلك يالعطياني