تسجيل الدخول

مشاهدة النسخة كاملة : الربيع العربي


سـعـد العصيمي
27-Nov-2011, 09:56 AM
السلام عليكم

اسعد الله جميع اوقاتكم

















عبر الاثير وعبر كل العناوين =وعبر القناة ومايبثه فضاها
ثورت شعوب اخفت جميع القوانين=ومعادلاتٍ هابطنٍ مستواها
تونس ومصر وليبيا بين قوسين=وحتى اليمن ثارت ونسمع نداها
الناس قامت تصتلي والله يعين=تهتف حناجرها وطول شقاها
مره مصلينٍ ومره منادين =وجروحهم معاد يوجد دواها
هذي هي الدنيا على العسر والين= معاد يعرف وجهها من قفاها
قالو ربيع وقلت وين الحيا وين=من سبب الفته ومنهو وراها
الظلم والطغيان شفناه بالعين= كل الطغاه الله حسيبي علاها
المشكله ماهيب بكره وبعدين=المشكله هالحين دارت رحاها
من ياقف بصف الغلابا المساكين =اللي سحاب الحزن يملا سماها
الذبح والتنكيل وسط الميادين=والناس عند الله تحصل جزاها
الطفل يقتل والشيوخ المسنين=كل ام ناحت يحسن الله عزاها
صالو وجالووالضحايا كثيرين =حتى بيوت الله عثوا في حماها
شبيحة النعجه وجيه الشياطين=للمجرم اعطت جهدها مع ولاها
مافيه لارحمه ولامذهبٍ زين=تبت يديه وزمرته وحلافاها
لابد من يومٍ يذوق الامرين =ويحس بالجمره ليامن وطاها
نهايته حانت بقي حول شهرين=يمكن معمر سيرته مانساها
اشعوب تنعم بالامن مستقرين =واشعوب ماتت ماتحقق مناها
لله يحفض بلادنا قولوا آمين=في ضل حكامٍ يذري ذراها
آل السعود الطيبين الحكيمين =هم قادة الامه وهم ملتجاها



وسلامة الجميع

فهد علي العازمي
27-Nov-2011, 04:10 PM
حتى لو ما أحد رد عليك ياسعد !! :)

شااااااااعــــر جزل

وصح لسااااااااااانك ملاااااااااين

وسجــــل إعجاااااابي يا بطـــل

محمد الذيابـــي
27-Nov-2011, 04:28 PM
,,

صح لسانكــ مليون

بالفعل شاعر جزل ياسعد

دمت ودام طاريك,,,

,,,

عناد الشيباني
27-Nov-2011, 05:02 PM
وعليكم السلام


وصح الساااااانك


يابن عاصمم


مبدع
.

سـعـد العصيمي
27-Nov-2011, 10:36 PM
حتى لو ما أحد رد عليك ياسعد !! :)

شااااااااعــــر جزل

وصح لسااااااااااانك ملاااااااااين

وسجــــل إعجاااااابي يا بطـــل


شر هتك على اللي جاب خبرهم طال عمرك:)

صح بدنك ولا هنت يالغالي

تقبل تقديري

أبن حشيان
27-Nov-2011, 11:01 PM
سعد العصيمي


صح لسانك الله الله ابداع وكلامات على اعلى المستويات


الله لايهينك سجل عندك اعجابي

وتقبل مروري

فيصل مطر
28-Nov-2011, 02:14 AM
صح لسانك يا مبدع

سـعـد العصيمي
11-Dec-2011, 10:33 AM
,,

صح لسانكــ مليون

بالفعل شاعر جزل ياسعد

دمت ودام طاريك,,,

,,,



صح بدنك يامحمد ولاهنت

تقديري

عايض جزاء العصيمي
13-Dec-2011, 01:10 AM
صح لسانك ياسعد
رائعه
تحياتي لك

سعد بن مطلق المقاطي
14-Dec-2011, 12:51 PM
صح لساااااااااااااااانك ياسمي