سلام ياراع الشداد اللي على ظهر الذلول

[سعود العصيمي]

ابو عواض

مسيك بالخير واستلم


سلام ياراع الشداد اللي على ظهر الذلول = رديةٍ نبدابها الطاروق واسمع مايلي:
وراك ماتقفل على ام اجنيب بيبان الدخول = قدام لا تأكلك والاّ لاتلقيك الخلي.

[جزاع العتيبي]

يا سلام يالعصيمي


صح لسانك وفي انتظار ابو عواض

[سعود العصيمي]

مرحبا ومسهلا

ياجزااع

صح بدنك

[فهد الشهيب الثبيتي]

مساك الله بالرضا يابو طايل


يامرحبا ترحيبة ٍ تمشي على حسب الاصول=الله يحييكم ولا غير الله الوالي ولي
وراك مستعجل ترانا ندرس اوضاع الحلول=وان كان مافادت نجرد سيف ابو طالب علي

[علي الثبيتي]

الله الله

صح لساااااااااااااااااااانك يابوطايل وصح لساااااااااااااااان ابو عواض

[فهد الشهيب الثبيتي]

ارحب ارحب يابو فهد

يالله حيه

صح بدنك وشرفتنا بحضورك ومتابعتك ياطويل العمر

[جزاع العتيبي]

الله الله يالشهيب



اخر الطب الكي



صح لسانك

[فهد الشهيب الثبيتي]

يامرحبا ياجزاع

حياك الله

صح بدنك وشرفتنا بمتابعتك وحضورك الكريم

[سعود العصيمي]

هههههه

طيب طيب



مال الوعول الاّ العصا اللي تكسر قرون الوعول =هذه وعول ٍ مالها قدر ٍ رفيع ومنزلي!!

انته على جنبك جمال ٍٍ ماتطيح ابها الحمول = لاتهمل الموضوع حله قبل ناره تصطلي.

[سعود العصيمي]

اررحب اررحب

يابو فهد

صح بدنك

[فهد الشهيب الثبيتي]

الله الله

ترا الربيع الله يبارك فيك غير عن الفصول=وصدور خلق الله من الضيقه تفيض وتمتلي
بعض الجمال ان جا نهار ٍ فيه دقات الطبول=دليلها فالماقف الغصاب يشبه للطلي

[جزاع العتيبي]

والله الطلي احسن يستفاد منه :)



مازلنا متابعين الليل يالعصيمي

[سعود العصيمي]

العام نسمع ماتقول اليوم مدري وش تقول = بالله قلي يافهد وش قلت لك وش قلتلي.
يالتابعي منهجك منهاج الصحابه والرسول = واللي ماينهج نهجهم ماهوب واحد من هلي!!

[فهد الشهيب الثبيتي]

طيب طيب طيب


ترا كلام الصدق بعض احيان مايلقا قبول=واكبر دليل ان اتهاماتك تحولها علـيّ
دام المساجد واسم ربي ماتحول ولاتزول=الشافعي عندي تراه اليوم مثل الحنبلي

[جزاع العتيبي]

سعود
العام نسمع ماتقول اليوم مدري وش تقول = بالله قلي يافهد وش قلت لك وش قلتلي.



فهد
ترا كلام الصدق بعض احيان مايلقا قبول=واكبر دليل ان اتهاماتك تحولها علـيّ



صح لسانكم مازلنا متابعين

[فهد الشهيب الثبيتي]

يامرحبا ملايين ياجزاع

صح بدنك وشرفتنا مره ثانيه

[سعود العصيمي]

ياكثر حكيك مار مابرهنت حكيك بالفعول = راسك مغطيته عباته واللسان يبلبلي!!

الله يديم الآمن ويسلم متعبة الخيول = مار احمد النعمه ولاتنطق بمالا تفعلي.

[سعود العصيمي]

ابوعواض
الختام عندك

صح لسااانك وتصبح على خير
انا فالعمل والنت قفل الان

[فهد الشهيب الثبيتي]

حنا نعرف اهل الحكي واللي يفكون القفول=لي ماقف ٍ كل ِ يعرفه يوم ميحات الدلـي
لولاي جارك روّحو به فالبلد بنـي سلول=مارحت اشاور عاقل المرّه ولا شاعر بلـي
صح بدنك ولسانك يابو طايل وشرفتني بهالمحراف ومشكور على الدعوه وتصبح على خير انت ومن شرفنا بمتابعته

[عبدالله جبارالعتيبي]

صحت الألسن والقلوب

[سنجار المري]

مشكورين على الطاروق

معنى ومغني

[محمد الذيابـــي]

صح لسااااااااااااااااانكــ يابو طايل,

وصح لساااااااااان ابو عواض,,

طاروق رائع ومميز,,,,,,,,