راشد السحيمي-------علي الحصني

[عبدالملك القاضي]

محاوره سمعتها واعجبتني بين السحيمي والحصني
واعتقد ان الحصني تفوق بشكل ملفت بدون قصور بالسحيمي.. واعتقد ان المعنى يدور حول
من هو شاعر حرب الأول.... وربما ابو فايح يقتنص المعنى كعادته..

-علي الحصني
في مقام عيال شاعر حرب كساب الجمايل..................... مرحبا الترحيبه الي تاخذ من الصبح لونه
ماش اخير من الكلام الي تثبته الدلايل........................... والعرب لو يعرفون الحق يمكن ينكرونه
-راشد السحيمي
في محل الي كسب والنعم مع كل القبايل...................... يالعل ابك البقا والراس عزه من متونه
الحقايق ماتغير بين قيل وبين قايل ................................واحدن عنده عيون الي يدلنه عيونه
-علي الحصني
مالك إلا اتقول ماقلته مادام الشك زايل........................ تقتنع لو مايجيك من البعير إلا سنونه
الحقايق ماتغير في ليالينا الأوايل.............................. والسنين التاليه كلن تبي تومي ردونه
-راشد السحيمي
ياعلي تبغى تشب النار في روس الفتايل................ والكلام الي يصير من العرب تستاهلونه
امسك الميزان واصحى تترك الميزان مايل.................مايصير تغني الموال وتغير لحونه
-علي الحصني
كل ماوقفت اشب النار في روس الفتايل................. واتعشى في يميني ماطلبت الناس عونه
شوكة الميزان مالت من مسوين الوسايل.................والمصيبه كل شاعر فزعته من تليفونه
- راشد السحيمي
جر صوتك من حرم مكه ليا بيبان حايل.................... والوفا يلقى زبونه والردى يلقى زبونه
الغريب انتو فصيله وحده صرتو فصايل......................والليالي مقبله والي زرعتو تحصدونه
-علي الحصني
ماعليك وواصلك قسمك مع عيال الحمايل.................. تاكل الي ياكلون وتشرب الي يشربونه
التكاثر عز وانت من التكاثر كيف قايل....................... ليت راشد له قرون ويدحم الضلع بقرونه
-راشد السحيمي
اذكرو شقرا واثر شقرا مع الخيل الاوايل................ والمسار بعيد والحصني يضيع الشوف دونه
اعتبرني فارس يشفيك لجات الحفايل.................... والكبير كبير مايبغى عياله ينصحونه
-علي الحصني
كان راشد همه المشوار يالليل الهوايل................. الوسيدي والعياضي كلبوهم يخدمونه
الكبير الي كبر فعله وحصل له حصايل..................... وانت ياراشد كبرت وعلمنا المقصود دونه
-راشد السحيمي
فيك خصله طيبه والباقيه عندك خصايل ............. اثركم حتى الحديث من الرسول تحرفونه
يكثر التهديد بس يروح لجات الصمايل.............. صاحبي حصني وكل اصحابنا مايامنونه

[ذعير العالي]

ياسلام ياسلام
محاوره من العيار الثقيل وصحت السنتهم. وبيض الله وجهك يالقاضي علي النقل الرائع

[الرشاش]

محاورة جيدة و بصمة راشد واضحة في المحاورة


تركيبة الابيات و جزالتها واضح فرقها لصالح راشد السحيمي

وتقول الحصني متفوق ؟

طيب شوف عندك :


-راشد السحيمي
ياعلي تبغى تشب النار في روس الفتايل................ والكلام الي يصير من العرب تستاهلونه


علي الحصني
كل ماوقفت اشب النار في روس الفتايل................. واتعشى في يميني ماطلبت الناس عونه

هههههه وش يدل عليه انه يرد بنفس الشطر اللي قاله خصمه ؟


كمان يقول راشد :

والمسار بعيد والحصني يضيع الشوف دونه


الحصني يقول :

وانت ياراشد كبرت وعلمنا المقصود دونه


الجمهور واعي ويقدر يفرق بين الزين والشين

عشان كذا ارحمونا من التسويق !

[منصف في زمن الظلم]

محاورة رائعة
ابدع فيها الحصني وتفوق السحيمي
راشد جبل ثابت

[مهجرس]

محاوره سمعتها واعجبتني بين السحيمي والحصني
واعتقد ان الحصني تفوق بشكل ملفت بدون قصور بالسحيمي.. واعتقد ان المعنى يدور حول
من هو شاعر حرب الأول.... وربما ابو فايح يقتنص المعنى كعادته..

-علي الحصني
في مقام عيال شاعر حرب كساب الجمايل..................... مرحبا الترحيبه الي تاخذ من الصبح لونه
ماش اخير من الكلام الي تثبته الدلايل........................... والعرب لو يعرفون الحق يمكن ينكرونه
-راشد السحيمي
في محل الي كسب والنعم مع كل القبايل...................... يالعل ابك البقا والراس عزه من متونه
الحقايق ماتغير بين قيل وبين قايل ................................واحدن عنده عيون الي يدلنه عيونه
-علي الحصني
مالك إلا اتقول ماقلته مادام الشك زايل........................ تقتنع لو مايجيك من البعير إلا سنونه
الحقايق ماتغير في ليالينا الأوايل.............................. والسنين التاليه كلن تبي تومي ردونه
-راشد السحيمي
ياعلي تبغى تشب النار في روس الفتايل................ والكلام الي يصير من العرب تستاهلونه
امسك الميزان واصحى تترك الميزان مايل.................مايصير تغني الموال وتغير لحونه
-علي الحصني
كل ماوقفت اشب النار في روس الفتايل................. واتعشى في يميني ماطلبت الناس عونه
شوكة الميزان مالت من مسوين الوسايل.................والمصيبه كل شاعر فزعته من تليفونه
- راشد السحيمي
جر صوتك من حرم مكه ليا بيبان حايل.................... والوفا يلقى زبونه والردى يلقى زبونه
الغريب انتو فصيله وحده صرتو فصايل......................والليالي مقبله والي زرعتو تحصدونه
-علي الحصني
ماعليك وواصلك قسمك مع عيال الحمايل.................. تاكل الي ياكلون وتشرب الي يشربونه
التكاثر عز وانت من التكاثر كيف قايل....................... ليت راشد له قرون ويدحم الضلع بقرونه
-راشد السحيمي
اذكرو شقرا واثر شقرا مع الخيل الاوايل................ والمسار بعيد والحصني يضيع الشوف دونه
اعتبرني فارس يشفيك لجات الحفايل.................... والكبير كبير مايبغى عياله ينصحونه
-علي الحصني
كان راشد همه المشوار يالليل الهوايل................. الوسيدي والعياضي كلبوهم يخدمونه
الكبير الي كبر فعله وحصل له حصايل..................... وانت ياراشد كبرت وعلمنا المقصود دونه
-راشد السحيمي
فيك خصله طيبه والباقيه عندك خصايل ............. اثركم حتى الحديث من الرسول تحرفونه
يكثر التهديد بس يروح لجات الصمايل.............. صاحبي حصني وكل اصحابنا مايامنونه

مشكور ع نقل المحاورة و صحت السنت الشعراء

و لكن لا أوافقك الرأي في تحليلك للمحاورة

[محمد الذيابـــي]

محاورة رائعه


وابداع من الطرفين


لاهنت,,,,,

[الحافي 1]

احب الضيف شي
التكرير ما هو غيب للشاعر عتد ما تكون الكلمه بموقعها الصحيح
عند ك الشاعر مصلح بن عياد من اكبر شعراء المحاوره
يكرر
ياعلي تبغى تشب النار في روس الفتايل
يهنى راشد يقول


كل ماوقفت اشب النار في روس الفتايل...

يرد عليه الحصني
بعتراف نعم اشب النار وهذ موقع الكلمه الذي يبيح لها التكرار
لو قال لا ما اشب النار كان المحاوره تعكرت
اعتقد با ان النرار يسمح بمثل هذا
لاني اني جبت الكلمه بموقعها الصحيح
والمحاوره كلها قويه وفيها تماس بين الشعراء وهذا المطلوب با المحاوره مع انه قله بمحاورات هذا الزمن

[عبدالملك القاضي]

اشكر الأخوان على مرورهم وعلى وجهات نظرهم التي اقدرها.
بالنسبه لخوي الرشاش الذي يقول انت تسوق؟ فأنت لاتعرف التسويق او انك تسمع وبه ولاتدرك معناه.
هل عندما اقول الشاعر الفلاني تفوق في هذا القاف انا اسوق له؟؟ وبعض الاخوان ذكر ان راشد
تفوق وهل هم يسوقون له ؟؟ هذي وجهات نظر ونحن هنا في هذا الصرح تعودنا على النقد وطرح وجهات النظر بكل شفافيه.. فاأحيانا نقول حبيب لم يتميز بهذا القاف فهل معنى ذلك انه ليس متفوق
في كل محاوراته وهل يلغي مكانته (كملك للمحاوره بدون منازع في الوقت الحالي) وهذي وجهة نظري بالنسبه لحبيب...
عموما سأذكر الأسباب التي جعلتي اقول الحصني تفوق في هذا القاف وهذي وجهة نظري
-من المعروف ان المحاوره تقوم على الفتل والنقض وإلا تصبح مجرد تصفيف أبيات فقط.
والحصني من بداية المحاوره وهو ينقض ابيات راشد وخذ أمثله
1-راشد يقول في ثاني بيت(الحقايق ماتغير بين قيل وبين قايل..واحدن عنده عيون الي يدلنه عيونه)
-----يقول الحصني(الحقايق ماتغير في ليالينا الاوايل..والسنين التاليه كلن تبي تومي ردونه)
2-راشد يقول (امسك الميزان واصحى تترك الميزان مايل..مايصير تغني الموال وتغير لحونه)
-------ينقضه الحصني(شوكة الميزان مالة من مسوين الوسايل..والمصيبه كل شاعر فزعنه من تليفونه)
3- يقول راشد بنفاخر(اعتبرني فارسن يشفيك لاجات الحفايل..والكبير كبير مايبغى عياله ينصحونه)
------لاحظ نقض الحصني(الكبير الي كبر فعله وحصله حصايل..وانت ياراشد كبرت وعمنا المقصود دونه..

ومع ذلك انا اعتبر راشد هو الشاعر الأول في قبيلة حرب ولايعني انه خارج النقد او انه لايأتي شاعر يتفوق عليه في بعض الطواريق..

[برنس العتيبي]

والمسار بعيد والحصني يضيع الشوف دونه هههههههههههههههههههههههههههههههه تسلم عى النقل