المساعد الشخصي الرقمي

مشاهدة النسخة كاملة : ( الـصـــــداقــة )


غالب ابو كتيفه
22-Nov-2011, 02:41 AM
السلام عليكم ورحمة الله وبركاته




القصيد ليا استوى لي قطف عنقوده قطفته = أقطفه لعلاج قلبي ما قطفته لاجل أبيعه
القصيد علاجي اللي كل ما احتجته صرفته = فيه تهدية الشعور و ردّة أفعاله سريعه
القصيد ليا مشى لك طوع و انته ما عسفته = فيه للشعار سحر ٍ ما تحرّمه الشريعه
آه من بعض أصدقاي لهم اسلوب ٍ ما ولفته = مونس ٍ لي فوق كبدي من صداقتهم وجيعه
يا صديقي ما يناسبني لحنك اللي عزفته = الخديعه لو ضحك لي سنها تبقى خديعه
فيه ثنتين ٍ ليا حصلتهن فالرجل عفته = التلقف للسوالف و التصنع فالطبيعه
الصديق اللي يحاسبني بذنب ٍ ما اقترفته = ويش ابابه والرجا في حضرته مثل القطيعه
جت به الخطوه و جابتني و بالصدفه صدفته = واعجبتني لمعته لكن ما طوّل لميعه
قلت من بالي لبالي يمكن اني ما عرفته = اعطي الرجال فرصه واصبر اليوم وتبيعه
واتضح لي بعض ما يخفيه عني واكتشفته = انه اللي مذهبه سني وطبعه طبع شيعه
وان حضر عادي حضوره وان تغيب ما حذفته = الصداقه هي وداعة من يحفظون الوديعه

محمد الذيابـــي
22-Nov-2011, 02:48 AM
آه من بعض أصدقاي لهم اسلوب ٍ ما ولفته
مونس ٍ لي فوق كبدي من صداقتهم وجيعـه


لله درك يا غالب أبو كتيفه.

كل الشكر لك يابو زيد

لا هنت.

,,,,,

غالب الذيابي
22-Nov-2011, 02:49 AM
:
:
:
:



صح لسانك يابن عاصم ..


قصيدة ذات هدف سامي ،، لاهنت على التميز.
:
:
:
:

! محتميها !
22-Nov-2011, 12:40 PM
الشيخ الشاعر/ غالب بن زيد ابو كتيفه العصيمي


او كما يحب أن يطلق عليك محبيك وجمهورك (( سيف العصمه ))



الجزاله لها عنوان


والفرايد لها رجال


والشعر له شعار


والحمياء لها أفعال



وانت يا شيخنا الغالي لم تدع من تلك الصفات شيئاً بل أنك جمعت أكثر من ذلك بكثير ما يعجز قلمي عن أن يوفيك حقك



صح لساااااااااااانك ترليووووون


وصح لسااااااااااااااانك مدد بلا عدد




جزل دائماً بقصائدك وأبياتك


ولي الشرف كل الشرف بأن توقيعي منذ مده طويله هنا هو من أبياتك



احترامي للجميع

سعد بن مطلق المقاطي
22-Nov-2011, 12:48 PM
الخديـعـه لـــو ضـحــك لـــي سـنـهـا تـبـقـى خـديـعـه


صح لساااااااااااانك

سـعـد العصيمي
22-Nov-2011, 01:19 PM
ياسلام سلم

صح لسانك وفكرك

دمت ودام ابداعك

تقديري

عايض جزاء العصيمي
22-Nov-2011, 04:37 PM
صح لسانك ياغالب ابوكتيفه مليون

تحياتي

غالب ابو كتيفه
25-Nov-2011, 08:01 PM
آه من بعض أصدقاي لهم اسلوب ٍ ما ولفته
مونس ٍ لي فوق كبدي من صداقتهم وجيعـه


لله درك يا غالب أبو كتيفه.

كل الشكر لك يابو زيد

لا هنت.

,,,,,


اخي محمد الذيابي
شاكر لك مرورك المميز دايمأ وثنأك بارك الله فيك
خالص الود 0

حمود بن خيشوم العصيمي
25-Nov-2011, 09:32 PM
الشاعر الراااائع غالب ابو كتيفه

صح لسانك مهندس الكلمه وضابط ايقاعها

تحياتي

سعود بن طلق
26-Nov-2011, 08:09 AM
قصيدة رائعة ذات معنى سامي

استمتعت هنا بجزالة الشعر ونقائه

صح لسانك يا غالب


احترامي

فيصل مطر
28-Nov-2011, 06:31 AM
صح لسانك
ابدعت واسمعت وماقلت الاصح
بس
آه من التصنع فالطبيعه هي الي راعيها لايصير في حاله ولايخلي احدا في حاله بلى حقيقي%
تقبل مروري