سـعـد العصيمي
12-Nov-2011, 10:50 PM
السلام عليكم
كل عام وانتم بخير
البارحة يـوم المخالـيق نامو=صارالسهر بيني وبينه مخوه
غرد حمام الدوح يوم اسفر الجو=توالشفق بادي على الارض توه
وغنيت للورقا وشبيت لي ضو=البن كيفي والمعاني طروه
وتسابقن فكري زمرد ولولو=وصخرتهن بأسلوب ماهوبقوه
شاعر وشعري مابنيته على سو=ولاني على بعض السوالف مفوه
لوكثرواصحابي ونادو وهلو=اعرف صديق العام واعرف عدوه
ابعدعن اللي شعرهم ليت اولو=واختار درب اهل الفوفا والمروه
شعر الحداثه قام يكبر ويسمو=محدٍ يفرق طامنه من علوه
تغانموه اهل الحداثه وغنو=كلٍ على كيفه مسوي فتوه
لو دقو طبول الحداثه وصاحو=الشعر اله ناسٍ تقدر سموه
الشعر سبك وحبك يسموا ويحلو =ويعجبك فيه مع الجزاله هدوه
قلت الصحيح وراعي الصدق ينجو=الحر يفهم والمشوه مشوه
اختامها عداد مايمطر النو=صلوا على المختار سيد النبوه
كل عام وانتم بخير
البارحة يـوم المخالـيق نامو=صارالسهر بيني وبينه مخوه
غرد حمام الدوح يوم اسفر الجو=توالشفق بادي على الارض توه
وغنيت للورقا وشبيت لي ضو=البن كيفي والمعاني طروه
وتسابقن فكري زمرد ولولو=وصخرتهن بأسلوب ماهوبقوه
شاعر وشعري مابنيته على سو=ولاني على بعض السوالف مفوه
لوكثرواصحابي ونادو وهلو=اعرف صديق العام واعرف عدوه
ابعدعن اللي شعرهم ليت اولو=واختار درب اهل الفوفا والمروه
شعر الحداثه قام يكبر ويسمو=محدٍ يفرق طامنه من علوه
تغانموه اهل الحداثه وغنو=كلٍ على كيفه مسوي فتوه
لو دقو طبول الحداثه وصاحو=الشعر اله ناسٍ تقدر سموه
الشعر سبك وحبك يسموا ويحلو =ويعجبك فيه مع الجزاله هدوه
قلت الصحيح وراعي الصدق ينجو=الحر يفهم والمشوه مشوه
اختامها عداد مايمطر النو=صلوا على المختار سيد النبوه