تعال يالخراص ... فيه موضوع نبي نتناقش فيه ؟؟؟

[المسرّي]

الخراص يقرب الله لا يهينه


سلام الله سلام ابدابه الطاروق واغنيه =على مذهب هل السنّه مهو مذهب هل الشيعه
تعرْفون المسرّي غير روس رجال ما يكفيه=يوم الخراص من ذا المنتدى يكفيه توقيعه

[ماجد الهذلي]

الله الله يالمسّري

رائع ومبدع ومنتظرين الخراص

مسّري لا أوصيك على الخراص

والصفووف عندي

[مرزوق حمدان العتيبي]

....
المسرّي والخراص
والموعــــد المنتظر في عالم الابداع..
تحياتي

[الزهيري]

نتمنى أن نرى روح الإبداع والتنافس الشريف بين الفرقين
والله يقويكم

[المسرّي]

ماجد

عوايدك الجميل نفدااااااااك

ما دام الصفوف عندك , الخرااص عندي
*********************
مرزوق
والله نورت المحاوره بوجودك
*******************
الزهيري
حضورك تشريف والله يحييك
***




في انتظار الخرااااااااااص

[الخــراص]

المسري هلا ومرحبا أستلم لاهنت


هلا يامرحبا ياللي تغني جيتلك ياهيه=على مذهب نبي الله نعرف احكام تشريعه
أعرف الغامدي وإعرف تراني لو بغيت أعميه=تجيه الضربه اللي عقبها يعلن لتوديعه

[الخــراص]

ماجد

الزم الصف
ـــــــــــــــــــــــــــــــ
مرزوق العتيبي

هلا ومرحبا حضورك زاد الصفحه أشراق
ـــــــــــــــــــــــــــــــــــــــــــــــ
الزهيري

يهلا ومرحبا بحضورك

ولاهنت

[المسرّي]

حي الله الخراص وتوقيعه الزين


بقا بالشاعر اللي جا , ولن ماجاني آنا اجيه=ولو ما ودي بضربه ولا ودي بترويعه
على هونك لنا موضوع(ن) اول ودنا ننهيه=ووراك الليل يالساري تبا تكثر مشاريعه

[ماجد الدغيلبي]

<<<<<<<<<<<<<<<<< قاعدن يناظر في التوقيع
اللي اشغل المسري





الله عليكم رائعين

والله يالمسري احتزم خل التوقيع عنك :)


متاااااااااااااااااابع



م
ت
ا
ب
ع
الى النهايه >> يحتري الموضوع

[الفراهيدي]

واصلوووووووووو


الله يعطيكم العافيه

[الخــراص]

ماجد الدغيلبي
يهلا ومرحبا بمتابعتك
ـــــــــــــــــــــــــــــــ
الفراهيدي
هلابك
ومرحبا بحضورك
ــــــــــــــــــــــــــ

[الخــراص]

المسري أســـــــــتلم


أطب السوق ماهو غصب واللي جازلي بشريه=يجوز أنه عجبني شكل ديكوره وتصنيعه
اللي مبدا وإلك مبدا وكلٍ رايه إيقديه=يطّول أبنا الزمان وصاحبي بالرخص مأبيعه

[المسرّي]

استلم يالخراااص

انا ما اجامل المخطي ولا ارغب له ولا اداريه=ولو ربعه على درب الخطا قاموا بتشجيعه
صحيح اللي تقول ,," وكل إناءٍ ينضح بما فيه"=يطول بك الزمان ويمكنن ترضى بتنفيعه

[الخــراص]

حشا مانرفع التكميل للضابط بدون بريه=يكمل عهدته وإليا طلب تكميل بأذيعه
هلاياشيخ قومٍ ماتجي يمه مشاريه=أقول الثوب لازادن شقوقه بان ترقيعه

[ماجد الدغيلبي]

الله الله





متاااااااااااااااابعين

[مرزوق حمدان العتيبي]

..
ياسلام ... ابداع مايحتاج كلام..
وصلـــــــــــــــــــــــوا..

[المسرّي]

اسمع يالخراص/ " وترى بيتك الثاني يبيله ترصيص ههههههه "



حشا ما ينفع التشويش والتحريف والتمويه=لكن طالع فتوقيعك وشف خافي مواضيعه
نبيك تحــــدد اللي ترغــــــبه والثــاني تخليه= من الصـوره وابه رجّال بيعشّي مجاويعه

[المسرّي]

الدغيلبي ,, الفراهيدي ,, مرزوق


نشكر لكم متابعتكم

والله لا يهينكم

[تذكار هايم]

اسمع يالخراص/ " وترى بيتك الثاني يبيله ترصيص ههههههه "



حشا ما ينفع التشويش والتحريف والتمويه=لكن طالع فتوقيعك وشف خافي مواضيعه
نبيك تحــــدد اللي ترغــــــبه والثــاني تخليه= من الصـوره وابه رجّال بيعشّي مجاويعه


ماشاء الله عليك

ابــــــــــــــــــــــــداع متواصـــــــــــــــل


وااااااااااااااااااااااااااصل

[الخــراص]

أشوفك قمت تنظرله ونفسك يالمسري فيه=وأنا إحنك من الزلات وأرض الله وسيعه
ليّاطاحت سنونك ياعميلي وش بقا ترجيه=تدورلك على زادٍ يسرك سهل تقطيعه

[الزهيري]

تعجبني المحاورات الهادفة
والمسرّي ما ينلام في توقيع الخراص ههههههه
كل الشعار اللي مروا في قسم المحاورة تواقيعهم طيبة

[المسرّي]

استلم يالخراص /


لك الله ما نبيه ولا حسبنا له ولا نبغيه=عسى بكره تسوّي له بعد عشرين تقليعه
يكفّيني حلالي والعتيبي زاده يكفّيه=وانا ما ارضى بتشكيل اللحم والا بتنويعه

[الخــراص]

المسري شكرا للك


ولاهنت


وأعذرنا على القصور

[الـقناص]

الله يعيطيكم العافيه

وكان النجم المبدع المسرّي عملاقاً في هذا المحاوره

الف تحيه للمسرّي المبدع دائماً
الخراص صاحب التوقيع محور المحاوره (هدف المسرّي) الله يعطيك العافيه

وبعدين موضوعكم انتهاء ؟؟؟ ولا باقي عليه شيء ههههههههه

[المسرّي]

الخراااااص
والشكر موصول لك والله لايهينك ولا حصل قصور نفدااااااااااك

لكن التوقيع غيره والا شف له صرفه ههههههههههه

[المسرّي]

القناااااااص

اشكرررررررك على الاطراااااء

والموضوع ان شاء الله ينهيه الخراص
خلاص بيغيّر التوقيع

[الزهيري]

أخي الخراص أبشر بالتوقيع من عندي وعطني الفكرة والصور اللي تبيها وأبيات الشعر اللي تبيها فيه
أخوك الزهيري