بدر الشلوي
10-Nov-2011, 05:22 PM
من أشهر المحاورات حفله في قصر السلام في مكه(مستور العصيمي-مصلح بن عياد-حبيب العازمي)عام 1421ه تصوير مكتب القصير...
منها هذا الطاروق واللعب على الوتر الحساس...
حبيب العازمي=
على الله توكلنا وبالله قويين=ولا همّنا مخلوق فالخلق كله
وآلا يابن الحارث بعد عام الألفين=يحوّل عليكم عازمي في مظله
مصلح بن عياد=
على الله توكلنا من أوّل وذلحين=جزيل العطا اللي كلنا تحت ظله
لقيت العوازم يا عتيبه صليبين=قريت الخبر والسالفه فالمجله
حبيب العازمي=
أنا باخذ المعنى من الخشم والعين=وأبادخّله تحت الرموش المظله
ترانا ليا جت للتحدي معيين=على قسمنا واللي نبا نستحله
مصلح بن عياد=
وأنا باخذ الحكمه من أرض المجانين=وأعقد الحبل فوق العوازم واحلّه
لكم عندنا قصرٍ ورى الباب بابين=ليا جاء المسيّر عندنا ما يزله
حبيب العازمي=
على وين يا مجنون صاحي على وين=ترانا نجومٍ فوق راسك مطله
على الله جزانا يوم نعطيك سكين=ونعطيك سيفٍ في يمينك تسله
مصلح بن عياد=
على وين ياللي تكره الشرع والدين=بردّك قبل ما تنتزي في مظله
يقود السفينه كلها واحد أثنين=بقود السفيه صح والدرب أدله
حبيب العازمي=
يافرعون تلقى في عتيبه فراعين=يسدك من المقهاه فنجال دله
من أول طمعنا أنك تحرر فلسطين=وتال الدهر ملتك ماهيب مله
مصلح بن عياد=
أجابة حبيب واضحه بين قوسين=وأنا كاشفٍ سره وأنا فاطنٍ له
يا كثر الصقور اللي بليا جناحين=تسوي على الصقر الحقيقي تعله
حبيب العازمي=
يا كبر الجمل مار أن فال الجمل شين=بعد مابرك عيت عظامه تقله
لو أنّا نصيح تصيح معنا الثقلين=لكن أنت عله في تسعين عله
مصلح بن عياد=
تبا السلطنه لكن قبلك سلاطين=حذارى حذار لا يجي منك زله
قضينا على سم الحنش والثعابين=لكن الكتاب اللي معك لا تفله
حبيب العازمي=
أنا ما تعدى مار أعلمك بعدين=وتشرب من الماء لين ريقك تبله
وآلا يابن الحارث رعاة البعارين=بعارينكم فيها مشبّه سم الله
مصلح بن عياد=
أشوف الفقارى والغني والمساكين=تهز الجبل وتقول لازم نشله
ليا زل من عمري ثلاث وثمانين=تحل البلد وآلا عسى ما تحله
حبيب العازمي=
شرينا دركتل رقم واحد وبكلين=نبا كل ضلعٍ من علوه نهله
ليا من بلغ سنك لسن المسنين=نحط ألك في حيد العماره مظله
منها هذا الطاروق واللعب على الوتر الحساس...
حبيب العازمي=
على الله توكلنا وبالله قويين=ولا همّنا مخلوق فالخلق كله
وآلا يابن الحارث بعد عام الألفين=يحوّل عليكم عازمي في مظله
مصلح بن عياد=
على الله توكلنا من أوّل وذلحين=جزيل العطا اللي كلنا تحت ظله
لقيت العوازم يا عتيبه صليبين=قريت الخبر والسالفه فالمجله
حبيب العازمي=
أنا باخذ المعنى من الخشم والعين=وأبادخّله تحت الرموش المظله
ترانا ليا جت للتحدي معيين=على قسمنا واللي نبا نستحله
مصلح بن عياد=
وأنا باخذ الحكمه من أرض المجانين=وأعقد الحبل فوق العوازم واحلّه
لكم عندنا قصرٍ ورى الباب بابين=ليا جاء المسيّر عندنا ما يزله
حبيب العازمي=
على وين يا مجنون صاحي على وين=ترانا نجومٍ فوق راسك مطله
على الله جزانا يوم نعطيك سكين=ونعطيك سيفٍ في يمينك تسله
مصلح بن عياد=
على وين ياللي تكره الشرع والدين=بردّك قبل ما تنتزي في مظله
يقود السفينه كلها واحد أثنين=بقود السفيه صح والدرب أدله
حبيب العازمي=
يافرعون تلقى في عتيبه فراعين=يسدك من المقهاه فنجال دله
من أول طمعنا أنك تحرر فلسطين=وتال الدهر ملتك ماهيب مله
مصلح بن عياد=
أجابة حبيب واضحه بين قوسين=وأنا كاشفٍ سره وأنا فاطنٍ له
يا كثر الصقور اللي بليا جناحين=تسوي على الصقر الحقيقي تعله
حبيب العازمي=
يا كبر الجمل مار أن فال الجمل شين=بعد مابرك عيت عظامه تقله
لو أنّا نصيح تصيح معنا الثقلين=لكن أنت عله في تسعين عله
مصلح بن عياد=
تبا السلطنه لكن قبلك سلاطين=حذارى حذار لا يجي منك زله
قضينا على سم الحنش والثعابين=لكن الكتاب اللي معك لا تفله
حبيب العازمي=
أنا ما تعدى مار أعلمك بعدين=وتشرب من الماء لين ريقك تبله
وآلا يابن الحارث رعاة البعارين=بعارينكم فيها مشبّه سم الله
مصلح بن عياد=
أشوف الفقارى والغني والمساكين=تهز الجبل وتقول لازم نشله
ليا زل من عمري ثلاث وثمانين=تحل البلد وآلا عسى ما تحله
حبيب العازمي=
شرينا دركتل رقم واحد وبكلين=نبا كل ضلعٍ من علوه نهله
ليا من بلغ سنك لسن المسنين=نحط ألك في حيد العماره مظله