الطارف يقلط الله يحيه

[فارس المورقي]

سلامي من هاجس ٍ يقدح قديح = ويشب ناره على قدح الشرار
ماودنا بالعلوم الي تسيح = قدام تطلع على شمس النهار

[سعد الرويس العتيبي]

من هاجس مايقول الا الصحيح= يامرحبا في محل اهل الوقار
خل السوالف مع النهج المليح=مالك ومال المعارك والدمار

[فارس المورقي]

دام البقى يامعزبنا الفصيح = الله يديم الوفا ياهل الديار
هات السوالف وقلبك مستريح = روٌح زمان البلاجيك القصار

[سعد الرويس العتيبي]

اللي يصيح ولا حوله مطيح=يمد يمناه مايمد اليسار

اللي بقلبه شجاعه يالصريح=يروح الشام ويجيب الحمار

[عبد الكريم العازمي]

فآرس هنآ هلآ بمطول الغيبه :)

و

صحة السنتكم وكل عآم وأنتم بخير :)

[سعد الرويس العتيبي]

فآرس هنآ هلآ بمطول الغيبه :)

و

صحة السنتكم وكل عآم وأنتم بخير :)


صـــــح بـــــدن و

[فارس المورقي]

مايختفي ياسعد وجهه القبيح = لو يصبغه بالبياض وبالحمار
مكاسبه كلها هرج ومديح = ومع العرب صنعته لعب القمار

[فارس المورقي]

فآرس هنآ هلآ بمطول الغيبه :)

و

صحة السنتكم وكل عآم وأنتم بخير :)


ياهلا وغلا بالشيخ عبدالكريم العازمي

من العايدين وكل وانتم بخير

وصح بدنك لاهنت ولا شنت

[سعد الرويس العتيبي]

الله يشفيه ابو قلبن جريح=لكن مابين نار وبين غار
يالمورقي موردك عودشحيح=مير ضرب الارض ويطير الغبار

[فارس المورقي]

عساه يصبح من البكره ذبيح = ويصير رميه مثل رمي الجمار
وسدودنا يالعتيبي ماتبيح = المورقي قالها لك بختصار

[سعد الرويس العتيبي]

ماهي بعيده عنه جاله فحيح=سالفه ماله ثاني خيار

لبنان خاشرك فى البير النضيح=عشرين مليار في دفن الخمار

[فارس المورقي]

عوٌد مثل صاحبه يضبح ضبيح = من يوم شاف الدعاوي في انحدار
ولبنان هذي عساها في قريح = وعسى يجيها مشايخ قندهار

وصح لسانك ياسعد
وبيض الله وجهك

واستأذنك بالخروج

[سعد الرويس العتيبي]

بابن يجي مع عج ومعه ريح=تسكيرته ياطويلين العمار
ريح النفل ماهو مثل ريح شيح=خير البلد لاهلها في كل دار




صح بدنك وبيض الله وجهك على هذا الطاروق

[محمد الذيابـــي]

,,

فارس المورقي

صح لسااااااااااااااانكــ

سعد الرويس

صح لساااااااااااااانكــ


طاروق مميز وجميل

,,,,,