ابن مطلق اقرب الموضوع ماهو بسيط

[عبدالله جبارالعتيبي]

ياسلام الله على محمد ولد مطلق لحاله=عد مالاحت بروق الصيف في شرق وشمالي
الجمل ماهو بقد الحمل ونته من عياله=والله إني ماعليه من بعيد ولا موالي

[محمد مطلق العتيبي]

مرحبا بك ياولد جبار والدعوى سهاله = من هجوسن تصرف المعنى مثل صرف الريالي

الجمل لاحملوه الحمل يبن الناس شاله = وان برك ماشال حمله ما يعد من الجمالي

[عبدالله جبارالعتيبي]

البقا لك ونته أعرف وش مضامين الرساله=كان تعرف للقرايه بس أضنك لالالالي
الجمل هرشٍ كبير وحالته والله حاله=والحموله جايره والحبل من فوق المحالي

[محمد مطلق العتيبي]

كان ماتبغى الجمل ياصاحبي نقطع حباله = والاجابه كيف تاتي دون ما ياتي السوالي

ودنا في حاجتن للضيف يلقاها دلاله = وانت صقرن ماكره ياخوك في روس الطوالي

[عبدالله جبارالعتيبي]

الدواسر مع بنٍي الحارث رياجيل الشكاله=شفهم فالكرسي اللي راح مرواح الهلالي
جعل براق السحابه ياصل لساجر خياله=ثم تاتينا العلوم اللي عليها الأتكالي

[محمد مطلق العتيبي]

ياخويي ياصديقي كل واحد دون ماله = وان بغيت تحوفها ياصاحبي ياهملالي

انت خلك في محلات المطاعم والبقاله = مالكم فيها مجال ولا لنا فيها مجالي

[عبدالله جبارالعتيبي]

البلاجيك القديمه أنتهت وآبومحاله=كاملِ في كل حاله آه ياغبن العيالي
أبك حنا يالعتيبي من رياجيل الصماله=قدحنا دايم زنود وفعلنا مثل الجبالي

[محمد مطلق العتيبي]

معليش عن التأخير
الصلاة


هيه عانه ساق بنه للعرب وسط البياله = سالين من هم وقته يوم انا مانيب سالي

لا تذكرني زمانن راح قدامه رجاله = لاتذكرني زمان اليوم وايام الخوالي

[محمد الذيابـــي]

,,

صح لسااااااااااانكـ يابو جبار

وصح لسااان ابو مطلق

طاروق مميز ورائع

لاهنتو جميعاً

,,,,,

[عبدالله جبارالعتيبي]

,,

صح لسااااااااااانكـ يابو جبار

وصح لسااان ابو مطلق

طاروق مميز ورائع

لاهنتو جميعاً

,,,,,

محمدالذيابي
صح بدنك

[ابن البجاديه]

ياسلام


اشهدانكم كفو ياثنين صحت السنكم ولاهنتوا

[عبدالله جبارالعتيبي]

ياسلام


اشهدانكم كفو ياثنين صحت السنكم ولاهنتوا

شرفتنا بمرورك يبن البجاديه
ونت كفو بعد
وصح بدنك