تسجيل الدخول

مشاهدة النسخة كاملة : مساكم الله بالخير 00 اقرب شاعر

طعاااااج
29-May-2005, 05:57 AM
مساكم الله بالخير

اقرب شاعر
استلم
0
0
0
0

ياسلامي عد براق المزون
ساقه الطعاج مسمار العيون
ياعتيبه جعلكم لي تسلمون
ماعلى وجه البسيطه مستحيل


جيت أدور بينكم شاعر وقلبه حديد = يحتمي ميقاف ربعه وربعه في ذراه
لايعن الخيل فارس يعود فالرديد = ياعتيبه قبل أنشب لسانه في جماه
لطّام العدى
29-May-2005, 12:12 PM
حياك الله ياطعاج وانا تراني ماني بفارس ربعي ولاني خيرهم لكني اسد اللزوم

واستلم لاهنت

مرحبا بالشـــــاعر اللي يعتزي

والاشاره فوق راسـه يركــزي

ينـــتبه لـلرمي لاجـــاله نــــزي

ماعلى وجه البسيطه مستحيل


انتبه لاتنطعج قبل نقطع لك وريد ..... والنحر يغلق وينشب لسانك فاللهاه

ربعي اعتيبه تراهم معبدة العبيد .....وانتبه لاياصل العلم معنـــــا منتــهاه
مرزوق حمدان العتيبي
29-May-2005, 12:31 PM
...
ياسلام سلّم
شعراء جدد فرحتنا فيهم ماتقدر بثمن
هلا وسهلا بالجميع شرفتوا ونورتوا..
وصلوا ونحن متابعين ..
اخوكم
طعاااااج
29-May-2005, 10:18 PM
الله يبارك فيك
واستلم
0
0
0
0

البقاء والفال يقفاه العقال
ماش رمي ولاش يالشاعر نزال
عن سموم القيظ ليتك فالظلال
ماعلى وجه البسيطه مستحيل

لاتهددني وقلبك مثل خد البليد= يعتزي عند المغازي وراسه فاالعباه
ياالعتيبي ماوراء عزوتك غير الشديد= تدّعي بالعلم والعلم نقرن في صفاه
طعاااااج
29-May-2005, 10:21 PM
...
ياسلام سلّم
شعراء جدد فرحتنا فيهم ماتقدر بثمن
هلا وسهلا بالجميع شرفتوا ونورتوا..
وصلوا ونحن متابعين ..
اخوكم
المهلي مايولي
والمحل منور بهله
المسرّي
29-May-2005, 10:55 PM
طاروق تحدي وشعراء كبااااااااار

انا في صف المطيري "طعاااااج " <<<<< قد مر علي هالاسم
لطّام العدى
30-May-2005, 12:10 AM
استلم ياطعاج لاهنت


ما اسرع الشاعر يعود اعن الهدف

كنت ناوي العن المثله جدف

صدفةٍ يازين بعضات الصدف

ماعلى وجه البسيطه مستحيل


يالمطيري لاتنادي وتزهم من بعيد ..... دونــك الميدان حضّر سهوم امع القناه
لا تحوص اعن المنازل وتمسك فالجريد ...... تحسبنّك مبعدٍ بيننا حذفت حصاه
لطّام العدى
30-May-2005, 12:12 AM
مرزوق مرورك اسعدنا اكثر من فرحتك بنا
ولك جزيل الشكر على هذا الاطراء الجميل



المسري الف شكر على مديحك المبالغ فيه
ولك خالص تحياتي
طعاااااج
30-May-2005, 06:22 PM
استلم لطام لاهنت


والله انك ماتحقق لك مناه
يالعتيبي وأنت وجهك في قفاه
كنت احسبك ذيب واثرك القطاه
ماعلى وجه البسيطه مستحيل

انتهينا واسترح ياسعد مدري سعيد = العدّي عدي النموره وعينك عين شاه
مايحوص اللي يطلق حريمك ياالبعيد = امسك ارضك كل طيرِ تعلا في سماه
مشكور ولاهنت وتصبح على خير
طعاااااج
30-May-2005, 06:24 PM
طاروق تحدي وشعراء كبااااااااار

انا في صف المطيري "طعاااااج " <<<<< قد مر علي هالاسم
المسري
ماعليك زود
تحياااااااااااتي