السلام عليكم ورحمة الله وبركاته / استلم يالفالح لاهنت ولاهان الجميع

[معقل المجانين]

خلوووووووووووووووووها


اليله المسراء على نورالقـمـرواللى النجوم

,,,,,,,,,,,,,,,,,,,,,, والياختفا نور القمرياليل سلم واستلم


الشاعر اللي فيه في راسه خبر واللى علوم

,,,,,,,,,,,,,,,,,,,,,, ايـقـدم الاخبار بالـتـفـصـيـل سلم واستلم

[علي فلاح العضياني]

معقل المجانين اتشرف باللعب معك واستلم


الليله المسرى تحت نور القمر مافيه نوم=فنجال دله زعفران و هيل سلم واستلم

يالشاعر اللي فاللزوم تقوم وتسد اللزوم=ابغاك تتعب لي سباق الخيل سلم واستلم

[الــوآفــي]

روعه يا معقل الجن :)

اهجد الفالح خله يطلع ابداعاته

ننتظر الشاعر الفالح ليكتمل جمال الليل

ذيبان

[معقل المجانين]

ياهلا وغلا يالفالح
استلم طال عمرك

والنعم فيكم ياجماعتنا قويين العزوم

,,,,,,,,,,,,,,,, على الوفاء والطيب والتكميل سلم واستلم

يالفالح انته منت لامعطا ولنته بمحروم

,,,,,,,,,,,,,,,, اقــلـهـا لــوحـقـة الــزنـبـــيـل سلم واستلم

[معقل المجانين]

ذيبان

ياهلا ومليون مرحباء

شرفتنا طال عمرك

تقبل تحياتي

[علي فلاح العضياني]

وانتم كذلك يارياجيل العوايد السلوم=سقم المعادي ذابحين الحيل سلم واستلم


فبدا ية المشوار وانته عاكس الخط العموم=يا ربعنا لا تبخسون الكيل سلم واستلم

[معقل المجانين]

خلوووووووووووووووها
استلم لاهنت

قالولي انك خصم قلت الخصم قدامه خصوم

,,,,,,,,,,,,,,,,, لوصارنجمه مثل نجم سهيل سلم واستلم

بالعكس انامعكس ولاعاكس من العكس معصوم

,,,,,,,,,,,,,,,,, في ذمتي مارضى عليك الميل سلم واستلم

[معقل المجانين]

الللللللللللللللللــــــــــــــــييييييلللللللللل للللللللللللل

اليل ,,,,,,,,,,, اليل

[علي فلاح العضياني]

الله يبارك فيك جنب لا تعرض للسهوم=وش لون ترقد في مسيل السيل سلم واستلم


بالعكس تعكس والمعاكس والتعكس للرخوم=نبا نكثر فوقك التهليل سلم واستلم

[معقل المجانين]

خلووووووووووووووووووووها


الـقـرم مثلي مايذل ولايـخاف مـن القــروم @@ لوقابله جيش ابرهه والفيل سلم واستلم

احزم حزامك واكربه ماعندنا حبة خشوم @@ مافـيـه غـيرالحـط ثـم الشيل سلم واستلم

[علي فلاح العضياني]

تبا تقفي وانت قشك فوق ظهرك ومحزوم=صاحبك ماهو فاللزوم بخيل سلم واستلم


انا طعنت القوم وانته من عظامك ماتقوم=مال الثقال الا البعير شعيل سلم واستلم

[((الدلبحي))]

تسلمون يالربع واصلوا وعلى القوه


تحياااااااااااااااااتي

[معقل المجانين]

خلوووووووووووووووووها


ان كان ماعندك درايه تشتري والى تسوم @@ ماينجح اللى التاجرالحلحيل سلم واستلم

العلم كله كوم وانته ياوسيع العرف كـــوم @@ والسالـفـه تـبـغـالها تـعـديـل سلم واستلم

[ماجد الهذلي]

الله الله معقل والفالح

أبداع من شاعرين تسلمووون

واصلووووا متابعينكم

[الفراهيدي]

الله الله الله

صح لسانك يامعقل المجانين

صح لسانك يالـــــــــفـــــالـح

[طعاااااج]

صح لسان الجميع

لكم
تحياتي

[لطّام العدى]

ياسلام ياسلام ابداع من الطراز الاول
تسلمون ياشعارنا

[مرزوق حمدان العتيبي]

...

ابداع .. وشعراء من اصحاب الفخامه :)
تحياتي

[علي فلاح العضياني]

حنا نسوم الطيبه والهينه عنها نشوم=اثرك محمل بالقشر تحميل سلم واستلم


هذي على راسك وانا رجلٍ معزز ومحشوم=ياهيه لا تنفخ على الريجيل سلم واستلم

[المسرّي]

ما شاء الله عليكم

قدح زنود


واصلواااااااااااااااااا

[راس الشلفا]

احزم حزامك واكربه ماعندنا حبة خشوم @@ مافـيـه غـيرالحـط ثـم الشيل سلم واستلم


اهب وانا ولد ابووووووووووووي
عزالله انها حاميه الوطيييييييييييييييس

شدو حيلكم ومتابعين




راس الشلفا

[معقل المجانين]

خلوووووووووووووها
استلم لاهنت يالفالح

المعـرفـه بـيـنـي وبـيـنـك كـلها لـيـلـه ويـوم @@ وانشد عتابه كلهم وهذيل سلم واستلم

يالفالح الدعوى حواليك وعلى راسك تحوم @@ واناوكيل بموجب التوكيل سلم واستلم

[معقل المجانين]

الدلبحي
@ ماجد @
الفراهيدي
طعااااج
لطام العدى
مرزوق العتيبي
المسري
راس الشلفا
ياهلا ومليون مرحباء بالجميع مروركم ومتابعتكم لنا شرف كبير

لكم اجل احترامي وتقديري