فلاح القرقاح ومرزوق المقاطي موال

[طيب السمعه]

محاورة موال بين فلاح القرقاح ومرزوق المقاطي تاريخ 1/11/1432
فلاح القرقاح
يابني عمي اهل الجله اسمعوني
واخذو اللي تطلبونه من عيوني
والحضور من القبائل مايهوني
والمعاني تحترم من يحترمها

يالالايالالاله احدن هدر واحدن رغا
يالالايالالاله هاذي صواديف القدر
يالالايالالاله مزروق لامنه طغى
يالالايالالاله اثر على موج البحر

مرزوق المقاطي
ياهل الجله اسمحولي واسمحوله
خلنا ناخذ صوله وجوله
وسمحولي في الكلام اللي بقوله
والمعاني تحترم من يحترمها

يالالايالالاله حمل البعير اليا اصطغى
يالالايالالاله يطيح حمله لو هدر
يالالايالالاله مرزوق لامنه بغى
يالالايالالاله ذوقكم الموت الحمر

فلاح القرقاح
يابني عمي مال للامجاد غاطي
وصل لكم برقاوي ماهوب ساطي
العبوا في وجه مرزوق المقاطي
والمعاني تحترم من يحترمها

يالالايالالاله رقمك يامرزوق الغا
يالالايالالاله مير الحذر ثم الحذر
يالالايالالاله الصقر غير الببغا
يالالايالالاله لاشر جنحانه شهر

مرزوق المقاطي
والله انا اسطى من السيف المجرب
لاتخرب في العلاقه لا تخرب
وان وقفنا في المواقف لاتهرب
والمعاني تحترم من يحترمها

يالالايالالاله لميت عفشك و انفغى
يالالايالالاله وانتى على باب السفر
يالالايالالاله فرخ الغراب اليا نغى
يالالايالالاله يبين من فرخ الصقر

فلاح القرقاح
انتا يامرزوق ما جيت تمشى
لكن الموال مربوط على الشا
والله يامرزوق من قرب المعشى
والمعاني تحترم من يحترمها

يالالايالالاله ياكثر ساحات الوغا
يالالايالالاله والباقيات ادهى وامر
يالالايالالاله السيل لا قض الشغا
يالالايالالاله ماعجز عن قلع الشجر

مرزوق المقاطي
اصبرو لي لين تحتر الحديده
والله انا لابلشك ياشاعر عبيده
عارف ن شغلتك يامطوع بريده
والمعاني تحترم من يحترمها

يالالايالالاله حنا اليا شان اللغا
يالالايالالاله مانضرب الا في النحر

يالالايالالاله الشوط حسب المبتغى
يالالايالالاله نتيجته واحد صفر

فلاح القرقاح
انتي يامرزوق شاعر فل كامل
مير اليا ما سرعت ماعندك فرامل
وحنا في وقت المواقف مانجامل
والمعاني تحترم من يحترمها

[align=center]
يالالايالالاله في سوريا المطنوخ اغا
يالالايالالاله ياحظ حفار القبر
يالالايالالاله ضاق الحليب من الرغا
يالالايالالاله واصل ونشري لك قصر

[وافي ضاوي]

انت متاكد؟؟

هذه ابيات عادية جدآ ولاترتقي بمستواهم الشعري


ماتوقع انها للشاعرين فلاح ومرزوق

[محمد الذيابـــي]

لا هنت يالغالي

[طيب السمعه]

http://www.youtube.com/watch?v=_dLsbVxyVXw

[طيب السمعه]

لا هنت يالغالي

شرفتني بمرورك

[السامي الجعيد]

فلاح القرقاح شاعر حماسي لا اكثر مستواه هو هو ماتغير


مرزوق هجومي جدآ وترك بيت مكشوف للقرقاح ممكن الظروف المحيطه بالحفله


لاهنت اخوي

[مهجرس]

انتا يامرزوق ما جيت تمشى
لكن الموال مربوط على الشا
والله يامرزوق من قرب المعشى
والمعاني تحترم من يحترمها

؟؟؟؟؟؟؟؟؟؟؟؟؟؟؟؟؟؟؟؟؟؟؟؟


مشكور ع النقل

[محمد العبيدي]

حتى القرقاح ماسلم منكم

يالجعيـد عين خير ابو محمد شاعر

من منابر شعر المحاوره

شكرآ لكم ....

[مطنوووخ روووق]

صح لسنتهم جميعاااا


لكن العبيدي شااعر حمااسي لااكثر

[قاسي العتيبي]

حتى القرقاح ماسلم منكم

يالجعيـد عين خير ابو محمد شاعر

من منابر شعر المحاوره

شكرآ لكم ....

ذكرت بيت محاورة لـسفر الدغيلبي مع شاعر قحطاني لا يحضرني اسمه الآن

سفر يقول

شطر واحد من قصيدة للزلامي # يازن أشعار الجحادر مع عبيدة

[رائد الكيرعاني القحطاني]

ههههههههه





أجل ابو محمّد شاعر حماسي لا أقل ولا أكثر :rolleyes:






كل شي جايز

[ابو فايح]

ليت مثل ابو محمد فالملاعب كثير


شاعر يطربني اذا حضر

[قاسي العتيبي]

صدقت يابو فايح القرقاح يطرب بالذات إذا قابل له بن جدلان ولعبوا مثل الطاروق الذي تعرضه قناة الساحة اللي يوم بن جدلان يقول (( عمتك كل ليلة وهي معرسة ))

[طيب السمعه]

فلاح القرقاح شاعر حماسي لا اكثر مستواه هو هو ماتغير


مرزوق هجومي جدآ وترك بيت مكشوف للقرقاح ممكن الظروف المحيطه بالحفله


لاهنت اخوي

شرفتنا بمرورك العطر

[طيب السمعه]

شاكر الجميع على المرور العطر

[سلمان المرشدي]

ابن ريفه علم من اعلام الشعر و مرزوق ماعليه قصور

[منصور بن فهيد]

الشاعر فلاح القرقاح شاعر علم ومااخفي متابعتي الشديده لمحاوراته

[محمد ناصر الأكلبي]

ليت مثل ابو محمد فالملاعب كثير


شاعر يطربني اذا حضر


أولا : يا أبو فايح لك كل تقديري واحترامي لما ألحظه عندك في كل كتاباتك من انصاف ونطق بالحق في الحكم على الأمور المختلف عليها.

ثانيا : عند اسم القرقاح يقف الشعر احتراما لهذا الشاعر المبدع وفي الحقيقة أعتبره في رايي الخاص من أركان المحاورة ولا أذكر وجدت اسمه في محاورة ولم أسمعها وبعد سماعها لم أندم على ذلك


مميزات القرقاح في نظري:

1-القوة في تركيب الأبيات العجيبة

2- مع شعار المعنى لا تجد له مثيل ولاتعلم عن المعنى الا بصعوبة

3- عند الفخر في المحاورة تجده حاضر بقوة

4-هنا أكبر ميزة للقرقاح ولاتجدها عند غيره((إذا لعب مع شاعر سب فإنه يدرسه ويتوبه من السب والشتم ولم أراه خرج من محاورة وهو مهزوم وهذه ميزة نادرة رغم أنه لايرفض اللعب مع أحد!!!)
5- القرقاح في النظم شي عجيب قوة في الأبيات فريدة في هذا الوقت



طبعا القرقاح ليس في حاجة لشهادتنا ولكن وجهة نظر خاصة

.....