القاضي و العصيمي

[متذوق الشعر]

زبن القاضي:

في حفل شيخ(ن) كرموه الكريمين
سلام ياربعي وياتاج راسي
الاد عاصم ملحقين المخلين
ماهو غريبن طيبهم شي اساسي

حمدان العصيمي:
يامرحبا بمرجحين الموازين
اللي بحرهم غبته ماتقاسي
ياشاعر الهيلا ترى الناس حرصين
حافظ على كرسيك بين الكراسي

زبن القاضي:

انتم وحنا كلنا نصرة الدين
خلك يابو راكان رجل(ن) سياسي
عمهوج خضنابه جميع الميادين
فالشعر والا في نهار الحماسي

حمدان العصيمي:

ترى الامانه في يدين الموامين
ماني بقايل فالامور التباسي
ادارستك فالعلم مغير فصلين
باقي على التخريج فصل(ن) دراسي

زبن القاضي:

علم به الغايب واخذ علم هالحين
بشت(ن) لبسته يالعصيمي مقاسي
فصلين سدت في دروسك لك سنين
لاخير في كثر الحكي والحساسي

حمدان العصيمي:

مالي دخل فالديلكو والبليتين
من خوف يحصل فالسلوك التماسي
صحصح من الغفله ترى الناس صاحين
مانته مغير فالجبال الرواسي

زبن القاضي:

خابرك ماتجمع قلوب المحبين
عكيس ياحبك لدرب العكاسي
حب الملك فقلوب كل الملايين
ملك عظيم وفي مكان (ن) رياسي

حمدان العصيمي:

محبة ً مادمعت لاجلها العين
مصيرها تفشل بوقت(ن) قياسي


وسلامتكم

[محمد الذيابـــي]

,,


لا هنت يالغالي.


,,,,,

[سـعـد العصيمي]

يعطيك العافيه

[السامي الجعيد]

حمدان العصيمي:

ياشاعر الهيلا ترى الناس حرصين=حافظ على كرسيك بين الكراسي

بيت في الصميم يابو راكان

زبن القاضي:

علم به الغايب واخذ علم هالحين=بشت(ن) لبسته يالعصيمي مقاسي

بيت مفخخ ورائع يابو نهار

طاروووق فايف ستار بين المبدعين حمدان وزبن القاضي


والله راق لي القاف معنى والالفاظ والجزاله

[ابو فايح]

طاروق فايف ستار

قمه بين حمدان العصيمي وزبن القاضي

تميزت بجمال تركيب الابيات

لاهنت يا متذوق الشعر*

[متذوق الشعر]

,,


لا هنت يالغالي.


,,,,,

الله لايهينك يالذيابي

[سحيم العصيمي]

ابو نهار وابو راكان

اساتذة شعر الله يوفقهم

طاروق مليان لاهنت يامتذوق الشعر