يتباكا على الامير سلطان

[خـال ـد]

حفلات الليلة :
حفلة رقم1 :
فلاح القرقاح- ملفي المورقي- بن عتقان- فواز العزيزي- ساطي الضباطي
قاعة أريام بالشفاء - الرياض
ت : بيت الجنادرية
منقول من اماسي


طلع امس علينا الشاعر القرقاح في قناه الي m b c يبتاكا على الامير سلطان وبنبرة حزن كبيره يبين فقده للامير واليله يحيي حفله مع مجموعه من الشعار بعد يوم واحد من دفن الامير رحمة الله عليه


قمت التناقض ياالقرقاح

تتباكا على الامير سلطان وثاني يوم من وفاته تغني في ملعبه

صحيح يقولون مالا يفعلون

الرياحي مات وشفنا شعار محاوره سوو حداد بعضهم وصل لسنه عن شعر المحاوره

هل الامير سلطان وفاته لم توثر علا شعراء المحاوره

الجلاوي اجل زواجه ويشكر لذلك وتحسب له

الله يرحمك يابو خالد

وين راحوا شعراء الي يحسبون الامور ويقيمون الموقف

[ابن عتيبه البار]

ياخالد مسائك الله بالخير

الحفله مآبعد أقيمت ماتدري يحضر فلآح ولآ مآيحضر ؟؟

ثانياً ولي العهد متوفي له قرآبة 5 أيام وأن غنى القرقاح وأن ماغنى ماهو براده فما يصير اننا نقلب ايامنا كلها حزن وحداد

[ابو نايــف]

ماندري عن جوال اماسي وعن صدقه

وبيني وبينك الشعار يقولون مالايفعلون

ولاتنسى ملفي وابن عتقان كأن مالهم علاقه بالموضوع


يسولف لي رجال ويقول يقول كنا في حفله بعد موت الرياحي وكان اغلب الشعار محزنين على موت الرياحي وكان فيه شعار حاظرين منهم مستور وملفي لتقديم واجب الحظور واذا ماني بواهم معهم حبيب

يقول

يوم بدت الحفله استأذن مستور وحبيب وبقى ملفي يلعب

ما اقول الا عساك سالم

[رائد الكيرعاني القحطاني]

أنا لا أعلم يا خالد عن الفائدة المرجوّة من الموضوع هل هي لتشويه سمعة القرقاح أم للتّطبيل للجلاوي بصورة غير مباشره !!




اولا : يا خالد الله يحفظك وفاة الأمير من يوم الجمعة ولا أرى فيه منقود على فلاح ان لعب اليوم إلاّ ان كانك ترا في ذلك تنقيص من ولاء فلاح القرقاح وتشكّ في مصداقيّة مشاعره فهذا كلام آخر




الفقيده ماهو بفقيدة فلاح هذا فقيدة شعب وامّة بأكملها واللي بكا عليه هو فلاح وغيره ولكن هذا قضاء الله وقدره وفلاح سواء ان لعب او ما لعب لن يردّ سيدي سلطان من قبره الله يغفر له ويرحمه




يا رجل فهد بن نعيم بعد وفاة والده بأسبوع او عشره ايام أحيا حفلاته !! ما شفت احد استنكر هنا مع اني كنت مستغرب جدّا وكنت اتوقّع توقفه اقل شي شهر مع انه والده ..



كان أفضل من هذا الموضوع هو الدعاء لسيدي سلطان بالعفو والمغفره الله يرحمه ، وولاة الأمر يعرفون ولاء وصدق فلاح القرقاح




عموما فلاح أكّد لي حضوره الليله وبيلعب انشاء الله




ولك تحياتي

[ماجد العصيمي]

يقولون مالا يفعلون

[حبيب العصيمي]

من وجهة .نظري .ما اشوف على ابومحمد اي خطى انه يشارك ..

وفي النهايه رزق ومصلحه.. مثله مثل الشعب الي يداوم ..من المنطق الا نذهب الا الأعمال الحكوميه

والخاصه إذا اخذنا وجهة نظرك اخوي خالد..


ودي قبل ردي

[@ـايل]

الا النوايا لحد يدخل بنوايا البشر

وهذا شي علمه عند الله ، ومالنا الا الظاهر

سلطان مات عساه برحمة ربه وجعل مثواه الجنه ، هذا لايعني ان نحزن طول السنه

[فهيد الايدا المورقي]

من باب الوفاء ان شعراء السعوديه يتوقفون عن المحاوره على الاقل شهر بسبب وفاة


الامير سلطان رحمه الله الذي كم وقفو امامه يلقون القصائد والمدايح وكم من الهبات التي


وهبها لهم امير القلوب سلطان الخير


فماهكذا ترد الجمايل

[بن ساعد الثبيتي]

مثل مايقول جدي دايم

الميت في دربه والحي في دربه (:

[فهد علي العازمي]

يا رجل فهد بن نعيم بعد وفاة والده بأسبوع او عشره ايام أحيا حفلاته !! ما شفت احد استنكر هنا مع اني كنت مستغرب جدّا وكنت اتوقّع توقفه اقل شي شهر مع انه والده ..




ولك تحياتي

حاسبها يا ابو عبد الله :confused:

[خـال ـد]

أنا لا أعلم يا خالد عن الفائدة المرجوّة من الموضوع هل هي لتشويه سمعة القرقاح أم للتّطبيل للجلاوي بصورة غير مباشره !!




اولا : يا خالد الله يحفظك وفاة الأمير من يوم الجمعة ولا أرى فيه منقود على فلاح ان لعب اليوم إلاّ ان كانك ترا في ذلك تنقيص من ولاء فلاح القرقاح وتشكّ في مصداقيّة مشاعره فهذا كلام آخر




الفقيده ماهو بفقيدة فلاح هذا فقيدة شعب وامّة بأكملها واللي بكا عليه هو فلاح وغيره ولكن هذا قضاء الله وقدره وفلاح سواء ان لعب او ما لعب لن يردّ سيدي سلطان من قبره الله يغفر له ويرحمه




يا رجل فهد بن نعيم بعد وفاة والده بأسبوع او عشره ايام أحيا حفلاته !! ما شفت احد استنكر هنا مع اني كنت مستغرب جدّا وكنت اتوقّع توقفه اقل شي شهر مع انه والده ..



كان أفضل من هذا الموضوع هو الدعاء لسيدي سلطان بالعفو والمغفره الله يرحمه ، وولاة الأمر يعرفون ولاء وصدق فلاح القرقاح




عموما فلاح أكّد لي حضوره الليله وبيلعب انشاء الله




ولك تحياتي


مرحبا يارائد الكيرعاني

الاوله : الله يرحم الامير سلطان ويسكنه فسيح جناته

الثانيه : والله ان القرقاح غالي ومن غالين , لاكن استعجبت من لقاءه فالقناه واحياءه لحفله بعد دفن
الامير بيوم ,, يقول فاللقاء واغلبكم شافه علاقتي خاصه مع الامير وكان الامير يشجعني ويمدح قصايدي

استعجبت ان شخص بحجم سمو الامير سلطان الله يرحمه ويقدر شاعر ويشجعه ويدعمه وبعد يوم واحد من دفنه يغني الشاعر في حفله في الرياض في نفس المدينه الي دفن فيها الامير سلطان الله يرحمه

الثالثه : ولاء فلاح ومشاعره تجاه وطنه وحاكمه ماهو حنا الي نقيمها ,, لاكن نقيم افعاله ومايتحدث به فقط

اخيرا / الله يرحم سمو سيدي الامير سلطان ويسكنه فسيح جناته,,, ويطول عمر شاعرنا القرقاح على العز والطاعه

وشاكر لك اخوي رائد مشاركتك الطيبه وردك الراقي

[خـال ـد]

http://www.youtube.com/watch?v=y6fijM5OzcA

[متذوق الشعر]

استغرابي ماهو السبب في تخصيص القرقاح من جميع الشعراء
كلهم لعبو واحيو حفلات ويش معنى اختص فلاح من بينهم ؟؟

وارى أن الموضوع ليس له اي قيمه حتى يطول النقاش فيه

[مجري الهياب]

الشعراء ارتبطو مع ناس في حفلات قبل الحفله بشهر يعني قبل وفاة سلطان

وراعي الحفل تخسر و تكلف و عزم تبي الشعراء يخلونه حتى لو انه تكلف و عزم حط مكانك في مكان

راع الحفل ؟؟


ولا احد يموت بموت احد والله يرحم امواتنا و اموات المسلمين

[فهيد مقعد الرويس]

استغفر الله العظيم يتباكا ماهو مجبور ياخوي انه يتباكا

واحيان الواحد وقت الحدث تخنقه العبره مثل مايقولون وبعد ينتهي الحديث عن الامر المحزن تنتهي العبره

ومثل ماقالو الاخوان المواعيد محجوزه من اول

والناس مالها الاالظاهر النوايا وخوافي القلوب لايعلمها الاالله

تحيتي

[عشير نشاما]

القرقاح من عامة الشعب أن غناء محد درا عنه وان تباكا محد داري عنه ... الشرهه على المسئولين او

الأمراء أو القاده في هذه المواقف ... أما العامه فهم عامه ...

[سيف شامان]

مافيها شيء أبد أبد

أغلب الحزن يكون في لحظة تلقي الخبر وبعدها بساعات وبعدها يبدأ وقع الخبر يخف على النفس


ما يطول البكاء إلاّ في وفاة اللي من لحمك ودمك ..

[خـال ـد]

من حفلة ليلة البارحة بالرياض:
بن عتقان:
سمعنا عبر الأمثال بدموع التماسيح
هذا مضرب مثل للعرب.. دقة قديمة
فلاح القرقاح:
ابن عتقان لا يرفعونه فوق ويطيح
هذا مسرح فخر ما هو بمسرح جريمة
؛؛؛
جوال أماسي

من نفس الحفل الي ذكرته وحضره القرقاح بن عتقان جاب البيت هذا وهو منقول من جوال اماسي وابن عتقان جاب المعنى نفس ماذكرت انا في عنوان موضوعي انا قلت يتباكا وهو قال دموع التماسيح وهذا تصديق لصحه كلامي وسلامتكم

[ابو هايل]

ايه لازم ذي البهارات على طول قصيده ثم دمعه ثم سووالف وهاتك من هالعلوم اللي الله اعلم معها

لا وفيه مقطع لواحد يتكلم باسلوب كيف حالكم يا طلاب ياحلوين عن الامير سلطان وفجاءة قام يجغر ويعيط





اختصار المقطع

http://www.youtube.com/watch?v=sUsN6jO9YtM&feature=related





المقطع كامل



http://www.youtube.com/watch?v=Yr9yFjmRDHw

[يوسف العازمي]

ههههههه


خالد عز الله جابها ابن عتقان ..

لكن اللي صدق يقهرني أن شعراء هذا الوقت ليسوا مثل شعراء قبل

لا يطابق كلامهم أفعالهم فأدى هذا الشيء لـ نقص هيبتهم ..

تلقاه في قصيدة يذم الهوا و يحرمه على نفسه و بعدها يجيب قصيدة غزل !!

بغض النظر عن القرقاح أنا أتكلم بشكل عام على الشعراء ..

لكن الله يرحم سلطان

[برق شمالي]

الله وحده يعلم بالنوايا .... سبحانه مايخفى عليه شي .


حضوره للحفل يمكن احتفال بتعيين نايف ولي للعهد :)

[عبد الرحمن العريفي]

الحي ابقى من الميت

وعلى ماقالو المصارية لاتخليها موت وخراب ديار
الشعار يترزقون الله باحيا الحفلات