حفلة اليخت الاخيره

[ابن مغير]

بسم الله الرحمن الرحيم



السلام عليكم ورحمة الله ووبركاته



يالربع احد عنده اي معلومه عن حفلة اليخت


الي يوم الخميس الي راح اظاهر


الي حظر فيها


سلطان الهاجري


وسفر الدغيلبي


ومرزوق المقاطي

وعبدالله عتقان


وابراهيم الشيخي

وسلطان الجلاوي




الي عنده اي معلومه يفيدنا بها


وسلام علاكم

[منيرالروقي]

نعم

حضرتها وحضرها جمهور غفير وصفوف قوية وصورتها قناة الساحه


الطاروق الأول رحب الهاجري وطلب الدغيلبي إبداااع

وهوطاروق الملعبه وطولو فيه وأظن معناهم عن ثورة الشيعه

الطاروق الثاني بين مرزوق المقاطي وشاعر اسمه عطاالله المطيري وفاشل ولاطول


الثالث بين الشيخي وابن عتقان وطاروق ممتاز أبدع فيه الشيخي ولحنه زين


الرابع قام الجلاوي وطلب الهاجري واللحن ماهوب جيد لكن لعبو قاف زوين ويبدو إن الجلاوي يقول للهاجري انت تحاربني


الخامس طاروق حماسي بين مرزوق وسفر استانسو منه الجمهور وتفاعلو وأظن معناهم خاص بينهم وفيه فكاهه


السادس رباعيه ابن عتقان ضدالهاجري والشيخي ضد الجلاوي وبصراحه وبشهادة من حضر أن ابن عتقان والجلاوي كانو في أسوأ حالاتهم خصوصا الجلاوي هجم على الشيخي وحط فيه إبراهيم كلام رغم ان فيه نزول إلا أنه أقو من ضرب السلاح ولم يوفق الجلاوي نهائيا


السابع قام سفر بموال يبي ابراهيم ومرزوق ضد الجلاوي والحقيقه إن سفر تقاضى في ابراهيم ومال عليه بقوه رغم ان الشيخي ماقصر لكن الغلبه لسفر بكل حيادية


الحفله ناجحه وجيده وستعرض قريبا

الدغيلبي والشيخي تفوق ملحوظ وتجديد وإبداع

الهاجري ومرزوق نفس المستوى لم يبدعو ولم يخسرو

الجلاوي وابن عتقان ركاكه متناهيه ومستوى سئ ولو لم يحضرو لكان أفضل لهما


وسلامتك

[محمد الذيابـــي]

,,


ننتظر التغطيه من الاخوان


,,,,,,,

[فهد علي العازمي]

جاك الخبر اليقين من منير

وفيت وكفيت يابن العم

والف شكر للجميع

[عبدالملك القاضي]

هلا بالاخوان

ياليت تزودونا بهذه الحفله

ايظا حفلة عروى بالعيد لازلنا ننتظرها وانا بحثت عنها ولم اجدها

[ابن مغير]

بيض الله وجهك يامنير


ولاهنتوا جميعا على المرور

[خـال ـد]

رباعية :
بن عتقان :
الا يالهاجري يالله لعلك تدخل الفردوس
لعلك تدخل الفردوس لو لابس كرفته
إبراهيم الشيخي :
الا يا حضرة حسب امري قيام جلوس
بعد ما شبت الفتنة حبال الوصل منبته
سلطان الهاجري :
تبا تضحك بضرس وبعدها تضحك بدون ضروس
تنام ولا صحيت ليا الضروس البيض منحته
سلطان الجلاوي :
تقوله وانت راسك ياولد زهران حدر الروس
تبا تفرد عضلاتك ولا عندك ولا حته

؛؛؛ هذا من نفس المحاوره ارسله علي واحد من خوياي
ولا اظن الاخ منير كان مركز باالحيل في بيوت الجلاوي لاني الي سمعته منها قوي بالحيل

[خـال ـد]

تكمله للرباعيه

بن عتقان :
منول يالهواجر كلكم ذباحة الجاموس
لكن اليوم في ساحل تهامة جتك منكته
سلطان الهاجري :
منول هل الحرة شيوخ تلحسون الموس
لكن اليوم من حصلت منكم بالقدم شته

؛؛؛

سلطان الجلاوي :
عليه بالحرام إني لا ادوسك في الملاقى دوس
ليا سليت سيفي يا ولد زهران وردته
إبراهيم الشيخي :
تحرم ما تحرم ما تسوي شي يالملحوس
مثل صفر الشمال ان ما نقص الرقم ما زدته

؛؛؛
واظن الي ناقلها اماسي حسب كلام خويي

[خالد السويداني القحطاني]

منير الروقي
كل كلامك في محله
سفر تقاضا من ابراهيم
تقاضي باهر
لاكن مرزووق المقاطي حشر سفر الدغيلبي
حشر غريب
نشب في حلقه
اخر شي يجيك سفر يمدح مرزووق
والحفله حليوه
حضوره ليس كثير
لاكن صفوفها واجد وشعار كويسين لاكن ليست المتوقعه
من شعارها
تحياتي

[المر العذب]

صراحه لم اسمع المحاوره
ولكن اتوقع ان ابراهيم الشيخي لاعب فيهم
حيث انه شاعر خطير ودائما مايكون سفر امامه في موقع ضعف ويجيب العيد بنفسه وهو مايدري
على سبيل المثل لا الحصر
في محاوره تابعتها قبل فترة على قناة الساحه كان فيها ابراهيم الشيخي وسفر الدغيلبي
ويلعبون موال قال سفر بالموال لشفتني يابراهيم غض البصر
قال البصر مايغض الا عن المره كما امرنا ديننا الحنيف . هههههههههههههههه
شوفوا كيف سفر ورط نفسه .

[خالد السويداني القحطاني]

صراحه انا اشوف ابراهيم دائم يحشر سفر
لاكن هالمره سبقه بها عكاشه
سفر يقول
ابراهيم مايمنع النضرات من حوله=ويعدها كلها نظرات شرعيه
بس سفر قال
لمرزوق المقاطي
يالعتيبي تراني ماحنا من عباد القروش اوحل الكلام هذا
رد مرزوق
قال والله انك تلحس العضم والعضم معرووووش
هههههههههههههههه

[بدوي مطنوخ]

بصراحه وش جاب لجاب

ياخوي سفر اذا حضر الحفله قومها ونجحت وصارت حفله ناجحه بكل امانه

مع احترامي للشيخي ماهوب بمستو سفر والدليل شف عدد حفلات كل ٍ منهم ..

الشيخي مشكلته المعنى يفووت عليه والمطبات تمر عليه سلام سلام ..

[قاسي العتيبي]

صراحه لم اسمع المحاوره
ولكن اتوقع ان ابراهيم الشيخي لاعب فيهم
حيث انه شاعر خطير ودائما مايكون سفر امامه في موقع ضعف ويجيب العيد بنفسه وهو مايدري
على سبيل المثل لا الحصر
في محاوره تابعتها قبل فترة على قناة الساحه كان فيها ابراهيم الشيخي وسفر الدغيلبي
ويلعبون موال قال سفر بالموال لشفتني يابراهيم غض البصر
قال البصر مايغض الا عن المره كما امرنا ديننا الحنيف . هههههههههههههههه
شوفوا كيف سفر ورط نفسه .

المر العذب ليتك تزودنا بمحاورة ابراهيم وسفر اللي تحدث عنها نبغاها كاملة حتى نستفيد لأن إدراجك لها بهذه الطريقة لاينفع