سفر و بن عتقان موال ساخن

[قاسي العتيبي]

سفر الدغيلبي
الليلة أهل الجنوب تحالف أهل الحجاز
هو قرب وألا جواز
لكن حنا بليا حلف ناسٍ عزاز
ماقدر الله يكون

تمشي جمال الرحل دايم جميع .. والذيب فالطرقة لحاله سرا
لموا بعضكم ونادوا بالفزيع .. ثم احذروا قدمكم طلعة كرا

بن عتقان
حنا بني عم مافينا نزاع ونفاق
ماهوب عقد اتفاق
ودعتك الله يامسافر وناو الفراق
ماقدر الله يكون

ياذيب يلي تشاهد كل ريع .. جيناك بالموت مير ارجع ورا
حنا ليا قام فارسنا شجيع .. مير انتبه للنهار الأقشرا

سفر الدغيلبي
هو جدك سليم بن منصور وألا غلط
الهرج لا يختلط
على قحطان الولد من دون دعوة قلط
ماقدر الله يكون

منسبك يمي وهرجك لايضيع .. ماغير عمك ظلال ولا ذرا
.................. مثل شالح والفديع .. لكن قشران والضلع أقشرا

بن عتقان
سليم جدي ولد منصور بن عكرمه
هذا الكلام أفهمه
وأنته عتيبي ودمي مايخالط دمه
ماقدر الله يكون

احترت الشمس سمنك لايميع .. يلصق كلامك ملاصيق الغرا
والنعم فيهم وأنا بالي وسيع .. وألا أنت من حضرتك يالأحمرا

سفر الدغيلبي
إن مابغيت العتيبي من قشرك وعناك
قحطان تبحث خفاك
عفناك عفناك مادام العبيدي يباك
ماقدر الله يكون

جونا عبيدة وقالوا من يبيع .. قلنا خذوهم بليا مشترى
نعم القبايل شتاء وألا ربيع .. ألا أنت يا أبا الحصين الأزهرا

بن عتقان
حنا صحابة رسول الله طوال اليمان
شجعان مثل قحطان
وأنته لحالك تهمل من مكان لمكان
ماقدر الله يكون
ياليت وإن الأذاعة ماتذيع .. مذيع تعبان والعم أعورى
.......................................... فتش جيوبك ليا رد البرا

سفر الدغيلبي
ايه إركد ودل دربك وإخذها فالصميم
جمرة وقطعة جحيم
بعدين لاتخلط أنساب قحطان بسليم
ما قدر الله يكون

حمّلتك الصدق مالا تستطيع .. ياثقل مسراك يم أم القرى
دايم لاعذبت تعذيبي شنيع .. أمرٍ من الله خلاّق الورى

بن عتقان
يا أصحابنا قبل لايهرج بكم ضيفكم
ما أنا على كيفكم
في غزوة الحرة اللي منكسر سيفكم
ماقدر الله يكون

الكلمة اللي يدربيها صديع .. نحفر لها متر من تحت الثرى

[محمد الذيابـــي]

,’


لاهنت يالغالي.


,’

[مهنـا العتيبي]

شكرااااااااااااااااااا لك

[ابو فايح]

لاهنت يا قاسي

مشكله اذا الشاعر وضع نفسه في موقف ضعيف



سفر الدغيلبي أحرج ابن عتقان


المعروف أن هوزان وسليم أبناء منصور بن عكرمه


اذا عتيبه أقرب لسليم من قحطان


لو في مكان ابن عتقان شاعر قوي لتخلص من الموقف بذكاء

ولكن ابن عتقان أخذ يلت ويعجن في الطاروق حتى نهايته

[ماجد العصيمي]

اكلها مفلفله ابن عتقان هههههههه

[رائد الكيرعاني القحطاني]

ودّي ان صقر سليم محل عبدالله في هالطارووق





سفر من الشعراء الاذكياء جدّا اللي يستغل عثرات خصمه






لاهنت

[ولدعساف]

دايم لاعذبت تعذيبي شنيع .. أمرٍ من الله خلاّق الورى

هههههههههههههههههه


صح لسان الداهية سفر وصح لسان ابن عتقان

سلمت وعلى النقل لاهنت

[قاسي العتيبي]

كل الشكر لكم كلكم على مروركم وتفاعلكم مع الموضوع المطروح

[عمر الحصيني]

وبهذه الملعبة يثبت معجزة الشعر وحلم عتيبة / سفر الدغيلبي بأنه رجل ثقافة عالية، وإطلاع واسع، بعكس غيره بالرغم أنهما متقاربان بالسن !!

يظل حلم عتيبة خارج حدود سيطرة الشعر التقليدي، بل هو رجل شعر متطور وحديث جداً !!

صحت الألسن، وصحت القلوب، وشكرا يا صاحب الموضوع لإظهار جانب من جوانب شعر حلم عتيبة سفر الدغيلبي الكثيرة والمتعددة.

ود و ورد


صادق الإحساس

[قاسي العتيبي]

عمر الحصيني شكراً لك على مرورك الكريم

[بدوي مطنوخ]

غريبه هالمره مستوى ابن عتقان متداني وكأنه لايعرف النسب

اهني سفر الدغيلبي على شاعريته .. وفقه الله ,,

الفرق واضح بينهم .. ابيات سفر قوويه بعكس ابن عتقان


الله يوفق الجميع ..

[طلب الشيباني]

من هالموآل أثبت عبدالله بن عتقآن ضعف شآعريته ..



فأبيآته كأبيات المبتدي بالشعر .. وصراحة للأمآنه أنا لم أقتنع به بتآتا ..




سفر الدغيلبي .. الشهاده به مجروحه بالفعل أسد المحآوره أبو سعد وبالتوفيق له ..





مشكور قآسي ..





تحيآتي ..