ابليس الامحق لارحم جد مجناه

[عبدالعزيز بن جودان الرويس]

ياكثر مانشكـي ونخفـي وجعنـا=دنيا تسيرنا علـى غيـر مشهـاه
وياكثـر ماشفنـا وفيهـا سمعنـا=لكن ننسـى كـل علـمٍ سمعنـاه
ودنيـاك هـذي مالهـا اي معنـا=الا بذكر الله وفي طلبـة رضـاه
واذا تركنا الديـن يانـاس ضعنـا=وصرنا سواة اللي نقل داه بـرداه
تدرون وشهي مشكلـة مجتمعنـا=ماننصح المخطي لجل يترك اخطاه
وتدرون ويش اللي بمشيه خدعنـا=ابليس الامحق لارحم جد مجنـاه
ملعون عن درب الفضايل منعنـا=والتايه الضايـع يسـوي سوايـاه
مايتركك لو قلـت يابليـس دعنـا=مايتركـك مادمـت ماتـذكـر الله
واكبر مصيبه يوم نتـرك سنعنـا=والشخص يغرق في ملذات دنيـاه
وحنـا ترانـا فالخطايـا وقعـنـا=لكن رب البيت يغفر لمـن جـاه

[فهد الفهد]

مشكور اخوي

تقبل تحيات اخوك/ فهد الفهد

[مرزوق حمدان العتيبي]

...
لكن رب البيت يغفر لمن جاااااااه
سبحانه هو اهل التقوىواهل المغفره...
صح لسانك يابو سعود... اشهد بالله انك مبدع واكثر ..
تحياتي

[** البرقاوي**]

اخي عبدالعزيز

ماذا عساي اقول في ابداعك المستمر

قصيدة رائعه واروع من رائعه

قصيدة تخجل بعض القصائد منها اذا تظرت اليها

لااستطيع الا ان اقول من قلب صادق صح لسانك

والله يعطيك العافيه والى الافضل واعتلاء القمه دائماً


تقبل فائق تحياتي النجم المعتلي

[علي فلاح العضياني]

يارياجيل هذا حكيم زمانه اللي يقولونه اي وعلي الحرام انه هو( سبحان الله )


لاتحرمنا من ابداعاتك الله لايحرمك الجنه ؛؛؛ قولوا آمين آمين


اخوك الفالح

[فــزٌاع]

السلام عليكم ورحمة الله وبركاتة

صح لسانك وجاد بيانك اخوي عبدالعزيز

وكثر الله من امثالك

فعلا كلمات تستحق الشكر عليها

دمت لنا دوم الحياة

اخوك فــزّاع ........

[عبدالعزيز بن جودان الرويس]

فهد الفهد
لاهنت شكرا لمرورك
تسلم يالغالي

[عبدالعزيز بن جودان الرويس]

الشاعر والاستاذ مرزوق
صح بدنك
وهذي شهاده اعتز فيها من شاعر بحجمك
لا هنت يابو محمد

[عبدالعزيز بن جودان الرويس]

النجم المعتلي
شكرا لك على هالاطراء الجميل
واتمنا اني استطيع ان اقدم مايليق بهذا الصرح الشامخ من قصيد
شكرا لك ياعزيزي
وتسلم لخوك عبد العزيز

[عبدالعزيز بن جودان الرويس]

الفالح شاعر القلطه المبدع
ارحب
تواجدك نور المتصفح
لاهنت يابو فلاح على هالمديح وماعليك زود
تحياتي لك

[عبدالعزيز بن جودان الرويس]

فزاع
لاهنت وصح بدنك
تسلم يالغالي
شكرا لك على مرورك وتعطيرك لمتصفحي
تحياتي لك

[أسعدي الزلفي]

عبدالعزيز ..

صح لساانك .. ابيات في قمة الروعه والجمال ..

معاني جزله .. وكلام قيم ..

ننتظر جديدك ..

=======

أسعدي الزلفي

[عبدالعزيز بن جودان الرويس]

اسعدي الزلفي
لاهنت على مرورك
والروعه والجمال في ذوقك العالي
بس بشرني عن السبله عساها سالت
وعسا شعيب مرخ مشا من المطر اللي امس
انا جتني علوم ان سمار وداعان ممطور
لاهنت يبن العم والجار
تسلم

[أبو فيصل]

ودنيـاك هـذي مالهـا اي معنـا=الا بذكر الله وفي طلبـة رضـاه

أنا أشهد

صح لسااااااانك ياعبدالعزيز

والله ابدعت

لاهنت يالغالي و الله يعطيك العافية

تحياتي

[المهنّــــد]

جزل وشاعر لك تميزك
ياعبد العزيز صح لسانك.

[مروي العطاشا]

صح لسانك يالشاعر عبدالعزيز

[عبدالعزيز بن جودان الرويس]

فهد الشيباني
المهند
مروي العطاشا
صحت ابدانكم جميعا ولا هنتو على الاطلاع

[مخلف الهقاوي]

صح لساانك يابن جودان

روعه وحكمه وابداع

لله درك

:)

[عيضه الثبيتي]

صح لسانك يابن جودان


مبدع


لله درك



تحياتي

[عبدالعزيز بن جودان الرويس]

محلف الهقاوي
صح بدنك يالغالي
تسلم على مرورك
تحياتي لك

[عبدالعزيز بن جودان الرويس]

عيضه تسلم وشكرا لك على مرورك
تحياتي لك

[أبو نجر النفيعي]

..

عبدالعزيز بن جودان .. اسم مبدع في كلتا مجالين الشعر ( القلطه , النظم )

صح لسانك على الجزله ولاغرابه من جزالت راعيها ..

كتبت فأبدعت ياعبدالعزيز ..

وما زلنا متشوقين لابداعاتك القادمه ..

:)

أخوك/ أبو نجر .

[عبدالعزيز بن جودان الرويس]

ابو نجر النفيعي
صح بدنك
شكرا لك على الاطراء الجميل
وهذي شهاده اعتز فيها من شاعر بحجمك
تحياتي

[نايف بن ملحق الثعلي]

ابداع ابداع يا بن جودان قصيده اكثر من رائعه000


الله يعطيك العافيه00




تحياتي لك000

[محمد بن ناصر الثبيتي]

بيض الله وجهك يابن جودان

وصح لسانك,,,,,

والله يجزاك خير’’’’’’’’’’’’’’

[عبدالعزيز بن جودان الرويس]

نايف الروقي
سلمت على مرورك
تحياتي لك

[عبدالعزيز بن جودان الرويس]

ابو ناصر
لا هنت وتسلم يالغالي
صح بدنك
شكرا لك على مرورك
تحياتي لك