طلب المشورة من الجميع

[ولـــد السلاطين]

السلام عليكم ورحمة الله وبركاته

اعود بعد غياب عن منتدى عزيز على قلبي وله ذكريات جميلة ولولا الظروف ما ابعدت عنه :)

عندنا حفلة زواج بعد 4 اشهر ان شاء الله واريد منكم طلب المشورة في اختيار 3 شعراء او اربعة

واريد معرفة كلفة حضور كل من الشعراء .. حبيب العازمي .. محمد السناني .. حمود السمي ... العمى الذيابي .. فواز العزيزي .. حزام العصيمي

وكذلك اريد معرفة كم تكلفة تغطية قناة المرقاب لتغطية الزواج وكم رقم الحجز للقناة

مع العلم ان الزواج سيكون في عفيف وسيحضره شيوخ من القبيلة ومن القبائل الاخرى

رايكم يهمني كثيرا لاعدمتكم

ارجو المشورة والعلم الاكيد وبارك الله فيكم

[مهجرس]

اولاً - الف الف مبروك الزواج .

ثانياً - من وجهة نظري دعوة كل من الشعراء:-


1- حبيب العازمي 2- راشد السحيمي 3- سفر الدغيلبي.

ثالثاً - لايزيدون الشعراء عن ثلاثة حتى تكون ليلة حماسية .

رابعاً- ذكرت لك هؤلاء الشعراء للأسباب التالية :

(أ) راشد مع حبيب شعراء معنى بعيدين عن المهاترات و يجيدون لعب الشقر100% .

(ب) لعب سفر مع حبيب و راشد السحيمي له نكهة غيييييير و تحس ان تتذوّق طعم الشعر الحقيقي.

(ج) الرأي الاول و الاخير يعود لك شخصياً.

[ولـــد السلاطين]

الله يبارك فيك يامهجرس

ورايك على العين والراس

ولكن ماهي تكلفة الشعراء الذين ذكرتهم

انا يهمني التكلفة فيي الاول والاخير اما من ناحية اختيار الشعراء فشبه محسومة ستكون لثلاثة

وكذلك تكلفة تغطية قناة المرقاب

[مهجرس]

الله يبارك فيك يامهجرس

ورايك على العين والراس

ولكن ماهي تكلفة الشعراء الذين ذكرتهم

انا يهمني التكلفة فيي الاول والاخير اما من ناحية اختيار الشعراء فشبه محسومة ستكون لثلاثة

وكذلك تكلفة تغطية قناة المرقاب


هلابك ياولد السلاطين

تكلفة هؤلاء الشعراء معروفة لاتقل عن 10000 عشرة الاف ريال للشاعر الواحد . و هذا اقل تقدير

أما القناة فأتوقع انها حوالي 10000 آلاف ريال.
يعني تكاليف شعراء المحاورة و القناة و الصفوف و وووووو .....الخ . احسب على 50000 الف ريال

لإذا كانوا من كبار الشعراء

[العفريت]

مبروك الزواج والله يكتب لك الخير


اذا كنت مصمم على عزيمه الشعراء

رايي يكونوا

مستور العصيمي - حبيب العازمي - عبدالله العمى - راشد السحيمي

ذولا الشعراء

والله يوفقك اولا واخيرا

تحياتي

[الكاايد]

الله يتمم لكم على خير ومبروك مقدماً

ان طعت شوري :)

مستور وحبيب وحمدان العصيمي وعبدالعزيز العازمي

وادع لي

[محمد المرشدي]

تبا رايي



حبيب وراشد وسفر ومحمد السناني




والقناه المرقاب تجي ب20000



وشف هالمقطع الدقيقه 5 و 25 ثانيه

http://www.youtube.com/watch?v=byb9tNnf_EU&feature=player_embedded



ومبروك حفلكم مقدما والله يتمم على خير

[محمدالنفيلي الحربي]

والله ان كان تبي الراي الذي عندي خل 50000 في جيبك ربما تجي لها حاجه أهم من الشعراء والقناه وش انا اخوك الفائده تبي تحصل تبي تحصل كلمة وحده ( مرحبا عند شيخاً ) حتى لو مانت شيخ هذه والمه وش تستفيد . بعد متشبعهم من نعمة الله باخر الليل وقت تهجد قاموا يصايحون والصفوف تنقز حتى يذن الفجر هذه نصيحتي وانت صاحب القرار

[الجوراسي]

حياك الله يابدر

علاك بحبيب ومستور ورشيد وبس

[الشخص العاقل]

راشد السحيمي وحبيب العازمي وسفر الدغيلبي والهاجري سلطان


ســــ تكون حفله غير راشد ملك نقض وتوقع اي نقض يأتيك


وحبيب كنق المحاوره وملحها والله وسفر راعي مصادمات قويه والهاجري كذلك




والراي لك وانا اخوك أما القناه الله أعلم كم

[الحسيب]

تبا رايي



حبيب وراشد وسفر ومحمد السناني




والقناه المرقاب تجي ب20000



وشف هالمقطع الدقيقه 5 و 25 ثانيه

http://www.youtube.com/watch?v=byb9tNnf_EU&feature=player_embedded



ومبروك حفلكم مقدما والله يتمم على خير


يلووووموني في حبيب

[سطوع الإبداع]

حبيب والسناني وراشد وسفر


كل الاربعه محاوراتهم ناريه ومعنى وبعيد عن المهاترات

[محمد الذيابـــي]

لاهنت يالغالي

[فهد علي العازمي]

ألف مبرووووووك

ونصيحتي لك

لايطبّة لو شاعر محاورة

[فيصل بن فهد الجهني]

حي الليل اللي يجمع :

محمد السناني و رشيد الزلامي و مستور العصيمي و حبيب العازمي


اشهد بالله انها بتكون ليله عالميه


و عسى الله يبارك لكم في ما سويتوا

[صريح وجريح]

الف مبرروووك مقدما

اسأل الله ان يتممه على خير


اضم صوتي لمن قال ( خل فلوسك في جيبك ) وراك شهر عسل وهدايا و عشوات بمطاعم وووو

ولا راح ينفعونك والله بشي .. الا يمكن تكسب اثمهم .....

وفقك الله

[قاسي العتيبي]

شوري عليك إنك تقدح الرأي من رأسك
هذا يقول فلان وهذا يقول فلان من تسمع في كلام الناس ضاع

[فهد الزهراني]

اولا الف مبروك...

ثانيا: ان كان الاسعار المذكورة حقيقية فالله لك الحمد ...ولك الشكر بما انك طلبت النصيحة.....فأنصحك اول شي توفر هذا المبلغ افضل ...وتنفقه فيما ينفعك ..

وان كان ولا بد ...فمن ذكره الاخوة فيهم الخير والبركة..

ولا اخفيك هناك قائمة من الشعراء واحيانا يكون في قمة حضورهم وعطائهم واحيانا حتى هذه الاسماء تخذلك بحضور بارد وغير متوقع.

والله يعطيك العافية ويوفقكم ويتم افراحكم

[ولـــد السلاطين]

الله يعطيكم العافية على التجاوب وابداء الراي

اذا كان فعلا المرقاب بــ 20 الف ريال سوف الغي فكرة القناة واكتفي بشاعرين

والى الان لا اعرف الاسعار الاكيدة

[طلب الشيباني]

أخوي المحاوره بتكلفك كثير واذا ما عندك قدره ماديه لا تحطها ..



فأذا تبينا نحسبها بنحسبها لك القناه بتكون ب 10 الاف ..




والصفوف الواحد ب 300 ريال واحسب بتجيب ثلاثين يعني 6 الاف ..



ولو بتجيب اربعه بتجيبهم من عشره يعني 40 الف ..




يعني بيكلف حوالي 60 الف ..




فأذا أنت تلقاها ومتيسره لديك فلا تبدي على كلام الشخص العاقل أحد ..




حبيب والهاجري وسفر وراشد السحيمي ..



تحياتي

[فهد الزهراني]

شف يالغالي انا شفت مقابلة للشيخي في قناة شموس يوم العيد الوطني السعودي سألوه عن القلطة والعرضة من ناحية المكأفأة فقال تقريبا نفس الشي هنا وهناك...

اذا اجابتك الشيخي على وجهها فأنا اعرف ان شعراء العرضة يعطون من 5 الى 7 الاف ونادرا ما يعطون اكثر من ذلك الا اذا كان في مدينة بعيدة ...

اعتقد بين 5 الاف و 7 الاف وتقدر تتأكد بسهولة من خلال الاتصال على مكاتب الشعراء الكثيرة...

تحياتي لك

[سعد بن مطلق المقاطي]

السلام عليكم ورحمة الله وبركاته

اعود بعد غياب عن منتدى عزيز على قلبي وله ذكريات جميلة ولولا الظروف ما ابعدت عنه :)

عندنا حفلة زواج بعد 4 اشهر ان شاء الله واريد منكم طلب المشورة في اختيار 3 شعراء او اربعة

واريد معرفة كلفة حضور كل من الشعراء .. حبيب العازمي .. محمد السناني .. حمود السمي ... العمى الذيابي .. فواز العزيزي .. حزام العصيمي

وكذلك اريد معرفة كم تكلفة تغطية قناة المرقاب لتغطية الزواج وكم رقم الحجز للقناة

مع العلم ان الزواج سيكون في عفيف وسيحضره شيوخ من القبيلة ومن القبائل الاخرى

رايكم يهمني كثيرا لاعدمتكم

ارجو المشورة والعلم الاكيد وبارك الله فيكم

عليكم السلام ورحمة الله وبركاته بما انك طلبت المشوره ياخي في الله عليك باللي يرضي الله

المحاوره ماوراه الا الاثم جبلك شيخ علم يلقي كلمه ويدعي لكم واذا مجبور في الشعر اء فى الامسيه


توفي الغرض وشعراء الامسيه ماعندهم شتايم ولا تحمل اثم الجمهور في السهر وراي لك

[بدر الشلوي]

شف يالغالي انا شفت مقابلة للشيخي في قناة شموس يوم العيد الوطني السعودي سألوه عن القلطة والعرضة من ناحية المكأفأة فقال تقريبا نفس الشي هنا وهناك...

اذا اجابتك الشيخي على وجهها فأنا اعرف ان شعراء العرضة يعطون من 5 الى 7 الاف ونادرا ما يعطون اكثر من ذلك الا اذا كان في مدينة بعيدة ...

اعتقد بين 5 الاف و 7 الاف وتقدر تتأكد بسهولة من خلال الاتصال على مكاتب الشعراء الكثيرة...

تحياتي لك

الأخ فهد الزهراني...


أسعد الله مساك بكل خير...


شعراء المحاوره ياخذون مبالغ أكثر بكثير من شعراء العرضه وأنا على معرفه تامه بالمبالغ التي يحصلون عليها شعراء العرضه بكحم قربي من بعض المكاتب التي تنسق الحفلات...


صاحب الحفله إذا أنت مقتدر وعندك فلوس مشورتي(مصلح بن عياد_حبيب العازمي_مستور العصيمي_محمد السناني)وأنا أضمنها لك...

[ولـــد السلاطين]

الله يجزاكم خير والله يعطي العافيه كل من رد وعطاني رايه

قناة المرقاب بـ 20 ولا بـ 10 ؟؟

هناك اختلاف في التقدير بالنسبة للقناة وكذلك الشعراء

اما من ناحية التكاليف والله رايكم اني احط الفلوس في جيبي ابرك انا معه بس هي ليلة وحده في العمر لازم تكون غير غير بكل شي حتى لو كلفت

ومازلت محتاج الخبر اليقين بخصوص القناة اهم شي وتكاليف الشعراء

ولو تقترحون علي قناة ارخص واحسن من المرقب ؟؟ ؟

[فهد الزهراني]

أبحاول اجيب لك الخبر من مصدر مآثوق ان شاء الله تعالى بكره بحول الله وقوته

بخصوص الشعراء وبخصوص القنوات

وفالكم التوفيق الدائم

[ولـــد السلاطين]

أبحاول اجيب لك الخبر من مصدر مآثوق ان شاء الله تعالى بكره بحول الله وقوته

بخصوص الشعراء وبخصوص القنوات

وفالكم التوفيق الدائم


بيض الله وجهك يافهد الزهراني وكفووو ولا يهون الباقين والي عنده شي لايبخل علينا

[مصر]

إن أردت أن تقيم حفل محاورة فاستبعد شعراء المهاترات والكلام السطحي ومنهم الأعمى الذيابي ، وإن أردت أن توفر فلوسك فأنت أولى بها من بائعي الكلام (شعراء المحاورة).

[المر العذب]

اخي الكريم اذا كنت صامل على دعوة شعراء المحاوره
انصحك في الاسماء التاليه ( حبيب العازمي + محمد السناني + راشد السحيمي + ملفي المورقي )
صدقني رايح تكون حفله قمه خصوصا حبيب والسناني دايم يكون لعبهم قوي
القناة عليك في قناة المرقاب او صدى
طبعا هناك قناة الساحه قويه ولكن حبيب لا يحضر بوجود هذه القناه
وكذلك هناك شعراء لو حضرو مع حبيب رايح يكون الحفل يحضى بمتابعة جماهيريه كبيره
ولكن لا اعتقد حضور حبيب في حالة حضورهم مثل ( ابن شايق او تركي الميزاني ) والعكس صحيح

[فهد الزهراني]

أخي الغالي

حسب الاتصال بأحد الاخوة والذي له علاقة بالشعر والمكاتب افاد بأن السعر يختلف من منطقة الى اخرى للقنوات وللشعراء

ولكن بشكل تقريبي

يقول في الرياض ::

الساحة تحضر ب15 ريال والشعراء يحضرون بعشرة الاف وفي حالة كان الشاعر عنده حفلات قبلها في الرياض فأنه بالامكان الحضور بسعر اقل في حدود 8 الاف الى 9 الاف.

المرقاب من 10 الاف الى 12 الف.

صدى ب 6 الاف

الاماكن بحدود 7 الاف

بما أن الزواج في عفيف فأعتقد والله ان تكلفة القناة راح تزيد من الفين الى ثلاثة الاف ...

وبخصوص الشعراء لا اعلم عن امكان سكنهم ولكن من كان منهم قريب من الديرة اكيد بيحضر بسعر اقل ولكن كسعر تقريبي حط في ميزانيتك 10 الف.

هذا اللي توصلت به لافيدك به

وللأمانه استخيروا مثلما ذكر بعض الاخوة ....والامر عائد اليكم وان كان المبلغ هذا يستفيد منه العريس في امور حياته من سكن واثاث وتمشيات في شهر العسل فهو اولى به وان كان الحال ميسور ومصرين على الفرح فالله اسأل ان يكتب لكم اللي فيه الخير ويتمم افراحكم على خير

تحياتي لك

[العنادي تو]

الله يعينك


حبيب يجي بسبعه او ثمانيه الاف

سفر يجي يثمانيه الاف

الجلاوي يجي بثمانيه الاف

سلطان الهاجري يجي بعشرة الاف

مستور العصيمي يجي بخمسه او سته

مصلح بن عياد يجي بخمسه

محمد السناني يجي بسته الاف

مرزوق المقاطي يجي بسته الاف

حمود السمي بخمسه او سته الاف

سلطان المنصوري يجي بخمسه الاف


هذا في الطائف اما المناطق الثانيه لااعلم عنها

والسعر يختلف حسب المنطقه وبعد الشاعر عنها




وانصحك نصيحه لوجه الله انك ماتجيب احد

لانها كلها مجاملات ونفاق



والراي بالاول والاخير لك

[ولـــد السلاطين]

أخي الغالي

حسب الاتصال بأحد الاخوة والذي له علاقة بالشعر والمكاتب افاد بأن السعر يختلف من منطقة الى اخرى للقنوات وللشعراء

ولكن بشكل تقريبي

يقول في الرياض ::

الساحة تحضر ب15 ريال والشعراء يحضرون بعشرة الاف وفي حالة كان الشاعر عنده حفلات قبلها في الرياض فأنه بالامكان الحضور بسعر اقل في حدود 8 الاف الى 9 الاف.

المرقاب من 10 الاف الى 12 الف.

صدى ب 6 الاف

الاماكن بحدود 7 الاف

بما أن الزواج في عفيف فأعتقد والله ان تكلفة القناة راح تزيد من الفين الى ثلاثة الاف ...

وبخصوص الشعراء لا اعلم عن امكان سكنهم ولكن من كان منهم قريب من الديرة اكيد بيحضر بسعر اقل ولكن كسعر تقريبي حط في ميزانيتك 10 الف.

هذا اللي توصلت به لافيدك به

وللأمانه استخيروا مثلما ذكر بعض الاخوة ....والامر عائد اليكم وان كان المبلغ هذا يستفيد منه العريس في امور حياته من سكن واثاث وتمشيات في شهر العسل فهو اولى به وان كان الحال ميسور ومصرين على الفرح فالله اسأل ان يكتب لكم اللي فيه الخير ويتمم افراحكم على خير

تحياتي لك

الله يبيض وجهك يابن زهران

عز الله انك كفو ولا يهون باقي الاخوان ماقصرتوا والله وافين والله يوفقكم