زبن القاضي وابراهيم الشيخي

[ابو فايح]

الأسبوع الماضي كان هناك حفله فالرياص

جمعت ملفي المورقي وابراهيم الشيخي وزبن القاضي وسلطان الجلاوي

بحثت عن الحفله كثيرا لأني شغوف بسماع طاروق بين ملفي المورقي وزبن القاضي

ولكن للأسف لم يتواجها ضد بعضهم في طواريق تلك الملعبه


مما راق لي من الملعبه طاروق جمع بين زبن القاضي وابرهيم الشيخي وشد إنتباهي فيه قوة الحده بين الشاعرين وعدم المجامله بينهم حتى نهاية الطاروق



زبن القاضي


هلا بالشيخي اللي غايبن عامين ماشفناه=لكنه يذكرونه بين الاردن والسعوديه
يدور له شهاده وده يعود بوجه وجاه=لكن المشكله كان الشهاده جات ملغيه




ابراهيم الشيخي
يدوم الك البقا يالشاعر اللي سرنا لقياه=واظنه ما يباعد من عفيف اليا البجاديه
انا ماهمني بعض الاوادم وزعله ورضاه=ليا جبت الشهاده تعتبر ميه على ميه




زبن القاضي
يابن زهران كل انسان مرجاعه على مرباه=ومرجاع الجنوبي دايمن يم الجنوبيه
عليك وصاه لاتزعل ترى معنا عليك وصاه=شهاده من رشيد وتعتبر رخصه دوليه





ابراهيم الشيخي
انا ماني بخبل ايقال له يامقرب معشاه=ابوج الارض طول وعرض لين تكل رجليه
انا اكبر من لقب يازبن تسعاله وتتمناه=لكن الميته في قبرها ماعودت حيه




زبن القاضي
حماك الله ياموهوب يامبدع حماك الله=انا خابرك زهراني معك سرعه جنونيه
هذاه اسم ً يشرفني ولانت بفاهمن معناه=على هونك وفكر فالحركات الحضاريه





ابراهيم الشيخي


انا ماضلمك يالقاضي وغيرك بالبلاد قضاه=ولونك مسوي محكمه ماهيب شرعيه
بلشنا في ربيع القوم بين خريم والتنهاه=وابا اسوي لحل المشكله لجنه عموميه





زبن القاضي


عتيبه كلهم شجعان مافينا عيال رعاه=شيوخ ً كلنا نحكم على الناس الحراميه
لاتبلش كل مرضانن يبا يصبر على حماه=وحنا روق مانقبل من اهل الحسد جاهيه




ابراهيم الشيخي
غزاء حمزه بفرده مير ثار الفرد في مخباه=اثر حمزه على ماقيل منتهي الصلاحيه

[مهجرس]

محاورة ممتعة

مشكور يا بو فايح على النقل

[سيف شامان]

طاروق رائع

معناه حسب ما فهمت حول شهادة رشيد للشيخي ولقب شاعر الهيلا

بيوت القاضي الاولى اضنها ترمز محاولة الشيخي المشاركة في مهرجان الاردن ولا ادري ان كان شارك ام لا

[عبدالملك القاضي]

محاوره قمه وجميعهم تميزو..

واخر الطاروق يدور حول شاعر الهيلا..

رغم اني اللعب على المعنى المكشوف يفقد المحاوره قيمتها

ألا أن الطاورق مميز..


الله يعطيك العافيه يبو فايح..اختيار موفق

[محمد الذيابـــي]

مشكور يابو فايح


طاروق رائع ولو انه قصير وسطحي نوعاً ما.

[الحسيب]

اللعب مكشوف وسطحي جدا وغريبه ماهي عادة زبن

[الكاايد]

يدور له شهاده وده يعود بوجه وجـاه
لكن المشكله كان الشهاده جات ملغيـه

داهيه القاضي :)

والشيخي مُبدع لكن ماخصم في البيت اعلاه

لاهنت يابو فايح على المحاورة الطيبه ..

[فيصل بن فهد الجهني]

محاوره جميله رغم سطحيتها


نديه قويه بين الشاعرين


كلهم مشهود لهم .. الشيخي شهد له الزلامي .. و القاضي شهد له العصيمي


و الزلامي والعصيمي ما يشهدون الا للي يشوفون انه شاعر بمعنى الكلمه


و يستاهلون .. شعراء شباب .. اثبتوا وجودهم بين الكبار


لا هنت يا ابو فايح على ذا الطاروق

[خالد السويداني القحطاني]

الله الله
مبدعين مبدعين
للغايه
ولاهنت يا ابوفايح
(_^)

[قاسي العتيبي]

أنا ماني بخبل يقال له يامقرب معشاه
أبوج الأرض طول وعرض لين تكل رجليه

الله الله يا إبراهيم على هالبيت الدولي اللي يازن بيوت المحاورة كلها

[فهد الزهراني]

المحاورة جميلة

وليست فيها سطحية بشكل يعيبها...

ونحن نعلم ان النسبة العظمى من متابعي المحاورات والشعر ليس لديهم خلفية كاملة عن المعنى وطرق دفنه فأرضائهم وتوجيه بعض المحاورات لتكون اقرب الى معرفتهم مطلب من الشعار...

لكي نعرف كيف يفتل وينقض الشاعر على شي نعرفه ونميزه ...وبالتالي يسهل التعمق والسبر في معاني المحاورات ..

الاردن والسعودية اعتقد (العرضة والقلطة)

تحياتي للجميع

[ابو فايح]

حيالله الجميع وأرائهم على العين والرأس

أبيات هذا الطاروق لا أرى فيها سطحيه أغلب الأبيات في ألفاظها سم شعري مثلا



الإردن والسعوديه ( دراسة الشيخي فالإردن للحصول على الماجستير )

يدور له شهاده وده يعود بوجه وجـاه ( كأنه يقول أنه بلا وجه وجاه الأن )

واظنه ما يباعد من عفيف اليا البجاديه ( فقط في دياره ولا يبتعد عن ربعه )

ومرجاع الجنوبي دايمـن يـم الجنوبيـه ( أمه أو إمرأته أو ديرته وأنه لن يجلب مجد يخلد له )

انا ماني بخبل ايقال له يامقـرب معشـاه ( من هو القريب معشاه أو طموحه في ظاهر البيت !!)

ولونك مسوي محكمه ماهيـب شرعيـه ( هيلمه إعلاميه ليست على حق )

وابا اسوي لحل المشكله لجنه عموميـه ( اللقب بين المورقي وزبن )

[الرحاال]

يعطيك العافيه يابو فايح وطاروق كايف ..

[فهد الزهراني]

هلا بك ابوفايح

اكيد كلنا ندري ان البيت يرمز بدراسة الشيخي في الاردن ولكن ...نقصد ماهو المعنى اعتقد انه يقصد تردد الشيخ بين حفلات القلطة والعرضة لاثبات وجودة وتسجيل اسمه ضمن عمالقة الفنين...

بالمناسبة ابوخليل سيناقش رسالة الماجستير في نهاية هذا الترم دعواتنا له بالتوفيق

[سعد بن مناحي بن شفلوت]

اعتقد الشيخي يدرس في الاردن

سلمت يمناك وابيض وجه

تقبل تحياتي

[مهنـا العتيبي]

محاورة عاديه والمعاني مكشوفه

[بن رفااع]

يعطيك العافية على النقل

[السامي الجعيد]

طــــــــــــــــــارووق فايف ستار


مشكووور يابوو فايح لاهنت

[مشاري الكرشمي]

ابوفايح الله يعطيك العافيه

اختيار رائع والطاروق رائع والقاضي والشيخي شعراء مميزين