منيف منقره وزيد العضيله طاروق كايف وجديد

[الحاكم الحبيب]

السلام عليكم ورحمة الله وبركاته..
افيدكم بان لدي 3محاورات للشاعر منيف منقره مع الشاعر الكبير زيد العضيله عباره عن طاروقين وموال بالاضافه الى طاروق لمنيف مع ابن عتقان كلها جديده جدا في اللي قبل اسبوعين وفيه اللي قبل شهرين والاهم ان من ضمنها طاروق لابو مناحي مع عضو لجنة شاعر المعنى سلطان الهاجري وودي اطرحها فديو ولكن للاسف لا املك المعرفه فمن لديه الخبره ارجو الافادة عن طريقة تحميل المحاورات على الموقع حتى نرى تقيم الاعضاء للمستوى الرفيع والبعد في المعاني وقوة الابيات لفظا ومعنى من قبل منيف ومن قبل الشعراء الاخرين..
كما احب ان اذكر لكم بعضا من هذه المحاورات حصريا للموقع..
نبدأ مع الشاعر الكبير زيد العضيله والذي يكن له منيف كل الاحترام والتقدير على الصعيد الشخصي وعلى صعيد المحاوره..
البدايه مع العضيله في القصيم - الرس:
هلا يامرحبا مليون وزياده على المليون..........اقدمها وادور شاعرن يقدر يوزعها
والى منه حصل توزيعها كل الامور تهون..........يحفظ حسابها لننا وبكره مايضيعها
المنقره:
عسا فيك البقا يالشاعر اللي بالوفا مضمون.....بقول الكلمه هاللي يالمطيري ماتوقعها
انا قادر على هامان لكن البلا فرعون.........يوقع هالوثيقه زيد وللا مايوقعها
العضيله:
الا يالله ياللي جيت بالديان للمديون..........يخلص دينته ولا عباد الله يودعها
مابقي غير تالي هالسنه وين انت يالجالون......... ليا منه دخل في ديرتن متر شوارعها
المنقره:
ترى زيد العضيله لو يزودها علي يمون........يمون الطيب اللي زهب البندق ويرفعها
يازيد الناس مثل الناس به صاحي وبه مجنون.......ولكن الحرار شوي وينطير براقعها
العضيله:
ياطيب اللي سواتك قلبه ابيض كنه الصابون........لكن الناس طماعه ولادري ويش يشبعها
الا ياذيب دورك عشا والناس مايدرون...... وانا ماني مجفللي طيورن من مراتعها
المنقره:
لون القلب مثل السن له فرشه وله معجون.......يابوممدوح ياكثر القلوب اللي نلمعها
انا ماحكم دام انه البضاعه داخل الكرتون........ولكن شوف راي اللي من الكرتون طلعها
العضيله:
زعلتو من حصاة تنزاح لكن بعدها ترضون.......ومن ضاقت عليهم يامنيف الله يوسعها
ليا شفتو ظلام الليل ياسارين لاتسرون.........وخلك منتبه من لقمتن قدام تبلعها
المنقره:
بحسب السلم والعادات والدستور والقانون.....يقولون الصحيح يضرله عالم وينفعها
الى مني سريت اكوم الغتره على الطبلون......ولا لي صد عن ديرة تبوك وعن ماربعها
العضيله:
ترى الحمى تهون اليابلاك الله من الطاعون......ومن حصل ديوس ابها حليب يروح يرضعها
ترفق وانت ماشي لايجيلك واحدن ملعون.......على قول المثل ماينتبه لك جاك بايعها
المنقره:
ترى ماهي غريبه لوتدندن خابرك دندون........وتوجع لك عرب لوكان ما بالقصد توجعها

هذه البدايه وترقبوا المزيد..
ختاما نتمنى ان ماقدمناه ينال على رضاكم واستحسانكم كما اتمنى الافاده عن كيفية نزيل المحاورات فيديو سواء على موقع الهيلا او على اليوتيوب..

[الحاكم الحبيب]

شوف بيت الحكمه وضرب الامثال لدى المنقره والبيت الذي اشاد فيه زيد واهتزت منه الملعبه كاملة في تلك الليه والذي اشاد به جميع الحضور الواعي من شعار وجمهور..

لون القلب مثل السن له فرشه وله معجون.......يابو ممدوح ياكثر القلوب اللي نلمعها
..الله الله عليك يابو مناحي كبير والكبير الله..
اتمنى ان نكرر هذا البيت في اذهاننا ونتمعن في عمق الصورة التي رسمها منيف وننظر في الحكمه المزروعه في صلب البيت والاهم من ذالك كيفية التشبيه ومدى نقاوته ونظافته وصياغته التي تعكس نقاوة وصفاوة قلب منيف منقره الشاعر الذي يجبرني ويجبر كل شاعر ومتذوق حقيقي للشعر ويسعى الى ارتقائه وارتفاعه والمحافظه عليه كموروث يعتزبه امام الحضارات ان يقدر ويحترم منيف منقره..
انا لا امتدح منيف ولكن الملاعب امتدحته..
انا لا اكرم منيف بل كرمه الله وحبب خلقه فيه..
انا لا اؤرخ منيف فشعره هو التاريخ..
لست متعنصرا لمنيف ولكنني متعنصرن للشعر..
وبالمناسبه عبدالله مناحي منقره اين هو كي يسحب البساط من تحت منيف..

عموما انت انتهينا في تلك الملعبه عن الحديث في هذا البيت الا وفاجأنا منيف باخر..

الى مني سريت اكوم الغتره على الطبلون......ولا لي صد عن ديرة تبوك وعن ماربعها..

للنتحدث قليلا عن ذلك البدوي الذي يسكن في احدى الهجر وياتي صباح اخر جمعة من الشهر لكي يصليها فالمدينه ويبيع بعض الماشيه ومما حصل عليه من رزق يذهب الى سوق المدينه بعد العصر لكي يشتري الطحين والرز واحتياجات بيته وبيت من وصاه من اهالي قريته ويخرج من المدينه بعد ان يصلي المغرب ساريا الى قريته مسرورا وسعيدا بما ربح من بيع وشراء ونجده دائما في طريق عودته بعد ذلك العناء مكوما بغترته على طبلون ذالك الشاص القديم مغنيا بماجاز له من الالحان والاشعار داخلا قريته من اوسع مداخلها مسرعا لايصده شيء يريد ان يلحق باهله كي يبشرهم بماحصل عليه من ربح..
بينما لو ان الله لم يرزقه في بيع ماشيته اول لم يستطع تلبية معظم الاحتياجات لعدم توفرها في السوق او لغلائها اول لاي سببن اخر.
تجده عاد متلطما حزينا يفكر في يقدمه من اعذار عند عودته ولا يدخل هجرته حتى ينام الناس.

هذا مارسمه منيف منقره في هذا البيت
هذا مالخصه منيف في بيتن من الشعر
هذا مايحكيه منيف عن ثقته بنفسه..
عندما حاول زيد ان يخيفه من الشعراء الجدد في الملعبه ويحذره اذا سرى مع احدهم ان ينتبه من لقمة قدام يبلعها ..

طبعا حنا تكلمنا عن بيتين والموضوع من اطالتة ممكن مايحصل اللي يقراه كيف لوتكلما عن المحاوره

[محمد الذيابـــي]

لاهنت يالغالي

[عبدالملك القاضي]

ياليتك نقلت لنا المحاوره بدون تطبيل لأحد

محاوره عاديه من وجهة نظري

[ابو فايح]

أراها عاديه وأقل من عاديه


لاهنت يالحاكم على النقل

[فيصل بن فهد الجهني]

الله الله


شعراء كبار ..


ابن منقره ... اذا روق .. جاب الجزل .. و جاب فنون المحاوره .. بس اهم شيء ما يتلقف حدا الشعراء و يخرب مزاجه


ابن سلمي .. شاعر كبير .. و من ميزاته .. انه يخدم الشعراء الشباب .. و يبرزهم .. لله دره ابو ممدوح



عزيزي الحاكم .. عز الله انك كيفتنا .. و جعلي ما اخلى منك



لا هنت

[الجوراسي]

والله مايقنعني المنقرة انه شاعر

ودي اصدق بس مااقدرت

يصلح في الفريحي

هههههههه

[حمدان صالح العصابين]

أراها عاديه وأقل من عاديه


لاهنت يالحاكم على النقل


معروف رايك مسبقاً

[الحاكم الحبيب]

في البدايه اشكركم على المرور ..

وفي النهايه ..


ياشعار الجزيره مافي من معه منقاش..........ينتف لمنيف شعر الشنب وشعر حجابه
حسبي عليه سواها ولف الفيل بشاش..........وحطه بخيشه عششا منها ام الذيابه

[فهد علي العازمي]

والله مايقنعني المنقرة انه شاعر

ودي اصدق بس مااقدرت

يصلح في الفريحي

هههههههه

الفريحي وشهو يا أبو باسل
:)

[برنس العتيبي]

كلهم ماهم مقنعين.......... نقل جيد بس تمنيت يكون ع شعراء افضل منهم

[المر العذب]

المحاوره جيده الى متوسطه من وجهة نظري
ولكن هناك بيت يستحق ان نقف عنده ونصفق له

لو ان القلب مثل السن له فرشه وله معجون === يابو ممدوح ياكثر القلوب اللي نلمعها

[عبدالعزيز الدلبحي]

يالحاكم الحبيب

على هونك ياللحية الغانمه ...


تراه منيف منقره


رح امدح شعره عند اللي مايعرفونه .. والا مايعرفون المحاوره

[الحاكم الحبيب]

كلهم ماهم مقنعين.......... نقل جيد بس تمنيت يكون ع شعراء افضل منهم

للاسف ماشفنا افضل الى الان..