النور جلاي الظلامي

[ابراهيم الحيسوني الحربي]

من شاعر مايهضم القاف
واخير مايبدا السلامــــي

الصدر للـجـزلات مـيـــلاف
والنور جلاي الــضـلامـي

[محمد الذيابـــي]

صح لسااااااااانك


وصح لسان قبيلك يالغالي

[ابراهيم الحيسوني الحربي]

صح بدنك يالغالي ولاهنت على المرور

[سلطان فهد المطيري]

من شاعرن للعرف قطاف
ويتعب على جزل الكلامي
يا مرحبا ترحيبــة اشراف
يسـوقهــا جــل احتــرامي

[ابراهيم الحيسوني الحربي]

اللي سعى بالبيت وطاف
اليوم مايبغى السلامــي

والله ماني رجل خــــواف
ياللي تعديت النظامــــي

[سلطان فهد المطيري]

المشكله من بعض الاحلاف
والوضع يا ابراهيم نامي
مايلحقك يا النشمي اخلاف
الضلـع يبـقا دوم زامـي

[محمد الذيابـــي]

صح لسانك ياسلطان

[ابراهيم الحيسوني الحربي]

تراي ماني رجل مزهاف
ولا سحبــتك بالخطامــي

الضلع في قمته مشراف
وينك ووينــه يالهلامــــي

[عبدالله بن هملان الغامدي]

صحت السنتكم

ابراهيم و سلطان

[سلطان فهد المطيري]

العمله الي دون صراف
لا هي حلال ولا حرامي
اشتلت حمله فوق نساف
والوضع جا فيه احتدامي

[عبدالله بن هملان الغامدي]

صحت السنتكم

ابراهيم و سلطان

[سلطان فهد المطيري]

صحت ابدانكم جميعاً


اليل يا الحسوني وينك

[ابراهيم الحيسوني الحربي]

العمله اللي كلها انصاف
عند المصارف ماتسامي

انا جمل عريض الاكتـاف
ماشيلها والجو عسامي

[سلطان فهد المطيري]

يا هيــف خلـك عنـد هياف
اكشنت في وضع الدرامي
والحذفه الي دون حذاف
لاهــيـب هـــم ولا مــلامـي

[ابراهيم الحيسوني الحربي]

يالحايف اللي مانت حواف
اثر خشيمك به عرامـــــي

الموت للاعمار قصــــــــاف
لالاح براق الظلامـــــــــي

[سلطان فهد المطيري]

يا كثر ما تشمـلك الاوصـاف
ويا كثـر ما تركبــك اسامي
موروث من موروث الاسلاف
لو مصدره يا القرم شامي

[ابراهيم الحيسوني الحربي]

حظك مادام القوم تنشاف
ولا تيدمتك يدامـــــــــــــي

موروث لكن تجحف جحاف
ساسك كما هرج الغلامي

[سلطان فهد المطيري]

وشلون تزعـ؟؟؟؟؟ل وانـت مضياف
كـريـم وتعـــز الكــرامي
ان جـارك اللــه ســوء الاصـدــاف
تعرف مقامك من مقامي

[ابراهيم الحيسوني الحربي]

انا على مبدا وميقاف
للخاين اشد الحزامي

بيني وبينك حد واطراف
لاعودت للانتقــــــامي

[ابراهيم الحيسوني الحربي]

صح لسانك يالمطيري
تشرفناااااااااااا

[سلطان فهد المطيري]

صح لسانك ياابراهيم شاعر مبدع استفدت منك والنعم فيك وفي ربعك وسامحني ان ورد اي خطاء


او اي اقصور شكرا لك

[ابراهيم الحيسوني الحربي]

كل انا بالذي به ينضح

هذا لانك شاعر ترا الناس شعار