المساعد الشخصي الرقمي

مشاهدة النسخة كاملة : ضـلع ٍ على المرجـله تقدح صواويــنه

داهية عتيبة
23-May-2005, 02:43 AM
المرسدس حدنا الحـادي وبعناهـا ’’’’’ لـو آنهـا اغلا من القلب وشرايينه
مـاهوب عيب ٍ ليـا منا جلبناهـا ’’’’’ رجـلٍ جلب موتره ووفـى دياييـنه
وان راده الله وزينها وسواهـا ’’’’’ وتبدل الوقـت من عسـره ليـا لينه
مـاراح جعله مهـف امقيط ورشاها ’’’’’ بيـت القنـاعه من اقـوى شي بانينـه
وغـلا العطايـا ليـا منا عطيناها ’’’’’ عيـب ٍ علينا نقـول فـلان معطينـه
وليـا فعلنا المراجـل ماذكرناهـا ’’’’ وابـو ملايين مانـرجي ملايينه
اللي فعـايل يمينه مثـل يسراهـا ’’’’’ مـوس ٍ على شـاربه وخـلال في عيـنه
وقـولة ونعـم الشوارب جعله افداهـا ’’’’’ كلـن يقلط عـلى ماتفعـل ايمينـه
سـحابة الشعـر هلت وانتثـر ماهـا ’’’’’ وستيقظ الفكـر في وقته وفـي حينه
شـاقه لحنهـا وجازت له وغنـاهـا ’’’’’ ونسـاق معنى القصيـد وزان تلحيـنه
واشهـر الاسـامي ليـا منا ذكرنـاهـا ’’’’’ ماشال حمـل الزمـان الا بعـارينه
والقـوم لـ الله ومرهـا وساقت اخطـاها ’’’’’ تقـول سمح النبا بحر الندا ويـنه
وقـول نـايف امعزبهـا ومنصـاهـا ’’’’’ ضـلع ٍ على المرجـله تقدح صواويــنه
لاقـلت تكفـا خذا الغتره ووطـاهـا ’’’’’ امـا على يميـن ولا بيـنك وبيـنه
حــر ٍ لامن اهـوى على الصيــده تعشـاهـا ’’’’’ مخـالبه للعشا تسبـق جنــاحينه

وسلامتكم
صح السان شاعرها المبدع سلطان بن وسام
عبدالله العريدي
24-May-2005, 08:22 AM
داهية عتيبة صح السانك و السان الشاعر / سلطان بن وسام / هبوب الريح
((الدلبحي))
25-May-2005, 12:05 PM
صح السانك والسان ابن وسام


تحياااااااااااااااتي
فداء عتيبه
25-May-2005, 12:29 PM
صح لسااانك اخوووي داهية عتيبه
وصح لسااان ابن وساااام
مع خالص التحيات لك وللشاعر ابن وسااام
ابوعبد الرحمن22
25-May-2005, 03:05 PM
داهية عتيبه يعطيك العافيه
وصح لسان الشاعر سلطان
تحياتي
فيصل المسعودي
26-May-2005, 02:42 AM
صح لسانك يداهية عتبه وصح لسان بن وسام وتحياتي لك
داهية عتيبة
30-May-2005, 12:06 PM
اشكر جميع الاخوان على الردود واسف على تاخري

تحياتي
الفراهيدي
31-May-2005, 04:40 AM
صح لســـانك ...

صح لسان قايلها

جزل وتمتعنا دائم بالجزل ...

لا هنت يالغالي ..
داهية عتيبة
03-Jun-2005, 02:00 AM
الفراهيدي يعطيك العافيه


تحياتي